زرت الرياض

زرت الرياض وهزني ماضي الشوق = وابكتني الذكرى على مر الايام
وسود الليالي في جفاها مع العوق= انستني البسمه مع كثر الاوهام
الجو ممطر والسما تهمي الغيث= والعشب مخضر والندى كف الانسام
ارض الربيع اللي تزين به النوق= موشحات الوسم في تلع الارجام
مازودتني غير وجد ومع شوق= لجل الوليف اللي كما وضح الاريام

ابو فراس

صـــح الله لساانك
صح بووحـــــــك يا غالي
الله يعطيــــــك العافيـــــه وما قصرت
قصيـــدة طيبه من وجه طيب
تقبل اصدق تحيــــه ولا تحرمنا من جديــــدكـ

يعطيك الف عافيه

وننتظر مشاركاتك القادمه
فالك الطيب

مرحباً بك يا أبا فراس وأسمح لي بهذه الكلمات المتواضعه :-

يا مرحبا بك عد من سار للسوق = وعداد ما صلى المصلي ومن صام
يا شاعرٍ تقصد على خير منطوق = ما خانك المنطوق مع خط الأقلام
واللي يغيث الناس سميته مغيث = والحب مع بعض البشر يصبح إعدام
هذا الصحيح وكل مطرود ملحوق = والعام الأول مجدبٍ كنه العام
والحب لو يبقى مع كل مخلوق = صارت حقايق بعد ما كانت أحلام