ذكاء مديرة مدرسة .

هذه قصة حصلت لإحدى المديرات ومعلماتها وأنا شفتها مكتوبة في إحدى المنتديات ونقلتها لكم .
أخليكم مع أحداث القصة :
يقولون الله يسلمكم جميعاً أن فيه مديرة مدرسة فاتها قطار الزواج وقرّ بت تعنّس 100% لأنها من النوع اللي يـحب يـجمع الدراهم ولا تـبـي أحد يشاركها في مرتبها ولذلك رفضت كل من طلب يدها للزواج ، المهم في يوم من الأيام غابت هذه المديرة عن المدرسة وأستمر غيابها لمدة أسبوع والمعلمات قَـلِـقـات عليها وزاد قـلقهن أنها ما ترد على جوالها وبعد أسبوع راحت للمدرسة كاشخة ومُـتعطّرة وعلى سنقة عشرة ويوم شفنها المعلمات تجمّعن حولها يسألن عن سبب غيابها وليش ما ترد على الجوال ، طالعت فيهن وقالت : أنا تزوّجت !! المعلمات بغيــن يـطرن من الفرحة وبدأت الأسئله تنهمر عليها ، من هو سعيد الحظ ؟ وش مركزه ؟ وعسى ماعندك جارة ؟.... الخ .
قالت المديرة لهن : أنا متزوّجة زوج واحدة منـكن ، يـعني أنا ضرة لواحدة منـكن ، نزل الـخبر على المعلمات نزول الصاعقة على الجبال وكل واحدة ما قدرت ركبها تشيلها من الروعه والخوف وكل واحده خايفة أن يكون زوجها اللي سواها واللي جلست على الأرض واللي مسكت الكرسي حتى لا تسقط على الأرض واللي فاغرة كشرتها كأنها عند طبـيـبة أسنان واللي تسنّدت على الجدار من الدوخة ، بعدها بدأت تـنهمر عليها أسئلة الإستعطاف والترجي يردن أن يـعرفن من هو هذا الزوج ، المديرة قالت لهن ما راح أعلمكن إلا بشرط ، كلهن وافـقن وما عندهن مانع على هذا الشرط أهم شئ يردن أن يـعرفن وبس من هو الزوج ، قالت لهن : بكرة كل واحدة تجيب معها 500 ريال وإذا وقّعت الواحدة في سجل الحضور تـتـرك الــ 500 ريال على كشف الحضور فإذا أخذت الــ 500 ريال فمعناتها أنه مو زوجها واللي أترك لها الفلوس على سجل الحضور تروني متزوجة زوجها لأنه حرام آخذ زوجها وكمان آخذ فلوسها ، وافـقـن كلهن على الشرط ومن بـكرة كل واحدة تـجي وتوقع على كشف الحضور وتـتـرك الفلوس وتروح تـطل من الشباك . وكلّما وقعت واحدة منهن على الكشف خرجت وأخذت تـناظر من خلال الشباك وقلبها يرتـجف من الخوف وإذا قامت المديرة بأخذ فلوسها تـتـنـفـس الصّعداء وكأن الواحدة منهن مرشوشة بـمويه باردة ، تـجمّعن حول الشباك وصرن يـقلن الظاهر إنه زوج فلانه لأنها ما بعد شرّفـت ، المهم جميع المعلمات الـ 24 وقّـعـن وأخذت المديرة الفلوس كلها فدخلن عليها مُعـصّبات وقلن لها وش هذا اللعب لم تــتركي شيء كل الـفـلـوس حطـيـتـيـها في الدّرج ، نظرت إليهن وهي تـبـتـسـم إبتسامة صفراء وقالت لهن : أنا لا تـزوّجت ولا أنـخطــبـت كنت طوال الأسبوع الماضي مريضة قـلن لها : طـيّـب رجــّعي لنا فلوسنا قالت : معـصي ، من زمان وأنا أترجاكن نـتـساعد على فرش الـمُـصلى وتـركيـب براداة ماء ومـكيـفات وما فيه واحدة مـنـكن تـبـرّعت بريال واحد وهذه الفلوس التي جمعـتـهـا مـنـكن وقدرها 12000 ريال بأشتري بـها فرش للمسجد ومكيـفات وبرادة ماء ، المعلمات علـتـهـن الـفرحة والإنـبـساط بأن الـخبـر غير صحيح وقالت واحدة منهن لو تـبـيـن 100 ألـف بس لا تـقـر بي يـم زوجـي دخيلك !!
...
وش رأيـكم هل تـصرف الـمديـرة صائب أم لا ؟