وين أحب الليلة وين ووين أهيم ...!؟

مـرحـبـــــا ...

قرأت هذه القصة في أحد حساباتي الاجتماعية
فـ أعجبتني وأحببت أن أطلعگم عليهــا ...
فـ بطلها مثال للشجاعة والعزيمة والگـرم

حگــاية تبگي تقطع القلب
اللـــه يصبر قلبهــا ويصبرني معــاها > تضامن

والآن أترگگم مع ألاحداث ...



[ رومنسيــة اسبـــاني 2017 ]


متزوجه وزوجي مو رومانسي ابد😭
بعد مرور سنه زواج قلت (بنحيي ) ذكرى يوم زواجنا ...
مع ان زوجي مايعرف الهدايا ولا الورد ولاشيئ صح طيب ومقدرني ومحترمني
لكنه خالي من الرومانسيه ..
.

تخيلوا اول ذكرى زواجنا كانت قبل اسبوعين طبعا اعرف ان ماعنده سالفه
ولا بيجيب شيئ بس قلت اسوي حفله كتغيير جو واستانس 😞 .
المهم طلبت كيكه وشموع وقلت له اليوم ذكرى زواجنا 🙈 .
وقلت له جيب مشاوي للعشا
.
قال طيب . .
المهم مالكم بالطويله ..
.
طلع العصريه وجلست استشور شعري واسوي تسريحه شفتها بالانستقرام ...
واحط ذاك المكياج اللماعي ....وادهر وألبس فستان زواجي ابو ذيل ....
واحط كأسين عصير وشموع ملونه .وكيكتي ام قلوب ...
واغير الاضاءة الصالة واحط اضاءة اللي مثل المهرجانات احمر واخضر وازرق وكل الالوان ..... .
.

الا والجرس يرن ...
قلت بفاجأة وانا لابسة فستان العرس ...
فقلت اكيد شايل الاغراض .
وافتح الباب إلا ......
.
امه واخواته وزوجة اخوه😳 .
دخلتهم وانا مصدووووومه وفيني ( البتسوه ) يعني الصيحة 🙃
.
وقلطتهم وانا اجر فستان زواجي ...
وطلعت ورجعت مدري ايش اسوي ايش اقول ..
فشله لابسة فستان عرسي والورده بيدي .... افتشلت مدري وين اخش وردتي 🤐😩
.
يوم دخلت قالت عمتي ام زوجي الف مبروك يابنيتي وكلهم صارو يباركون😦 .
قالت دق ولدي علي وقال يمه اليوم حفلة زواجنا كلمي زوجة اخوي وتعالوا😧😧😧😧 . .

انا خلاص من الصدمه مدري اصيح والااضحك والا ادق ع زوجي واتكامخ معه .
والا ايش اسوي طبعا البزارين كل واحد شايل بلونه واللي يلعب بالشموع !!
واللي يجر طرحتي من وراي 😫
،
شوي الا زوجي المصون جاء وخرجت له وانا مووولعه وابي اقطعه تقطيع من القهر
لقيته مبتسم وجايب بيده كيس قال جبت ذبيحه بالمناسبه الحلوه هذه😭 💃💃💃
.
.

المهم غيرت فستاني ولبست جلابيه المطبخ ومسحت مكياجي اللماعي ...
وفكيت تسريحتي وربطت شعري حصان علشان ماتنفش كشتي ....
وفسرت عن ذرعاني وطبخنا العشا واكلنا الكيكة وعليها اثر اصابع عيالهم .... .
.

ايه ونسيت اقولكم ... .
.
.

