اترك طروق الشعر لأهل الجزالي

يا صاحبي ياللي عليك الزمن جار=ياللي حداك الوقت من كل جالي
ان كان همك نقص درهم ودينار= نقضي على همك بخشم الريالي
قدم لنا الشكوى مع صك الاعسار=وبكره بتصبح من عنا الهم سالي
وان كان همك من هوى طايرٍ طار=تلقى بدل طير المحبة بدالي
وان كان همك من هواجيس وافكار=احذر يجي ل ابليس عندك مجالي
صل الفروض وبعدها عد الاذكار=وارفع كفوفك بالدعا والسوالي
للي يبدد ظلمة الليل ب انوار=اللي عليه الامر والاتكالي
واخذ النصيحة من خبيرٍ وبيطار=اترك طروق الشعر لاهل الجزالي
الشعر صيدٍ له قنوصٍ وصقار=وانتا تسوقه مثل سوق الحلالي
ابلشتنا واشغلتنا ليل ونهار=بالشعر الاقشر والبيوت الهزالي
عامين وآنا اركّضك كل مضمار=وادربك لكن خيبت آمالي
كنت احسب انْك احصان وآآثارك ؟؟؟؟= لا واخسارة وقفتي وانشغالي
يمكن تجي فنان ولا مسيقار=لكن تجي شاعر فهذا محالي

خالد العمري