بين شايب وشباب

الشايب =يقول
أتوجد وجد من شوفه غـــــــــــــــد ى=من شباب اليوم يا مال الـــردى
قل من تلقاه يسمع لنـــــــــــــــــــــــدى=ليلهم يوم وصار اليوم ليــــــــل
الشباب =يقول
روح يا شيبة ترى عمرك قضـــــــى=لا تذكر كل ما منك مضـــــــى
أنت قل يا الله عفوك والرضــــــــــى=واسأل الغفران من قبل الرحيـل
الشايب =يقول
ويا وجودي وجد مطعون الحــشــــا=من شباب اليوم ما شفته مشــى
نائم يومه إلى بعد العشـــــــــــــــــاء=لو تشوفه من عنا حاله يميــــل
الشباب =يقول
أنت في عصر الحضارة والتـــرف=راح وقتك ذاك عنا واختــلــف
وأنت شكلك بالنعم ما تعتـــــــــرف=العن الشيطان يا لشيخ الجليـل
الشايب =يقول
عصرنا كانت علومه طيـــــــــبــة=ما ربت فيه النفوس الخـيـــبـة
الفتى ما فيه شيء عيّــــــــــــــــبه=ننكر المنكر ونقنع بالقلـيـــــــل
الشباب=يفول
عصرنا عصر السعادة والرخـــاء=والتكاتف والتراحم والإخـــــــا
بيننا صحبة مع بذل وسخـــــــــــا=ما تلاقي بيننا شخص بخيـــــل
الشايب=يقول
بينكم كل المشاكل شفتهــــــــــــــا=والحياة أنشهد إني عفتهــــــــــا
فيكم أبيات الرثاء ألفتهـــــــــــــــا=والبلد بوجودكم حمله ثقيــــــــل

الشباب =يقول
استمع يا جد من قلب نصــــــوح=أسألك من قبل ما روحك تروح
ليش منا داخلك كله جـــــــــروح=ما توقعتك من أحفادك عليـــــل
الشايب =يقول
آه كم مثلي من أمثالك جريــــــح=من ملابسكم ملايين تصيــــــح
والشعور اللي على متنك تطيــح =يا عسى مثلك بدولتنا قليـــــــل
الشباب =يقول
لا تعيّرني بتطويل الشعــــــــــور=الشعر موجود في كل العصـور
والنبي المصطفى ربا شعـــــــور=واعتبر هذا لنا نعم الدليـــــــــل
الشايب =يقول
النبي المصطفى أطهر بشــــــــر=تقتدي به بس في طول الشعـــر
وأنت من عامين عن فرض الفجر=مستحيل اقنع بقولك مستحيـــــل
الشباب =يقول
طيب أبغى أعرف سوابق عهدكم=وأنت في سني وش اللي عندكـم
ما تعرفتوا على اللي مثلكــــــــم=بينكم يا جد ما يوجد زميــــــل ؟
الشايب =يقول
بيننا كان احترام ومقــــــــــــدرة=والتواضع كلنا نستثمــــــــــــــره
في مجالسنا وجوه مسفــــــــــرة=قوتهم شحم مع بن وهيـــــــــــــل
الشباب =يقول
أكلنا يا جد يغشاه ا لحــــــــــلى=وأكلكم ما ينظروا في المــــــــــلا
الشحم يا جد هو ساس البــــلاء=وأنت من قل ا لحلى حسمك نحيل
الشايب= يقول
أنت قوتك يا وليدي ما أعرفــه=جابه الهندي وبيده لفلفـــــــــــــــه
راتبك بين المطاعم تصرفـــــه=صرت للكنتاكي أكبر من عميـــل
الشباب =يقول
في ختام السالفة والشربكـــــــة=يا وجوه الخير هذي معركـــــــــة
ابتعد يا ورع والهرج أتركــــه=وأترك الشايب عسى عمره طويل
والنصيحة عبر هذي الملحمــة=قلتها من باب حب ومرحمـــــــــة
يا عظيم الشأن منك المكرمـــة =ترحم أحوال البشر وأنت الجليـــل