عجايب هالزمن والله يفرّق كل محبوبين

سألتك يازمن جاوب على اللي حيّر الجفنين=ليه الحب صار لعبة صعب الانسان يجاريها
عجايب هالزمن والله يفرّق كل محبوبين=ويرحل هالغلا بلحظة تشتت قلب راعيها
وليه العاشق الصادق ينادونه بلقب مسكين=ويمشي في الهوا بكذبة تعب وهو يواسيها
أصالة وجود وطيبة أخذناها من الجدين=نسيناها في لحظة غدر، تشتت دار بانيها
اثاري الجرح مايبرى ولو مرت شهور وسنين=ويبقى في صدى ذكرى تهيم فـ روح راعيها
على صوت الفجر نامت وذاب من الصبر حنين=وعيّا فـ روحها نبض(ن) ودمعة هي تخاويها
على صوت الدمع اللي يداوي جروحها ويعين=صحيت وف داخلي طفلة تبكي ومحد يداويها
اذا مات الصبر في وريد البوح بالسكين=وشكيت فـ داخلي وحدة يذوب الحرف باياديها
وقتها بس بكتشف انه السهر راح عن هالعين=وبهجر دمعة الايام وبخاصمها وبعاديها
ولكني على طاري الدموع الساكنة الجفنين=ابسكب قصيدة من دمعي وبواسيها وبجاريها

اسيره
ســألتك يازمن


جــاوب من إللي حيّر
ألأثنــين!!

اسيره الحــزن
على صوت
الفجر نامت وذاب من الصبر حنين
وعيّا فـروحها نبض(ن)
ودمعة هي تخاويهـا

احزان نكتبها ونحزن ونحن نقرأها
قلوب تنبض الصدق حُب والاحساس مشاعر

رائعه ويعطيك الف عافيه


أخوك
المسكت

مشكور يالمسكت على مرورك

والله يبعد الحزن عنك

انشاء الله وعن جميع الأعضاء

مشكورة أختي بس من قائل القصيدة آمل توضيح ذلك لكي تعم الفائدة انشاء الله ولك وللجميع تحياتي

أسيرة الحزن

صح لسانك .. كلمات في غايه الروعه
أعجبني فيها الخيااااااااااااااااااااااااااال الواسع
الذي تملكينه .. نعم هناك بعض الأخطاء من ناحية الوزن ..
ولكنها رااااااائعه بكل ماتعنيه الكلمه ..

القادم أجمل بإذن الله

دمتي ودام تواصلك العذب
رعاك الله

أسيرة الحزن

الله الله

وللكلمات معاك معنى آخر

تسلمين ويعطيك العافية