الحديقة الخلفية !!

المشاركة الأصلية كتبت بواسطة المهندســ

قل الله يسقينا اليوم واحمد ربكـ وعطّــر منادغكـ

الحين اتضح معنى ( المنادغ)

المشاركة الأصلية كتبت بواسطة @ROYAL@

هو ذا حب يالربع و لا خرابيط ؟

هههه رويال يمكن هذا الحب من اول نظره
يقولون هو الـ يجيب ام الركب

المشاركة الأصلية كتبت بواسطة نبض

الحين اتضح معنى ( المنادغ)

أنا مدري ليش مخلوقه هالمنادغ في مكانن...أو بليسن....
مستخبي من جسم الإنسان أكمن الضحكه عيبه ...والدارج أن البكّيه هي العيبه بين الناس وأكبر عيبه
أحس الماظوع يحتاج أعادة هيكله وتفكير ...فيه سوء فهم بشري
فبالرغم أن المنادغ تعني بالضحك...ومافيه أحلا من الضحك في عالم المخلوقات البشريه لدرجة ان الضحك اذا ماكان الوحيد فهو أبرز مايميز بشريتنا عن المخلوقات الأخرى
ونتساوى مع أغلب المخلوقات في الدموع....ياخي حاجه غريبه...
لدرجة أن الأولين واولينّا مهم الأولين بالمره من عهد العالم الجراسي كانوا أولينّا يصفون صعوبة الموقف بأنه واصلن للمنادغ......علمن يهوّل فيه الهوايل مايعلمها ربك..
مدري أولينكم زي أولينّا

كان للمهندس راي بالماظوع بإعتقادي لدرجة أني أجزم أنه وافقني حدسي بأنهم أكتشفوا أهميتها متأخر وأبتكروا لها ملطفات....؟

المشاركة الأصلية كتبت بواسطة @ROYAL@

من ذكرياتي القديمة في يوم من الايام العب بلايتيشن
( weining eleven 4 )
و مسجل هدف بعشقي قابرييل باتيستوتا و كان الهدف دبل كيك و مخزن الهدف في التخزينه الي تركب في البلايتيشن
المهم اني مبسووط هدف دبل كيك و بباتيستوتا

في نفس اليوم كان عندنا عشاء لواحد من الجماعه بس انه عايش في الرويضه اسمها كذا و يجي للديرة بعايلته يشقر و يرجع للرويضه
المهم ان العشاء كان في البر و عشاء خااص جدا ابوي و اهله و الرجال و اهله
المهم اني افكر متى ارجع للبيت عشان اشغل الهدف الي سجلت و اخلي اخواني يشوفونه
و مع تداخل الافكار في راسي و التفكير في مستقبلي اكمل دراسه و لا اسجل في الهلال
الا البنيه الي تناديني يمكن اكبر مني بسنه و يجوز اصغر مني و يمكن مثلي برج الثور في سنة وحدة
الكلام عام 2002 او 2001 انا بثاني او ثالث متوسط
تو حب الشباب مختم على جبهتي اهي نفرتين بس و فقعتها
طبعا انا متشطر من اهلي بعيد منهم شوي و البنيه من بنات الضيف و البر خلي ما فيه احد مابه الا انا

قالت و هي لها نفضه و مرتبكه اهلنا وينهم دريت انها من بنات الرجال لينها قالت لي يا ولد ( ما تعرف من هو رويال )

و انا الي تجيني ام الركب معاد دريت ارضي من سماي
ها وش جابتس عاد هنا ؟
قالت ضعت

انطلق قيس بن الملوح الي داخلي
اي بنت تسأليني و لا تستفسر مني عند بالي انها معجبه و لا حبتني
الا قلبي يفر من ضلوعي
و اوصفها المكان و تروح و عين الله ترعاها

و انا ذاك الليل و الله ما امسيت مغير افكر في الاجوديه
هي مثلي ما امست
و لا ما درت عني

ااه يوم كبرنا عاد و اذا تقابلنا من السنه الى السنه مع اخوانها
ودي اسأل واحد من اخوانها من جيلي طبعا
اختك الي اصغر او اكبر منك اهي تزوجت

كل ما شفت اخوها طرت علي

هو ذا حب يالربع و لا خرابيط ؟

شوف وانا أخوك

يبغالك حبكه للسؤال...أقصد مايكون سؤال مباشر
أو ناقز سؤالك لحاله في قفره من حفلة هروج
فيحسون الربع بتحسس من الأماكن الخاليه لأنه راح يسود الصمت
وهذا أصعب موقف راح يمر عليك لو وصلت لحد لحظه يسود الصمت من سؤال تسأله ....خبرة مواقف محرجه...

حبيت أعلق كم صوره من باب التنويع وكذا
على الله تعجبكم

المشاركة الأصلية كتبت بواسطة المهندســ

تغيّرت الحياة بعد النفط
باقي ينتظرون يجف ويرجعون لذاكـ الدار ,, مجانين صدق !
قبل ايام .. ســالوه الجن ,, ليه تحبها ؟؟؟؟ فاجابهم .. مدري !

