(( مـلـحـمـة الابـــــــل ))

#1 04-02-2005, 10:09 PM

السـلام عليـكم ورحمـة اللـه وبركــاته

اسعد الله جميع اوقاتـكـم بكل خير

اعزائي هذه القصيده تعتبر من عيون الشعر وهي من اروع ما قيل في وصـف الابل وهي للشاعر المعروف( علي بن سعيد بن بلال اليامي)
اتمنى ان تحوز على رضاكم واستحسانكم

الحـمـد للمعـبـود رب العالمـيـن=
إيّـاك نعبـد يـا إلــه ونستعـيـن=
والشعر مع سفن الصحاري له مـدار=
وأغلى وأجمل مـا خلقـه الله جهـار=
إذ قال فيهـا كيـف خُلقـت بالكتـاب=
إلا أنهـا عبـرة ومنشاهـا السحـاب=
غاثـت نبـي الله صـالـح وأمّـتـه=
ليـن عقَروهـا القـوم والله نقمـتـه=
والإبـل قبـل آدم وحـوّا يخلـقـون=
موجـودةٍ لـيـن الأودام وينتـهـون=
هذي حلايـب ل .. أنبيـا والمرسليـن=
وهي الجلايب عنـد فرغـات اليديـن=
وهي الهدايا اللـي تسكـت كـل فـم=
لعـل دارٍ مـا لهـا فيـهـا قـسـم=
وهي الكسايب ل.. التقوا قـوم وقـوم=
واحد كسبها غصب من فوق الخشـوم=
ياما وياما من هجـاد ومـن صبـاح=
وقومٍ حموها ف.. المفالـي والمـراح=
لولا غلاها مـا سـرح فيهـا ذيـاب=
ينوب عن تسعيـن فـارس بالحسـاب=
وصّاه ابن سرحـان فيهـا ثـم قـال=
من لاحماها مـا تصـب لـه الـدلال=
مشروبنـا والـقـوت در حجـورهـا=
ويكسـي وبرهـا عنـد عسـورهـا=
وكرّر يقـول اخفافهـا فـوق الحفـا=
تدبير من فـي خلقـه الكـون اكتفـا=
قال ابن غانـم لا توصينـي حريـص=
أخلـى الفريـس بدمـاهـا ربـيـص=
كلّه عن البـل والجديـد مـن القديـم=
ما أكملت ذكر اللـي يـردون الوسيـم=
ولا زالت البل مـع صناديـد الرجـال=
على غلاها القيد مـن فوقـه عقـال=
الإبـل لشيـوخ القبايـل والمـلـوك=
مهما تعـلاّ راس مالـه فـي البنـوك=
يـا زيـن طاريهـا وزيـن اخْلُوقهـا=
مَن صِغْر قدرِه مـا يَعَـرْف حقوقهـا=
الرابـح الرابـح خـذا منهـا قسـوم=
من عَهْد يوم الناس معطـا ومحـروم=
هـذا هـو الشـرح الدليـل الأوّلـي=
خلونـي آلاعـب عصاهـا واعتلـي=
عوص القوافي من عدمهـا للوجـود=
حتى نوردها علـى حـوض الـورود=
تسمّعوا في وصف جرعـات الحنيـن=
وقدم وخَلْف ومن يسار ومـن يميـن=
الناقـة النـاقـة ويلقحـهـا جـمـل=
لقاحهـا يظهـر ل.. اهلهـا والفحـل=
يصبح بها ذيل المعشـر تحـت فـوق=
لهـا فحلهـا لا يـلـوق ولا تـلـوق=
هات الشمالة بعد شَهْـر مَـعْ شَهَر=
شَمالـة مشخولـة ومــن الـوبـر=
في جالها الخلفي ومـن بيـن الفخـوذ=
من الظهيرة لـه ربـاط ولـه نفـوذ=
وجيلانها اللي من يمين ومـن يسـار=
