قصة محزنة وفيها شوي من النكته

دخل رجل على زوجته وهي مشغولة في البيت وناداها ودار بينهم هالحوار:

هو: يا فلانة

هي : سم

هو: تعالي أبيك لو سمحتي

هي: وش عندك؟

هو: تعالي وأعلمك

هي: يا حبيبي مشغولة أكوي ملابسك

هو: خلَّي الكوي وتعالي

هي: طيب

ثواني وهي جاية بملابس روعة وريحتها أروع وابتسامتها مالية وجهها ؛ وقالت:

سم .. آمر حبيبي

ناظرها بابتسامة صفراء وقال: تراني تزوجت عليك

جلست على الكرسي وهي تناظره وقالت بصوت يرتجف: وش قلت؟

هو: أقول تراني تزوجت عليك ويالله قومي خذي لك ملابس وروحي لأهلك كم يوم

بسافر أنا وزوجتي الثانية كم يوم وراجع

ناظرته وهي مصدقة ومو مصدقة وبدون سابق إنذار هب في وجهها وقال: قومي الحين

وحطي لك كم لبس ويالله تراني أنتظرك بالسيارة لا تتأخرين علي

طلع وهي تناظره إلا مبققة عيونها مصعوقة من الخبر وحايرة من أسبابه

دقايق معدودة وهي تفتح الباب وتركب معه وبصوت يكاد يختنق قالت: لو سمحت

ممكن تجيب الشنطة؟

نزل من سيارته وأخذ شنطتها وحطها بالمقعد الخلفي .. شغل السيارة وتوجه لبيت

أهلها .. شوي وهم واصلين للبيت وقالها: تفضلي انزلي .. فتحت الباب ونزل

قبلها وأخذ الشنطة وجاء من عند بابها ومسك يدها وقالها: حبيبتي تراني ما

تزوجت عليك ولا هم يحزنون .. بس ترا أبوك ما ت!!

هي بدون شعور قالت:

*
*
*
*
*
*
*
*
*
*
*

أششششششوااااااااا


منقول

يا حليلها....
او تندم العمر كله على ذا الكلمه

عسا الله يفك في عقله والله ان ودي يتزوج خمسه وثلاثين وحده ولا يظيم بويه ولو اصبع ريله السعيله

قطع الله ادبه راعي ادب

يعطيك العافيه ابو فايـز على القصــــه

كأن لسان حالها يقول الحي أبدى من الميت

مشكووور ولاهنت على ما أوردت

تقبل أطيب التحايــــــــــــــــــااا

الله اكبر ..................

ابوها مات وتقول اشوى

لكن على قولة سيف العرب الحي ابقى من الميت .........

قصه جميله تشكر عليها

عسا الله يفك في عقله والله ان ودي يتزوج خمسه وثلاثين وحده ولا يظيم بويه ولو اصبع ريله السعيله

قطع الله ادبه راعي ادب

اما خمسه وثلاثين ؟ لا والله ولا ربع وحده ما اقبل
لكن هو قال بيجيب لها مصيبه تشل تفكيرها واذا تعبت مرره يجيب لها المصيبه الثانيه اللي رح تصبر عليها لانها من رب العالمين وسنة الله في خلقه

وعلى قولة ريانه العود قطع الله ادبه راعي ادب