يقلون ليه تحبهــا ؟ قلت ,, مدري !
من غير ليه ,, آموت فيها وانا حي

آشــــوفها لاعسعس الليـل ,, بدري
واحسّــها شمسي ليا ســرت بالحي

مادامهــــا متربّــعة وســـط صـدري
ما همّني م النـاس قـــدحي ومدحي

معها يــزين الوقت ويعـــــزّ قــدري
والنـاس ما تدري ولو طال شرحي

لاقالت ارقــــد قلت ,, يا بنت بدري
وآدوخ لاقالت ,, فديتـــكـ بعْـد حي

يبدو ان الحكاية لم تنتهي ،،، بعد...
ويمكن هذا مو جني ..يمكن مآرد ..!
عجبني رده هـ الجنّي
حرضني
ع نثر حرفـ على لسان الجنيه
...................................

حبّـگ مجنّنّي وأبي مـــنك تدْري..!
إنْك ليا أظْلمْ كُوني أمسيت صبْحي

لگ صورةٍ متْفرّده وسْــــط خِدْري
داآآآآيم بها يِنْزاح.. هــمّي وترْحِي

تـدري مِـــثِيلك بالمخالـــيق ندْري
ولا سِواك ..بجــــــيّته جاب فرْحي

أقْــــلط فــديتك يانصـيبي وقدْري
تربّـــع بوسْــــط المعــاليق وأزْحي

آلآم تسْهرْني ...وونّــــــــات كدْري
واسْـــق الظّمايا ياغلاي وبعْــدحي

رويال .......... عجبتني القصة حيل
قد تكون مرت على الكثير ,, لكن حب من اول نظرة وفي الظلماء ! اشكـ فيها !
انتبه لا يكون مسّ وانا اخوكـ ............ شكرا لاطلالتكـ الجميلة
ولا تغيب عنّــا وايد !




الصيــاد ,, باب التحليل والتخمين مفتوح
تصدق اني الي اليوم مدري وشهي اللغاليغ ,,,,,, لا تكون اللوزتين
حيا نباكـ غاليتا




نبض ,,,,,,,,
ما عندي كلام تاني لشاعرة كبيرة بحجم نبض .

المشاركة الأصلية كتبت بواسطة المهندســ

الصيــاد ,, باب التحليل والتخمين مفتوح
تصدق اني الي اليوم مدري وشهي اللغاليغ ,,,,,, لا تكون اللوزتين
حيا نباكـ غاليتا

حيا الله المهندس الذهبي ...
ماتغلي الا مغلن لك...

وترى من حكمة الله سبحانه وتعالى في خلقه
أنه خلق الأنسان الواحد الكامل خلقاً وخلقاً باكثر من لغلوغ واحد....




أمتعنا يالحليف ترى الجو الصباحي شاعري بالعاده

راح...ومن زمان راح
اللي كان اذا أقبل علي
تقبل الدنيا معه
ورد تقبل من جنبه ووراه

راح ...
وخلا الجرح ...هنا جراح
وخلّا كل هنا ....قلبي ...أنا..وراح
راح وهو يقول....نلتقي الصباح
وانا مدري وين بكره

أومين بكره ووجهه شمس الأصباح

رااااااح

السؤال اللي إنتهى... وماأنتهى
هو للغصن عصفور؟
وبالشجر أغصان خضر ...وحطب
ياطعم اللقا... آه ياطعم اللقا
......حلو ومن بعدك تعب


ماليت بالدنيا مكان
ذاق كل الشقى
في دنيا مع الساعه تدور

والجواب اللي انتقى
حلو ذكرانا سوا .....وبقا ...
(العمر ولّى وراااااح)
ياذكرى عصفور الاغصان اللي بقفص

....

أسمَيِتُه قُرَةَ عَيني...!
فَـ أستَقَامت بَصِيِرَة عِشقِي لهُ دُون حَاجِباً يَحجِبُ حَنِيِنِ النَظَر...!





..

في زخمِ الحروفِ ••• تختلط المشاعرُ ،، وتتقارب الأضدادُ ،،
وينتشي الغموضُ ،، وتُخلَف المواعيدُ ،، وتحدث الصدفةُ
_ في زخمِ الحروفِ كلّ الأشياءِ تخرُّ واقفة ..!!

آليآ جهلت آسأل ترى مـآبهآ عيب
وآليآ نشدت آنشد من آلنآس شآيب
عـودٍ طـوآرف لـحيته كـلهـآ شيب
من كثر مآمـرت . . عليه آلمصـآيب
راقت لي

لآخر حدود السهر

لغياب الأحلام وأكثر

لكتاب الهوا المهجور

لا..لا..للعتب....

لاعيني تشوف

ولا احباب قلبي دروا

إعتذار

( آه ما أصعب الإعتذار )
اخي المهندس
!!!
كم انا اتوق لمشاركتك هذه الحديقة الغناء
بما تمدها من روايع الكلم إلا انني اعتذر لعدم
توفر الوقت الكافي لي في الوقت الحاضر
واتمنى أن اوفق بذلك قريبا
!!
كان هنا
حكيم المنتدى