الأيسـر المبهـل والايمـن للـقـرار=
والكرسي الثابت يجـي خلـف السنـام=
هذا الظهر مـن بينهـا مثـل المقـام=
وأمّا التوادي لو تكـون مـن العشَـر=
طول الصرار يصير شبر إليـا انشبـر=
الرقْف اقل بْ " سانتي " من عرضهـا=
والنـاس تلـزم روسهـا وتحظَـهـا=
واحلب وحيّـن وانتبـه ل.. حوارهـا=
واليا انحـرف راس السنـة لدْوارهـا=
مفرودها عمـره سنـة مهمـا يـزاد=
لِقْـي والرابـع جِـذَع حسْـب العـداد=
سنَ الثني في عامه السـادس رَبـاعَ=
واليا انتهى السابع خذ العلْـم الوقـاع=
تكاملـت الأنيـاب فيهـا والسـنـون=
يمكن إلى العشرين تاصل قـد يكـون=
تلقح ثمان امرار مـن عمـر طويـل=
اليا استمرت مـن بديـل إلـى بديـل=
البـلْ عطايـا الله جزيـلات العـطـا=
ومْـع ظـلام الليـل ادلّ مـن القطـا=
وارجع إلى عسفي ووصفـي للذلـول=
حتى تجي كنْها تقـلْ لـي وش تقـول=
اغير واطمر وان حذفت لهـا الخطـام=
لو من بعيد " اخ .. ابركي " تبرك شمام=
خلود اسَدْ وعْيونهـا مثـل الخـلاْص=
وان دبّرَت ما عاد يلحقهـا الرصـاص=
ان اربعـت تـقـول زاروقٍ سـريـع=
إلا انهـا فيهـا مـن الذيـب الجويـع=
أصيـل ومعـدّي زمـان مـعْ زمـان=
وَعْذارها اللي من ورا مقطـع ل..أذان=
وابتد من احـلاق الصريمـة بالخطـام=
شِـدّه ومـدّه لا تهـده يـا الهـمـام=
فجّا نحر حدْبـا ظهـر قطمـا خفـاف=
كنّ الشجر من قدْمها يحـذف اخـلاف=
صكّا الفخـوذ البتـر والذيـل القصيـر=
اديـب لا تَزْغَـم قلـيـل ولا كثـيـر=
ويْسوقها صـوت المغنـي والطبـوع=
في سمعها كنهم يصيحـون الجمـوع=
مربوعـة الجمْهـاة ذاهنـة الشبـوح=
وليا اقبلت تغنج كمـا خطـوا طمـوح=
نُصـب اذانيهـا وعلباهـا افطـحـي=
تَضرس وكْن حسَ الصريمـة باللحـي=
البـل عطايـا الله جزيـلات العـطـا=
ومْـع ظـلام الليـل ادلّ مـن القطـا=
وارجع إلى عسفي ووصفـي للذلـول=
حتى تجي كنْها تقـلْ لـي وش تقـول=
اغير واطمر وان حذفت لهـا الخطـام=
لو من بعيد " اخ .. ابركي " تبرك شمام=
خلود اسَدْ وعْيونهـا مثـل الخـلاْص=
وان دبّرَت ما عاد يلحقهـا الرصـاص=
ان اربعـت تـقـول زاروقٍ سـريـع=
إلا انهـا فيهـا مـن الذيـب الجويـع=
أصيـل ومعـدّي زمـان مـعْ زمـان=
وَعْذارها اللي من ورا مقطـع ل..أذان=
وابتد من احـلاق الصريمـة بالخطـام=
شِـدّه ومـدّه لا تهـده يـا الهـمـام=
فجّا نحر حدْبـا ظهـر قطمـا خفـاف=
كنّ الشجر من قدْمها يحـذف اخـلاف=
صكّا الفخـوذ البتـر والذيـل القصيـر=
اديـب لا تَزْغَـم قلـيـل ولا كثـيـر=
