انا خويك

انــــــاخـــــــــويــــك
انا خويك اللي ليا طحت شالك ........ لاضــامتك دنيـاك والوقـت بك مــال

أنا يميــنك شــدني في شمــــالك ........ يمنى بلا يسرى ترى حــالها حــــال

أنا عزاك وعـزوتك لاجـرى لك ........... من تاعس الدنيا هواجيس واهـــــــــوال

ماني من اللي لا اغتنى ماوفالك .......... لو لك عليه من الجمـــايل والأفضـــــال

وماني خويك كان وقتك صفالك ........... أنا خــــويك لادبرت فــيك الأحـــــوال

خذني عصا موسى اذا كنت هالك ......... امســح لك بحـــور القهـر قول وأفعـال

فالك عسى الله يسعد اليوم فـالك ........... فالك عقب صوم الدهر عيد شــــــوال

بالك يجي في خاطــرك يوم بالك ........... انك تغيب ولا تجي لي على بــــال

لا لا تفكــــر انت في مثـــل ذلك .......... ان اتخلى عنك لو الزمــن طــــــال

مااقـــول أنا ياعم مالي ومـــالك .......... ماترخص العشره ولاتغني أمـــــوال

اسمع جوابي قبل مااسمع سؤالك .......... خارج حدود التغطيه وارسل ارسـال

على محيـــط السالفــه حط دالك ........... اجيــك رجلي كان ماجيــت خيــــــال

أنا ليا شـح الزمــن في وصــالك .......... تمدني النخــوه على وصـــلك حبــــال

أنا عمى عيـن العـدو لانـوى لك ........... انـول روحـــه قبل ما روحـك تنــــــال

بينك وبين الشمس شجــرة ظلالك ........ ماللشجــــر قيـــمه اذا مالـــه ظـــــلال

والليـــل لو الليـل مظلـم وحــــالك ......... ترسمني الظلمــا على صـدره هــــلال

ماني ولد عمـــك ولا أغلى عيـالك ........ خطـوا الخـــوي يسوى بني عم وعيـال

ابو صاهود

دائما رائع

لا هنت ع هذا التوهج الدائم

من اروع ما قرأت

عوافي يبو صاهود

ابوصاهودالعمري

صح الله لسااانك

وبيض الله وجهك

قصيدة تستحق الوقوف

تقبل أطيب التحايا

عمري ولااحدقدي
مرورك كان اروع
لاعدمنا هذا الوجه الطيب
تحياتي لك

نواااااره
كلك ذوق
لاعدمنا هذه الطله
تحياتي واحترامي

سيف العرب
وصح بدنك
وانت من تستحق الوقوف لك
لانك متذوق الكلمه وراعي الاصايل
لاعدمناك ياغالي

ابو صاهود ذكرتني بالبيت ذا

انا خويك بالليالي المعاسير
........ وإلا الرخاء كلٍ يسد بمكانه ...


يعطيك الف عافيه ولاعدمناك

كلك ذوووق

المسكت
ارحب تراحيب السيل
مرورك اسعدني
وتعليقك رائع
تسلملي ولاعدمناك