وش فيك يا دمعها..؟ تملى محاجرها ..!

وش فيك يا دمعها..؟ تملى محاجرها ..!



اللي خذت خافق ٍ متولع بناره
الله يستر عليها من مشاعرها..!

من يوم وادعتها والعين محتاره
وش فيك يا دمعها..؟ تملى محاجرها ..!

الحظ / وظروفها / والوقت / وإصراره
حالن على حبها لو ضاق خاطرها

الحب مبطي علينا طال مشواره
والشوق في رحلته لازم نسافرها

بعد الشغف والغلا يكشف لنا أسراره
لو هي على الخافيه ماجيت ناحرها

أقولها والحزن بالجوف له شاره
وألا هموم المفارق عاد خابرها

عاد الخجوله ماهي للصد مختاره
السالفه عبرته حانت من آخرها

فكت حلقها وراه العقد وأسواره
متضايقه بالعذاب اللي يسامرها

لاشك ماهي على الحرمان صباره
الضيق في وحدته دوني يناظرها

من دونها حالت الاقدار قهاره
ماعاد باقي سوى الذكرى وأقدرها

والدمعه اللي على الخدين حداره
إليا لفى طيفها ماودي أظهرها

أخاف من واحدٍ يرسل بها بشاره
لاشك ياخافقي ماهوب عاذرها

وأن هب ذاك الهبوب تحدني غاره
قبل الغياب الهبوب تهيض شاعرها

ليه الهوا نسمته ماهيب عذاره
ماتدري أني بعد هالحزه أذكرها

دنياً ومنته وأثرها حيييل غداره
أغفا على صوتها واليوم ساهرها

صلف الليالي تحول وغابت أخباره
والكايده غايتي تخفي مشاعرها

راق لـــي ,,