قصة البنت العاشقه

السلام عليكم ... هذا انا احييكم واشكركم على منحكم هذه الثقه في كتاباتي واخص بالشكر الاخ ( المسكت ) على دعمه لي وتشجيعه الغير منقطع واتمنى ان اوفق في تقديم كل جديد ... اخوتي هذا انا اقدم لكم قصيده جميله وهي قصه فتاه عاشقه مع معشوقها .....

( ودها بس ... مابليد حيله )
[poet font="Simplified Arabic,4,white,normal,normal" bkcolor="black" bkimage="" border="double,10,orange" type=2 line=200% align=center use=ex length=0 char="4" num="0,black" filter=""]
ماسمعت بقصة البنت القليله في حياها=والحقير الي تركها دون دم ولا قتيله
صدقت كل العجايب بالحياة الا نساها=كل شئ الا يروح ويبتعد ..ذي مستحيله
أول القصة بدت من يوم هالخاين بداها=اقسم انه مايمر اليوم الا البنت ذي له
صار له ماكان يبغاه وقدر يكسب رضاها=يشتكي من جور الايام وجبرها تشتكيله
حبها..من كثر ماهو حبها يتبع خطاها=حبته..من كثر ماهي حبته صارت تجيله
بعدها حط الهموم بدنيته سبة غلاها=ملها صارت سبب في ضيقته يبغى بديله
لابغاها كل صعب يهون هذا لابغاها=والا هو كذاب يعشق غيرها جهال جيله
ابتدت رحلة عذاب البنت في سكة عناها=ماتسيل الدمع لجله ..دمها كانت تسيله
ذلها ياما وياما ذلها سبة وفاها=توها ماملته بعيونها باقي تشيله
تساله ..وين الوله والشوق اول مالقاها=مشكله بعض البنات اليوم حكمتهم قليله
ماتخونه تحسب انه مثلها صاين هواها=هي تظن الحب من قبل الزواج اقرب وسيله
لاخطا واكبر خطا والحين هي شافت خطاها=ودها تدمح خطاها بس مابليد حيله
كان يتمنى يفوز بحبها راح ووطاها=لو بغت داست على قلبه ولاعاشت ذليله
ايه اجل من تنحني للذل والخوف ورجاها=لابعد اكثر وصل فالبنت ..صارت تنحنى له
كل شئ صار فيها صار والسبة غباها=ماتركها بالعذاب تهيم لين اشفى غليله
ياالاله اللي خلق زمزم لها جر من دعاها=تستجيب اللي دعا لك بالرضى في كل ليله
ربنا قلت بكتابك في سور يونس وطاها=من شهد لك رب ..فاز ومن عصى ..ياويل ويله
نشهد انك خالق الدنيا بيابسها وماها=كل شئ سبح بحمدك وقال انك وكيله
ربنا من تشهد انك واحد .. عجل هداها=دلها للخير ابعد عنها فعل الرذيله
واجعل القران حب وشوق يسري في دماها=فايز اللي يترك الدنيا ..وقرآنك خليله

[/poet]

اتمنى ان تحوز على رضاكم كما اتمنى لبناتنا واخواتنا التوفيق وان لايصيبهم مكروه وان يحمينا جميعا ولهذا البلد المملكه العربيه السعوديه
كل التقدم والازدهار وان يكفيها شر المعتدين ...


ولكم كل الحب والتقدير .... اخوكم ومحبكم .. ( الحيـــران ).....i: i:
:eek

الاخ الحيران

أشكرك على هذه القصه ..
وارجوا ان نرى جديدك ..


المليحي ( سعيد )

أحسنـت أخي العزيز الحيران على هذه القصيده الجميله والتي تعبر عن القصه المثاليه 0 وتعلم أخي الحيران اننا بهذا المنتدى ندعم بعضنا بعض ليس واحد فقط ولان يتخلف أحد عن الأخر بهذا المنتدى بالتشجيع ورفع المعنويه ليتم أستمرار المنتدى ويكون ذو نشاط وحضور زايد عن المنتديات الاخر 0


وتقبل تحياتي وتقدير ومزيد من الأبداع والتوفبق i:






محبكم السليماني

تسلم اخوى حيرا ن على ابداعك










اخوك الطير

تحياتي للجميع
كلكم وفاء واخلاص
يعطيكم العافيه جميعاً وما يحرمني منكم ابد
حيرتنا وياك الحيران كلمات لا تضاهيها ايى كلمات
تحياتي لك والى الامام
المسكت