$$$$$$$$$$ أنـــــــــواع الـبـشــــــــــر $$$$$$$$$$

أحدٍ يســــــــلي خاطرك يـوم تـلـقــاه = ويشيل عنك حمولك اللي ثـقـيــــــــله
وأحدٍ تقول يا رب تســـــرع بـفـرقـاه = غثيث بال ولا بهرجه حـصـيــــــــــله
وأحدٍ مع الأبطال صيته ومـــــرقــاه = يرقى الـصـعاب وكل غالي يـجـي لـــه
وأحدٍ مع الشيطان من كفه أســقـاه = ســــم الليالي ما يـلاقي بـديـــــــــــــــله
وأحدٍ علومه يوم تـبـدي مـــنــقـــّــاه = ما جاء بها العذروب لو هي قليـــــله
وأحدٍ شقيّ وكل من جاء له أشقاه = مـا فيه مـعـروفٍ ولا فـيه حـيــــــــــله
وأحدٍ بـقـلـبه جـرح لكـنـه أبـقـــــــاه = في داخله ما قال كيف الوســـيــــــــله
وأحدٍ تـقـول الـنـاس الله ما أتــقــــاه = لكن بقلبه حقد ما أحدٍ يـشـــيــــــله
وأحدٍ مع الأقراب صابر بحــرقـــــاه = يـصبر وقـلـبه يشـــــــتكي كـل لـيــــله
وأحدٍ مـع عـمّـه تــوظــف ورقــّـــاه = صغير وأصبح من كبار الـقـبـيـــــــله

الله الله الله

قصيدة قمة في الروعة

وأحدٍ مع الأبطال صيته ومرقـاهيرقى الصعاب وكل غالي يجي له

اتمنى اكون من هذ النوع من البشر

ودمتم بألف عافية

ياشاعر المنتدى.

صح لسانك يابو عزيز

الحقيقة قصيدة رائعة من روعة قائلها

وهي من أفضل القائد التي قرأتها في تصنيف الرجال ومعادنهم

تقبل مني خالص الود

غرمان بن عزيز

صـح الله لساانك مليووون
قصيـــــدة جزلـــه من شاعر جزل ومبدع
الله يعطيك الف عافيه
من أجمل واروع القصائـد اللتي أطلعت عليها
لاهنت لاهنت يا مــبــدع
تقبل أطيب التحايـا

تسليم ياغرمان ويسلم ابداعك
قصيده رايعـــــــــه
تجلت في وصف
عشره من اصناف
الرجال
يعطيك العافيه


السـ أخوك ــــااااري

غرمان يعطيك العا فية ولا يقو ل هذا الكلا م الا شخص مخضرم لك تحياتى

أخواني الأفاضل :-

مجنون الحب / شكراً على مرورك الطيب عساك سالم وغانم وأكيد فيك الخير يا ذيبان وصيتك ان شاء الله انه في العلالي 0
أبو عابد / تحيات لك وأشكرك على مرورك الجميل يا جميل المنطق والذوق 0
سيف العرب / أشكر لك طيبك ومرورك الغالي لك مني كل الأحترام 0
الساري / عساك سالم وغانم والله اني أفرح إذا شفت اسمك ما أدري ليش تقول اني أعرفك من زمان0 على العموم الله يحفظك ويخليك ويسعد أيامك 0
مسلف الوليد / شكراً لكلمات المشجعه وهذا والله من ذوقك الطيب وإحساسك الجميل الله يعطيك العافيه 0

صح لسانك ياأخي الفاضل والله يعطيك العافيه..............

الأخت / ساره - شكراً على المرور الطيب تقبلي أجمل التحيات 0