(@) إهداء الى سعادة المستشار / محمد الرافعي (@)

إهداء الى سعاده المستشار القانوني / محمد عبدالرحمن الرافعي ( أبو مساعد )

يالله اني طالبك يا ذا الجـــــــــلالي = يــا إله مـا يـخـيـب مـن لـجـــــأ له
أحفظ لساني وجـنـبـنـا الـــــــزلالي = وأكفنا في كل شيطان وعــيـــــــاله
بعدها أسلم سلامٍ بأعــــــتـــــــدالي = صافيٍ وافي ونشهد بإعـــتــــــداله
ما يليق إلاّ بأصــحــاب المعـــــالي = والشـيوخ اللي تعدوا كل حــــــــاله
ياصلك يا أبو مساعد في عجــــالي = من كبر قدرك دعيته في عجـــــاله
وأنت والله قرم من قرم الرجــــالي = وأشهد أنك ساس في معنى الرجاله
فيك عزة نفس فيك المجد طـــــالي = فيك معنى الطيب في جملة خصـاله
أنت صيتك واصلٍ فوق العــــلالي = وأنت فيك الصدق وأنواع الـعـــداله
وأنت راعي الكيف في صفرالدلالي = وأنت راعي الأوله وأصل الأصـاله
وأنت فيك أوصاف أبوزيد الهلالي = والكرم من حاتم الطائي تــنــــــــاله
قلتها صادق ولي موقف لــحـــالي = موقفٍ يشهد على من قال قـــــــــاله
والبيوت كبار من نوع الـجـــزالي = صغتها في همةٍ وأبغى الـــجـــــزاله
وأطلبك في العذر يالرجل المثـالي = قدرك أكبر من القصيد ومن مثــــاله
والقصيدة ما توفي حق غـــــــالي = والغلاء موجود عندي في غــــــلاله
وأنا شاعر والقصيده في مجـــالي = وكل مخلوقٍ حلاته في مــجــــــــاله
مكسبي والله ماهو في الريــالي = مكسبي في معرفة راعي الجمــاله
ومكسبي يا أبو مساعد والمنــالي = معرفة شرواك ما أدور بـــــــــــداله
ومعرفتكم يا محمد كســـبـهــا لي = كاسبٍ مدح البطل والطيب فــــــــاله
وأحمد الله كل شيءٍ بالــحــــلالي = وأنا شــعري ما كتبت إلاّ حــــــــلاله
أكتبه لأجل النشاما من حــــــلالي = وأتحدى من يقول انه حــــــــــــــلاله
ولاتعديت القصيد بشيء محـــالي = والحقيقه في البشر ماهي مــحــــــاله
وأختم أبياتي عدد طرح السؤالي = وعد من جاوب على السائل ســــؤاله
بالصلاة على النبي خير المقالي = وخير ما يختم به المســلم مــقـــــــاله

قمة الابداع

لا يجاريك قلم

انت رائع ومرهف احساس وذو ذوق عالي

وابو مساعد يستاهل كل خير

اتمنى لك دوام الصحة والعافية

واسعد الله مسائك

وتقبل فائق الاحترام

صح لسااانك يا غرمان

قصيدة وافيه من شاعر وافي
ومحمد يستاهل والله
ننتظر جديدك
تقبل أطيب التحايــا

الأخ العزيز / العقد . أسعد الله أوقاتك وشكراً لك على هذا المرور الجميل والكلام الأجمل 0 تقبل مني أحلى التحايا 0

الأخ العزيز / سيف العرب . ما أدري وش لون أشكرك كل لحظه أكتب فيها القصيده أحظى بمرورك الغالي فلك مني أجمل التحايا ودمت بخير 0

صح لسانك يا شاعرنا غرمان
ابدعت في الوصف وتخطيت حدود المدح
هم الكبار دائما لا سقف محدد لامتداد اشعارهم
قلت واوفيت
وبو مساعد يستاهل الطيب واكثر
تقبل خالص الموده
ابو عبدالله

غرمان بن عزيز
قول وفعل يابعدي
لاشك ابو مســاعد يستحق ذلك
للمشاعر ان تبوح غلاها للغالين

لك مودتي وصح الله لسانك مليون


اخووك

ابيات وافيه من شاعر وافي .

و يستاهل الاستاذ القدير محمد الرافعي (( ابو مساعد )) .
و الله يديم المحبه و الايخاء .

الأخ الفاضل والمدير الغالي الأنسان العاقل بما تعنيه الكلمه الأستاذ / صالح آل سلمان ( أبا عبدالله ) . شكراً لك على مرورك متابعتك ودمت بخير وسعاده 0

الأخ الغالي / المسكت . ( أبا غلاء ) أشكرك كل الشكر على مرورك الكريم وعساك سالم وغانم ولك كل الحب والتقدير 0

الأخ العزيز والغالي والشاعر المبدع / بيت القصيد . ( أبا ثامر ) الله يعطيك العافيه على هذا المرور الطيب من رجل طيب عساك تسلم ولك أجمل التحايا 0

صح لسانك يابوعزيز


والاخ محمد الرافعى يستاهل كل خير


تحياتى

أخي الحبيب و الغالي / سيف الساهر . مجرد مرورك وإطلاعك على قصائدي يعتبر شرف لي ووسام وشهادة بجمال ما كتبت وجودة ما رسمت فلك مني أجمل وأرق وأحلى التحايا 0

الاخ غرمان عزيز .
صح لسانك شاعر جزل ويستاهل الرافعي .

............... تحياتي .
................................... طويق

الأخ الغالي / ساكن طويق . شكراً لك على هذا المرور وعساك تسلم ودمت بخير وعافيه 0

الاخ/ غرمان بن عزيز،

شاعرنا القدير ما قصرت فيمن يستحق المدح كلمات وأبيات قوية لمن يستحقها،

بارك الله فيك ولك على اسلوبك وحضورك،

لك تحياتي،،،

الأخ الغالي / أبو شروق . اشكرك على هذا المرور الغالي وعساك تسلم ودمت بخير وسعاده 0