أحبك كثر مـا خانـت .. جديلـة كتفـك المذهول

مما راق لي اتمنى ان تعجبكم

تضم الريح في غفلة سكونك .. شعـرك المجـدول =يخون الشعر أكتافك .. على صدر المسا العـاري
أحبك كثر مـا خانـت .. جديلـة كتفـك المذهول =واحبك كثر ما .. مر البـواح بخاطـر اسـراري
ذكرتيني شتا.. أمطار ..كـفّ(ن) يرتجـف مبلـول =وليل الياس لحفني .. علـى بابـك وانـا سـاري
وذكرتك شهقتين ودمع .. لسان اتلعثمـت بالقـول =ما بين اقرب مَثَلْ رمشي .. وبين ابعد عن ديـاري
حبيبي والليالـي اشفـاه .. مصّـت شفـة المقتـول =انا المقتـول بالفرقـا .. وليلـي بعثـر انـواري
تحاشيت السهر لاجلك .. وزنده فـي يـدك مفتـول =طواني لعنبوا حيلـه .. وصـب الهـم باشعـاري
دريت ان السما وجهك.. عرفت ان الفضا مجهول =وعرفت ان القدر دربك .. الا يا صعبهـا اقـداري
وجيتك والضلوع اشواق .. اباري همـي المسلـول =اسابق ريح تعصف بي .. وكن الريـح مشـواري
لقيت الريح سبقتنـي .. تمـازح شعـرك المفلول =وانا مكتوفه ايدينـي .. لـو ان العاصفـه ثـاري
وغابت عينك الزرقا .. ورى استار(ن) حمـر مسـدول =وطاح العمر قدامي .. وغصـت روحـي بنـاري
غدت احزاني الكرسي .. وانا هالشايـب المشلـول =الا ياحزان دلينـي .. تـرى ضيعـت انـا داري

طابت اوقاتكم