اسلوب جديد للسرقة

المشاركة الأصلية كتبت بواسطة تَرَاتِيِــــلٌ‏

الله يكفينا الشر ويسترنا والمسلمين
ولو يقللون النساء الروحه للاسواق تكون أستر وأحفظ لهم
والمحرم أهم شئ يكون معها روحتها لحالها كثرت من الطمع فيها بجميع الاشكال ..
وأحكي لك عن موقف صار معي انا شخصيآ في مجمع نسائي سرقت مني 1500 ريال وانا ساكته وكأن من قال خليها تفتح البوك وتأخذ ماترغب به وأسكتي ههههههه اتوقع بخت عليه شئ خدر مخي فترة مؤقته..
جزاك الله ووالديك الجنه على التنبيه..

انا اللي ملاحظة ان السرقة في الحريم كثير .. وش السبب؟؟ ولاحد يفهم كلامي غلط ماهو نقد في الحريم لكن هذي الحقيقة ..
المشكلة اكثر السرقان ماهمب البنات الصغار 15-20
ولاهمب الكهيل 50+
السرقان هم من 30-45
لاحيا وحشيمة يعني الصغار المراهقات ماسرقوا وهذول الوحدة عقلها في راسها وقد بلغت ورشدت لكن مدري شفيهم صراحة ..
صراحة كذا مرة حصلي موقف مع هالفئة العمرية سواءا سرقة او تنفخ او تهايط من دون اي مبرر صرت يوم اشوفهم اتعوذ من الشيطان ..والله اني اخاف منهم ..
مرة من المرات كنت في منتجع درة العروس عزمنا دكتور من الكلية وطبعا المكان مختلط وقلة ادب بس مانقدر نرد الدكتور لانه طيب جدا وعسل معنا وطبعا ولد امي وابوي ماني راعي قلة ادب .. المهم دخلت طبعا الدرة فيها شوارع من داخل والنسوان يسوقون ..مشيت انا بسيارتي وفجاة اشوف حادث بين بنت برضه من الفئة المصدوعة الممروعة عمرها بالثلاثين وواحد من اخويانا في الجامعة وقفت عشان اجلس مع الولد واساعده لين يجي الامن ..هذي الله لايوريكم انفكت علينا نفيخ وهياط ونزلت من السيارة بالجنز والكت لاحيا ولاحشيمة يوم قلت لها بكل احترام وهدوء احترمي نفسك وانتظري الين يجي الامن قالت لي (انتا اساسا ماعندك زوق ولا انتا محترم ).. ان قلت بترد عيب انك ترد على بنت ..وخويي يقول اضربها لكن والله لو تشوفونها طول عافية بالضبط زي المذيعةجيسي حقة البانوراما..وانا مسكين مربوع الطول ونحيف يعني والله ان تدهكني دهك..
صراحة عده احاسيس امتزجت فيني
خوف+حياء +زعل+...
المهم اني انبكمت ومارديت