- ( تعبت من الحيآة وملّت تبي فرقآك , ذكرت الكل .. لكنك نسيت تمر في بالك ) !

هنا نزُّف الوجع بموسيقى شعرية رائعة
تتعدد فيها المشاهد ، يعلو فيها صوت البوح،
يتمرد فيها الشاعر على ذاته .. ليقول في رآئعته
( ذآكرة شُبّآك ) :


تعبت من التعب مليت من دربـك نسيـت خطـاك
شربت من الضما حتى رويـت وفـاض فنجالـك

ذكرت غيابك اللي لـو نسـى هالكـل ماينسـاك
يوديـك الغيـاب بعيـد عـن عينـك ويغتـالـك


يـدورّك الحنيـن فذكريـات الوقـت مايلـقـاك
يمرّك كـل ليـل اكثـار نـاس وتسهـر لحالـك


( محمد ) : ليه هذا الحزن في عينك يجيب اقصاك؟
( محمد ) : وش بلاك تحـب شيئـا ماتهيالـك ؟


نشف فيك الكلام ورحت من صمتك تصب شفـاك
غدر فيـك القصيـد اللـي تقـول وراح ماقالـك


ملل نومك .. ملل يومك .. ملل دومك .. وماادراك
.مواويلك .. سهر ليلك .. يبي يشيلـك ولا شالـك


وسع ضيقك .. نشف ريقك ترتل صبحك لظلمـاك
تعبـت تهمّـك احـوال العبـاد وتهمـل احوالـك


تسلل مـن ورى بـاب السنيـن لذاكـرة شبـاك
يساورك المـدى تقـرا القديـم وترسـم اطلالـك


هنا : لعبتك ضاعـت مـر طفـل بلعبتـه بكّـاك
هنا: دمعتـك طاحـت ضيعـوا فرحتـك بريالـك


هنا : سويت من وهم الزمـان احـلام ماتسـواك
هنا : فـازت هزيمتـك ورجعـت تجـر اذيالـك


هنا : يلبسك ثوب العيد ماتعـرف حـزن دنيـاك
هنا : تجلس على صدر المكان وترخـي عقالـك


هنا : اول مرّه تصافح غـرام وترتجـف يمنـاك
هنا : اول مرّه يطيـح الكـلام وتوقـف افعالـك


هنا ودعت ابـوك وأنتقلـت انتـه الـى مثـواك
هنا وحدك قـدرت تشيّـد اعظـم حلـم متهالـك


طلعت من الحيـاه ب( يرحـم الله شايبـاً ربّـاك)
تغيّر شوووف وانا ابوك صارت شف وانـا خالـك


( هنا ) ترجع لشباكك كبرت وصرت غيـر هنـاك
تحاول وحـدك تطفـي وهمـك وتشعـل آمالـك


وحيـد الا مـن اكثـر بـوح لاجـابـك ولا وداك
بعيد الا مـن اقـرب روح راحـت قبـل تقرالـك


( محمد ) : بعد هذا الهم وش باقي لجـل اقـراك؟
( محمد ) : كل هـذا الهـم وش خـلاّ لعذالـك ؟


تعبت من الحيـاه وملّـت ايامـك تبـي فرقـاك
ذكرت الكـل .. لكنـك نسيـت تمـر فـي بالـك

محمد الوسمي المطيري

( محمد ) : ليه هذا الحزن في عينك يجيب اقصاك؟
( محمد ) : وش بلاك تحـب شيئـا ماتهيالـك ؟




اختيار راقي

يسسلم الذووووووق

لا هنتي

وسع ضيقك .. نشف ريقك ترتل صبحك لظلمـاك
تعبـت تهمّـك احـوال العبـاد وتهمـل احوالـك


تسلل مـن ورى بـاب السنيـن لذاكـرة شبـاك
يساورك المـدى تقـرا القديـم وترسـم اطلالـك


لك ِريشه دوماً ترسم الجمال .. وهاهنا رسمت لوحه من الجمال لا يتقنها الا نبض
مبدعه في اختياراتك دوماً
تقبلي مروري

آلآجمممل طلتكم ..

لآعدمتكم ..