على صدرها بشويش يا مشرط الجراح

	بسم الله الرحمن الرحيم السلام عليكم ورحمة الله وبركاته اعجبتني قصيدة قالها شاعرنا على بن حمري في امه المريضة عيوني تباكا كنها مارد المياح تصب العباير عبرةً ترّدف العبره على أمي عسى مجري المباكير والأرياح يعافي بدنها بيده الأمر والدبّره على صدرها بشويش يآمشرط الجراح دام إنه يتـعـِب جسمها غزة الإبره يادكتور بيدك روح ماهي مثل الأرواح محاكِيك ماعنده جلاده .. ولا صِبّره ترى وده إنـّـه قبل ماتِجرح أمه راح على المقبره من ساعته ويـحفِـر قبره عساني فدى ماطا قدمها وهي ترتاح جعلني ما ذوق أفراق ذا الصوت والنبره غدى بيتها من بعدها كن فيه أشباح خواطر هلـّـّه مكسورتن به ومنجبـّره عسى الله يردش فيه وتعـِمـّـه الأفراح ويرّجع على خبري و أنا أرّجع على خـُبـّره وعسى اللي مابر بوالدينه وقام وطاح على شانهم بين العرب ينقـّـصِـر شـِـبره ما ألوم المـِفارِق لا أشتحن والجريح إن صاح ولا قول ياصُغره عليها وياكبره أقول إن عيوني دمعها مارد المياح تصب العباير عبرةً تردف عبره اتمنى ان تنال اعجابكم

أبيات مؤثرة حفظ الله أمهاتنا وغفر لمن مات منهن ..
شكراً لك..

الله يعطيك العافية على هذا الا ختيار الموفق

وعسى اللي مابر بوالدينه وقام وطاح
على شانهم بين العرب ينقـّـصِـر شـِـبره




ما ألوم المـِفارِق لا أشتحن والجريح إن صاح
ولا قول ياصُغره عليها وياكبره




أقول إن عيوني دمعها مارد المياح
تصب العباير عبرةً تردف عبره

أبيات رائعه
صح لسان شاعرها
سلمت يداك..