ويْسوقها صـوت المغنـي والطبـوع=
في سمعها كنهم يصيحـون الجمـوع=
مربوعـة الجمْهـاة ذاهنـة الشبـوح=
وليا اقبلت تغنج كمـا خطـوا طمـوح=
نُصـب اذانيهـا وعلباهـا افطـحـي=
تَضرس وكْن حسَ الصريمـة باللحـي=
ومن اصلهـا وعظامهـا وعزومهـا=
مزويـة مثـل الرصـاص لحومـهـا=
أخـذْ شرابـك واخـذ زادك والـزنـاد=
ومع دربها بعض الموديـلات الجـداد=
والجيـش منهـا باطنـي وصيعـريد=
مشكلـة الألـوان عجـلات الـجـرى=
وارجع إلى واجـب طويـلات الرقـاب=
مصنقـرات وكـن اذانيهـا حــراب=
كنْها تمثّـل هضـب نجـد مـن بعيـد=
يا مستمـع قولـي علـيّ الله شهيـد=
شهـادة تومـن بهـا سبـع الأراض=
ما احقر المغتـر وواضحـة البيـاض=
ودوّه ونـووَه واجمـع البـلْ كلـهـا=
مثـل البيـوت الليـل يظلـل ظلـهـا=
ما هي تربّع في مضيـق ولا شعيـب=
وعن غيرها تحتـل حيضـان القليـب=
أحـبْ مدهـال لهـا رُبـع الجنـوب=
مـا حبتـه موجـة تحبـه بالقلـوب=
جنوب من " رُغوة " شمال " السبعتين "=
رُبـعٍ بعيـد عـن المدايـن والقطيـن=
وقـام يْنتصـب نيّهـا مثـل التلـول=
صرح القوايـم والعبـا هـدب الذيـول=
هـدف المناكـب والمراكـب والفقـار=
وجنوب مثل جنوب سفـن فـي بحـار=
خبـط الخفـاف ام الأناسيـم العفـاف=
سريـة الا لـمـن فـكّـر وشــاف=
ريحة عَبسها فارق عـن كـل طيـب=
راي المجرب مـا يعارضـه الطبيـب=
مرباعهـا ربـع بعيـد عـن الجبـل=
و"يبرين" هي أقـرب مواريـد السهـل=
تارد على ل.."اطـوا" و"قربة"و"يْدمَـه"=
"اقلمـه" لـي صـار للقيـط اكتمـه=
تـارد " مشَيْنيقَـة " علـى عـدٍّ لهـا=
وجـال الوديعـة فيـه حيضـان لهـا=
و"زَمْخٍ" و"مَنْوخ" من حساب عْدودهـا=
مـواردٍ كــم رحـبـت بـورودهـا=
وان اشمَلت منهـا لهـا كـم منهلـي=
وتشمل إلـى "حمـر انثيـل" وتدهلـي=
ولها موارد شَـرق مـن "حمرانثيـل"=
ثم "العبيلـة" و"معمـورة" يـا جزيـل=
وان أشملت من رُبعها الخالـي قصـاد=
هـذي مواردهـا القديمـات الـجـداد=
ولها من أعلى نجد " للرقعي" و"عرق"=
سُهول شبه المستطيلة غرب وشـرق=
مداهل تجمع مـن البـلْ لـون لـون=
الوصـف واضـح والأوادم يفهمـون=
البلْ هـي البـلْ مـال حكّـام العـرب=
ما ضيعوهـا ابنـا زيازيـم السـرب=
التسع منها خمس ل"نصـاب" الزكـاة=
وحسابهـا مهمـا تـعـلاّ مسـتـواه=
حكم بثالث فرض من خَمْس الفـروض=
الحق للـي يرغـب الحـق معـروض=
والمعذرة ل..اخطيـت فـي مختارتـي=
وان حققت رضـا العـوارف غايتـي=

وختاماً تقبلوا تحياتي