رسالة عجوز اتحداكم تفهمونها

السلام عليكم ورحمة الله وبركاته وبعد

رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان

اخبارنا تسرتس. البقرة اضنت ، والبيض فقش ، والدجاجه الرقطا راجن ،وإن إدحيم العلي أعرس ، ونوّير

مخطوبة ، وعويش فطمناه ، وسويرة رفعناه من السقاط ، وصويلح شراله دنانة ، وسليم ختم المصحف ،

وإعزيز الصالح طاب من الطنان ، وسند ولد مضيوي بدا يحبي ، والحمد لله طاب الجحام الي بعينه ، وأنتي

صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده
وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ،

ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ،

والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة
ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والقتاله منقلعة
، و باب الروشن منكسر، والتسوله مسنيّه ، وبريتز الغرش الصغير منقشع ، والله يهديتس يأم دحيم.البزار
الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا
بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي
شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا
عين جدي شيبان كبري يترددون علي هالجصة قضوا على النعمة تقل دبا ، ونا ماودي أطول عليك الحتسي
عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص
بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي
ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع
هالبراد صايلات علي يالله حسن الخاتمة والعمل الصالح وسلمي وأنتي سالمة

اختس : مزنه

ابوغدي والله حاولت لكن ما فيه امل اعرف الا شي بسط جدا لا يكاد يذكر

تقدر تقول الكلامات فقط اللى وردة فيها الاسامي...

تحياتي لك ورساله مسكته..

والله حتى المخابرات ما تجيب شفرتها....

جدك الشايب..

حاول والمترض ما يقدر يحلها غيرك! شايبنا!

الي فهمته ان معها يقره حلوب واعرسة لوحة من البنات

وفطمت ولدها الصغيروغيرة فتيلت الفانوس وسلامتك

تحياتي

فهمتها انا
حلووووووووووه
البقره اضنت يعني ولدت ياقوقو

يعطيك العافيه ابو غدي
اخوك
ولد الشايب

والله لو اقعد طول عمري ما راح افهمها ههههههههههه

لأني حضرية وما أعرف كلام أهل القبايل وياليتني افهم شي ؟؟؟؟؟؟؟؟ظ

بس امتعتني وانا اقراها لأني مت من الضحك هههههههههههههه

ابو غدي

جبت عندي واحد هندي و واحد امريكي وواحد صيني وواحد سوداني وواحد تركي وواحدفرنسي وواحد طلياني وواحد لقيته من الفرس زمااااااان
وماأحد حلها ......ويوم اروح البكيرية واسأل ذاك الشايب عن الرساله قام يصيح ويبكي من الفرح، خفت انا وشفيه ذا؟
المهم قالي وينهي بوه ،قلت له مين ؟
قال : عجيزتي مزنه.
قلت اهاااااااااا يعني تعرفها.
قااال : ياليتني ياوليدي.
قلت: وش تقوووول العجوز ؟
قال:هي ميمت عشرة عيال وخيتها حصة تسل عليهن وهنى ماعليهن قاصر...
وانها تبي تعرررررس وتبي لها عريس وانا لها ياولدي.
قلت له اهااااااااااااااا عرفت الحين؟!!!



ارجو منك ابو غدي ان تعطيني مكان إقامتها عشان اجمعهم ياخوي على الحلاااااااال.
ولك جزيل الشكر،،،،،،،


عنوان العجوز:
البكيريه ..فاكس مفصول _جوال وفصول_تلفون مفصول_




مع تحياتي ****الفيصل********

المشكله اني بحثت في كل القواميس وما لقيت معاني لبعض الكلمات.
على العموم اشكركم على التفاعل مع الموضوع واللي يصل الى ترجمه واضحه يطرحها ولكم جزيل الشكر .