صحيح ان الغلا فاضح

على حد السكوت الي جرح خد الكلام وذاب
وقفت اودع البسمه ابقتلهـا علــــــــــــــى شفاتـي

سعيت ادور الفرحـه وادور للهنــــــــــــا اسبـاب
تعبت وتاهت ادروب السعـــــاده فـي مساحاتـي

طويت الحزن بيديني وفصلتـــــــــــــه علـي ثيـاب
تقول ان الحزن فيني شقا مخلـــــــــــوق فـي ذاتـي

عشقت الليل لاطبق على عـــــــين النهار اهـداب
وغنت بـه نجومـن فـي سمـــــــــــــــاه تردد آهاتـي

قصيدٍ من الأسى سطرعلى لـــــــوح الزمان كتاب
حروفـن حبرهـا دم الوريـــــــــــد وسيـل دمعاتـي

على غدر الزمان الي وقف مــــــع صدمة الأحباب
خساره كل ماسامـح خطـــــــــــاك تزيد صدماتـي

الاياحظي المقفي ترا عنـــــــــــدي عليـك اعتـاب
قبل لا تبتعد عنـــــــــــــي تعـال وشيـل شرهاتـي

تصد بضحكتك عني وانا الي ماحسبت احساب
عوافي كانها هانـت عليــــــــــــــــــك اليـوم عبراتـي

اشيلك هم في صـــــدري ولا افتح للعواذل باب
اشفر موجـة الونـة ولــــــــــــــــو تكبـر معانـاتـي

صحيح ان الغلا فاضح صحيح ان الهوى غلاب
ولكنـي امـوت ولايهـــــــــــــــــــــــز الـذل رايـاتـي

تلوم الناس ماتدري وانااللي بالجفـــــــا منصـاب
ادوس الجمره برجلي وابيــــــــــــــن دوم ضحكاتـي

الاياهمن بصدري ترعرع بالخفـــــــــــوق وشـاب
مادام انك على قيد الحيـاة تعآل اكتـب نهاياتـي


مما طاب لي