الشمس انتي

ياماوياما شفت بالعمر زينـــات=من حسنهم غاب القمروقت حـلــه
مثل الورود الهاجعه وسط جنــات=مابين يسمين ونــرجس وفلــــــه
هم يأسرون القلب منّي بــنظرات=لكن قلبي ساكــن ٍفي محلــــــــه
هم ياسرون القلب والقلب مافات=باقي معي من قبل عينك تزلـــه
ومن يوم جيتي زدتي القلب دقـات=حتــى تركني راحل يــم خـلـــه
اخيلهم جنبك مثيل السحـــابات=وانتي البـــــدرمحد بيقدر يملــه
الشمس انتي رغم كل المســافــات=لك نور يوصل كل درب يــدلـــه
يقول يالليل الموادع سلامــــات=ارحل وجفي يالدموع المـــهلــه
اذاتبســمــتي تعّم المـــــسرات=دنيا بها حزنٍ وجرحٍ وعلـــــــه
واذاحزنتي تنطفي كل شمــــعــات=كل الشــموع اللي تنوّر مفلــه
انتي اخذتي القلب مني بلمــحـات=من داخل ضلوعي اخذتيه كــلــه
اما تداوين الجروح القديمـــــات=ولا يمـــــوت بسيف هجرك يحلـــه
وان مات قولي رحمة الله اذامــات=توصله في قبره وماهــــا يبلّــه
هذا ويا عمري سلام وتحيــــــات=مع نورفجراً نور وجهـك يـذلــه

والله ان ترررررررررحب يا ابن العم

وصح الله لسانك مليووووووووووون يالغالي
وافي من بني وافي

الله لايخلي منك يا شاعرنا الهمام
قصيدة جداً قمه

الف الف الف شكر
وننتظر قصائدك القادمه القادمه

الى الامام
فالك الطيب

البقى
صح بدنك
ولا هنت
تواجدك الدائم يسعدني
ولك الشكر كل الشكر
على اطراءك ووجودك الجميل

تيــــــــــــــــــــــــــــــــــــــــــــــــ ـــــمووو صح الله لسانك أنت مبدع
تقبل تحياتي

ياما وياما صار للقاف سجّات =و من طيب قافك صار قلب يدله

تيمووو
صح لسانك
جزله وراعيها جزل
كل الشكر لك على القصيدة الطيبه
اخوك
واقعي

بندر ال ظفير
صح الله لساانك مليوووون
الله يعطيك العافيه على هذه الرائـعـه
تقبل اصدق تحياتي