ناس(ن)تنومس ابخوتها معارفها

في بعض الأوقات يصيب الشخص هم وضيقت صدر من بعض الأمور الحياتية

إذا هو شاعر بعبر عن نفسه بنفسه وإذا كان مثلي ماله إلا المواقع الشعرية

.راقت لي هذه القصيدة القيمة لشاعر خليف الوهيداني

الله مـــن هاجس(ن)نـفـسـي يلـولـفـهـا

نفـس(ن)مـن الـوقـت والايــام مـقـهـوره

كـــل المـشـاكـل باهالـدنـيـا اتـصـادفـهـا

نفس(ن)تقل من ظروف الوقت مسعوره

والـحــظ فـــي دربـهــا دايـــم مخـالـفـهـا

لــو تعتـذرمـن عـسـر مـاهـي بـمـعـذوره

نفـس(ن)مـن الـوقـت كثـرانـه مخاوفـهـا

مـنــا ومـنــا ومـنــا الـنـفــس مـحـصــوره

واخــاف منـهـا واخــاف العـيـن تطـرفـهـا

والا الـبـحـر اسـبـحـه وغـــوص بـبـحـوره

عـيـا السـنـع واسـعـد نفـسـي يحالفـهـا

وادري به نفوس مثـل النفـس مكسـوره

الـنـفــوس تلـعـبـهـا الـدنـيــا عـواصـفـهــا

وكـل(ن)خـذا بالعـمـر مــن العـنـى دوره

دنـيـا بـهـا نــاس تـفـرح فـــي مصايـفـهـا

وناس(ن)بهـا فـي ديـارن فـقـر مهـجـوره

ولـــو الفـعـايـل ابـــي بالـشـعـر اولـفـهـا

ولفتهـا فــي جمـيـل الشـعـر وسـطـوره

اقضـب سطـور الشعـر بـيـدي واحرفـهـا

وتمشـي علـى ماتريـد النفـس مجـبـوره

نـاس(ن)تـنـومـس ابـخـوتـهـا مـعـارفـهــا

وبالـطـيـب والـعــز والـفـزعـات مـخـبـوره

وناس(ن)فـعـول الـمـراجـل ماتشـرفـهـا

وعلـى فعـول الــردا والخـبـث مـسـروره

والـنـفــس تعـلـبـهـا وابـلـيــس يكـتـفـهـا

ناس(ن)مـن الكبـر واليشـطـان مـغـروره

وابـلـيـس بالـشـعـوثـه دايــــم مكـلـفـهـا

وكـل الفتـن مـن نفـوس الشـر مـجـروره

ناس(ن)عـلـى الحـقـد تبديـلـك تعاطفـهـا

حـتـى تـذبـك بـوسـط الـشــر وقـصــوره