نادى المنادي

يا مسلمين استحوا بالله وش ها لرقاد=وش عذركم في بلاد الشام يا سامعين
نادى المنادي عليكم قال وين الجهاد=كم لي وأنا اصيح وأطلب فزعة المسلمين
دمي نزايف وسطو المعتدي بازدياد=الله على الظلم والله يلعن الظالمين
تكفون بعتوا دمي بيع السلع بالمزاد=ما خفتوا الله ولا رديتوا المعتدين
أعراضنا تنتخيكم من جميع البلاد=والخائن المفتري يبطش بنا كل حين
والله ما عاد يهنانا شراب وزاد=وأنتوا على وضعكم بالحيل مستأنسين
واحنا هنا عائشين في خطر واضطهاد=عدونا عذب المسلم عذاب مهين
لا صار حرابنا يسعى بقتل وفساد=وأنتم عن أحوالنا يا ناس متخاذلين
والله والله ما رايح ننال المراد=والعزم يضعف وتقوا شوكة المجرمين
اقول يا مسلمين الجرح ماله ضما د=إلا بوقفة تعيد الأمن للخائفين
أن كان ما بان منكم وقفة بالعتاد=ارثوا هل الشام وأرض القدس والرافدين
والأمر للواحد المعبود رب العباد=اللي له اشكي ورب البيت نعم المعين