للشـ ـ ـ ـ ــــــــــاعــــرهـ عابـــــــــره سبيلـــــــــ (( حلو مـــوووت))

الشاعره المتميزه عابره سبيل رحمها الله

اهلـي يـدرون انـي شاعـره
بس مايدرون في جرح الليالـي

يمنعوني مـن كتابـه خاطـره
مادروا اني من زمان بها المجال

آه.. لو يدرون انـي "عابـره"
عندهم بتصير موتتنـا حـلال

>>>>>>>>>>>>>>>>

مقدار حبي عالـم فيـه ربـي
والا الموازين لغرامي ظلومـه

لا ..لا تقارن حب امك بحبـي
اخاف من عينك تطيح الامومه

اخشي يقولوا عنك ماهو متربي
مابي اشارك في عقوق الرحومه

ياغايتي ماعـاد فينـي اعبـي
حبك تعدي حدود نفس كتومـه

مابيك تسال عن مقادير حبـي
بكرة مع الايام تطلـع علومـه

>>>>>>>>>>>>>>>>>

يوم العذارى يبحن بعض الاسـرار
وجت السوالف بيـن قيـل وقايـل

هذي معايدها قبل وقـت الاسحـار
وهذيك صاحبها عطاهـا رسايـل

وهذي تقول انه لفـا البيـت زوار
وهذيك راحت له زيـاره عوايـل

وهذي تفاخر في غلا الصاحب البار
تقـول عايدهـا بكـل الوسـايـل

وانا اطالع فـوق ويميـن ويسـار
بالعيد ماحتـي مشطـت الجدايـل

>>>>>>>>>>>>>>>>>>>>

باكر يجي .. ياشيب عيني من الويل
من عقـب ماسافـر سنيـن مديـه

ش اقوله .. صاروا عيالي رجاجيل
ش اقول له ؟ .. ماني بعهده وفيـه

ان قلـت لـه تعذبـت بالحـيـل
وان قلت له اكبـر عيالـي سميـه

يبي يعذرني ويترك القـال والقيـل
والا يجـي ويازمـانـي علـيـه

وان جبت حظي والمقاديـر تعليـل
واني ضعيـف ورغبـه الله قويـه

يبي يصـدق كلمتـي دون تحليـل
والا يبـي ينسـف كلامـي عليـه

ش قوله لـه ؟

ماينفعـن الاقاويـل

مادمـت مانـي بعـهـده وفـيـه

اختيار موفق اخي موج الجنوب
اشكرك على هذه الاضافة الجميله بجمال تواجدك الرائع
لك خالص الموده
اخوك
دباس الجارح

اختيار رائع لشاعرة رائعة

لطالما أمتعتنا بجمال ما كتبت .. " رحمها الله "

كلك ذوق يااخوي ..

يعطيك العافية..

أرق التحاياااا لك من اختك العناااا