جوا اثنين من اخوانه واربعة من اصدقاءه 😞 .
وبعد ماراحوا جاء ابو الشباب والابتسامه شاقه وجهه
يقول : ان شاءالله اني بيضت وجهك😭 .
.
عاد لي يومين في المستشفى الضغط مانزل .........💞💞💞

هـذه احدى ضحــايــا { الاسبـــانـي }

لا يكون من النوع الغبي ولاّ شئ (:
الحين تتوب من الفكرة وتنساها للأبد (:
المهم القصة من النوع الجميل في حبكتها واللي تصوّر بعض العقليات اللغير راغبة
بمثل هذه الأمور وأكيد مهما كان نوع الرفض ومبرراته فهو رفض شئ ولا يتصل بمعنى
الحياة الجميلة والعشرة السليمة والصحيحة ..
وعلى العكس فمثل هذه الزوجة تستحق كل شئ ..
تقديري ..

المشاركة الأصلية كتبت بواسطة أبو ريان

لا يكون من النوع الغبي ولاّ شئ (:
الحين تتوب من الفكرة وتنساها للأبد (:
المهم القصة من النوع الجميل في حبكتها واللي تصوّر بعض العقليات اللغير راغبة
بمثل هذه الأمور وأكيد مهما كان نوع الرفض ومبرراته فهو رفض شئ ولا يتصل بمعنى
الحياة الجميلة والعشرة السليمة والصحيحة ..
وعلى العكس فمثل هذه الزوجة تستحق كل شئ ..
تقديري ..

لااااا سلامتـــه من الغباء
الا حطم الرقم القياسي في درجة الغباء

الله الله يارب تديلو قنبله بين العيون ..
المسگينة گسر قلبها وضيع تعبها
ترا مو سهل المگياج اللماعي والفستان وراهـ ذيل
والشعر الشعر لوحدو نص يوم تسشور وتسرح فيه
واخرتها يجيب اخوانه واصحابه وذبيحة > اااهـ ياراسي راح ينفجر

وتقولون مافيه غباء تغابي الا وربي انه قمة الغباء وااصصصصه

😂ههههههههههه شر البليه مايضحك
تحزن مسكينه الله يعينها و ليتها خلتها مفاجاه احسن من هالحوسه..

المشاركة الأصلية كتبت بواسطة الريم الجفول

😂ههههههههههه شر البليه مايضحك
تحزن مسكينه الله يعينها و ليتها خلتها مفاجاه احسن من هالحوسه..

مسگينة عبالها راح يجيب هدية
او باقة ورد عـ الاقل ..
ولا لو درت انو گل هذا صاير
گان ماصلحت حفلة خلقه ..

عمرك شفتي احد يطعم السمكة بعد صيدها ؟؟ ههههه

ماعنده دلع النسوان كيك وورد وحبني واحبك .
ما عتده الا علوم رجال وذبايح .
انا سمعت انه عزم الجيران لكن يقلون كانوا مسافرين . هههههه

قصة مسلية وربما فيها شوية حزن على تعب المسكينة .

وأنا أقول هذي من تأليف الأسبانيات عشان يخربون سمعة الإسباني الرومنسي ( رباني )

موستحيل أحد يسوي كل هالسوايا ( إلا واحد من 1000 )

المشاركة الأصلية كتبت بواسطة ابوفهد العمري

عمرك شفتي احد يطعم السمكة بعد صيدها ؟؟ ههههه

ماعنده دلع النسوان كيك وورد وحبني واحبك .
ما عتده الا علوم رجال وذبايح .
انا سمعت انه عزم الجيران لكن يقلون كانوا مسافرين . هههههه

قصة مسلية وربما فيها شوية حزن على تعب المسكينة .

الُلُُه واگبر حجتگم في جيبگم ..
ايوا انا گنت من ضمن المعازيم بس گنت مسافرة
ههههههههههههااااي
حرمت مسگينة باقي تحتفل بذگرﯼ زواجهم

المشاركة الأصلية كتبت بواسطة ابو سيف العمري

وأنا أقول هذي من تأليف الأسبانيات عشان يخربون سمعة الإسباني الرومنسي ( رباني )

موستحيل أحد يسوي كل هالسوايا ( إلا واحد من 1000 )

لازم تدافع عن ربعگ
ﻻ‌ من خيره اعطاني و ﻻ‌ من شره گفاني ....

انا ما عمري صادفت 999 الرومنسيون
ههههههههااااي