وإن مـن الشعر لـحـكمه " يُـرجى المشاركة من الجميع "

قــامــت الـدنـيــا تـحـدانــي تــحــدي=غيـر أنـا بـا قــوم أعانـدهـا عـنـادي
وأتـحـداهـا ولـــو مـــا هـــي بـقــدي=فـان مصيـر الكـون والـكـل النـفـادي
أزمــــة ٍ تـقـبــل وأزمــــاتٍ تــعــدي=وكــل شــي ٍ بـيـد خـــلاق الـعـبـادي
إنــمــا الـدنـيــا مــتــاع ٍ والــمــردي=بالـثـرى والقـبـر مكـفـوف الـلـحـادي
كـل مـا قـام الـزمـان يـجـور ضــدي=مـن نشدنـي كيـف حالـك قلـت زادي
آتـظــاهــر لـلـتـحــدي بـالـتــصــدي=لاجـل مـا تكثـر شمـاتـات الاعــادي
فـإن مـا قـد كتـب لـي مـا منـه بــدي=والمصيـر يصـيـر والـواقـع وكــادي
لـو حاولـت بكـل جـهـد وكــل جــدي=مـاعـن المقـسـوم رغــم الاجتـهـادي
لازم ارضـا بـه ولـو مـا هـوب ودي=ذلــك امــر الـلـي علـيـه الاعتـمـادي
لـو شكيـت ولـو بكيـت وبــاح ســدي=ما سـوى الخالـق يحقـق لـي مـرادي
وان مدحت الحـظ وان قلـت متـردي=كــل مــن لافــاده الله مــا اسـتـفـادي
بأجـتـهـد وآكـــد واسـتـمـتـع بــكــدي=والله يكـتـب كـــل مـافـيـه الـســدادي
لازم أنسى أمس ٍ وأعمل لأجل غدي=وكـــذا الـدنـيــا كــفــاح ٍ وجــهــادي
والاجـــل مـحـتـوم وقـتــه لا يـمــدي=لــن امــوت إلا إذا حــان المـيـعـادي
دام لــي حــد ٍ مشـيـت الـيـن حـــدي=والله الــقــادر ويـفـعــل مـــــا ارادي
مهمـا عديـت الليـالـي الـسـود عــدي=فالأجـل ينقـص وهـي تبقـى جــدادي
كـم وكــم بقـعـا تجـيـب وكــم تــودي=والمـنـايـا كـــل يـــوم تـمــد ايــــادي
ودي أسلك درب أبوي ودرب جـدي=وأتـرك الأنــذال وآمـاشـي الـعـوادي
يكفي اللـي فـات مـن جهـل ٍ وصـدي=عـن طريـق العـدل جـد ٍ واعتـمـادي
رفـقـة الطـيـب كـمـا عـــود ٍ ونـــدي=وزبــاد وعـنـبـر ومـســك ٍ وكـــادي
ورفـقــة الانـــذال لابـــد ان تــــودي=للـنـدم مهـمـا يـطـول بـهــا الـتـمـادي
هـكـذا الدنـيـا بـهـا استـرخـاً وشــدي=مــا تـعـاش الا بصـبـر ٍ واجـتــلادي
دام مـا حــد ٍ راح لــي فيـهـا بـعـدي=ســــوف أقـاومـهــا وبالله اعـتـقــادي
والـعـدو مـانـي بطـالـب مـنـه مـــدي=والصديـق أغليـه لـو كـان اقتصـادي