{ تَبآشيِر الفَرح ~

،

سحابٍ مآ رِبى إلا وَ ربي بالربى مِرْبيه =على حد الأفق فوق الروآبي هآم همّاله
زهآبه البيآض اللي زهى به والحدود تتيه=تفرّع عآرضه شيبٍ شعى بالناشيّ خصاله !
رمادٍ والجمر تحته مقاديح القمم تحييه =غمامٍ والرِضى فوقه يعم الأرض بزلاله
عنآقيدٍ بلا قيد وقطآفٍ دونما تنبيه =تِرداد البرد وبله كما مِقدام خيّاله
إيلامنّه نشى وأغشى البياد بلبها توريه=عنآقٍ ساق إحزوم الجفاف بساقي أوشاله !
ترآجف له جروفٍ جارِ مجراها الحصى تِجريه = و يلجَّ بهآ الهدير الهادر الحادر من جباله
كأن الأرض تضحك للبروق وثغرها تخفيه=ويبادرها الغزل برقٍ ختم بِ الريق تجواله
تَعطَّر له بنآت الأرض وزهرة شيحهآ تهديه = ويهديهآ النفل والبِرك والريحآن ب أكلاله
بِ ريح الفُل والكآدي يعود من الفرح جآفيه=ويزهر روضهآ الغآني بِ حلمٍ حقق آمآله
تباشير الفرح لهفة طيورٍ للمطر تشجيه=تبآشير الفرح لعبة صغآرٍ حول شلّاله
تبآشير الهنى شوف الكبآر وفرحهآ ترويه=بِحرف وَ عين وأصوآتٍ تردد يا لالا لاله
تَبآشره الملا وأملا العيون بحمد ذآ يزجيه=فسبحآن الله اللي سآقهآ حمداً وإجلاله

تلآآآهيف ♥