الألفية العربية

ألف أولف من جميل القوافي=من بعد ما بان الخلل والخلافي
هذي تواقيعي بكل اعترافي=إن العرب ضاعوا وطاحت همهم
الباء بدون مجاملة يا جماعة=لازم نسد الشق قبل اتساعه
بان التخاذل بيننا والقطاعة=بعض العرب خانوا وباعوا ذممهم
التاء تهاويل الزمان الكثيرة=صالت وجالت في ربوع الجزيرة
تخطيط ناس بالنوايا شريرة=فرق جموع المسلمين وقسمهم
الثاء ثلاث أعوام والشر قائم=بين الذي سني مع أهل العمائم
والعقل مما شاف حائم وعائم=عن ربنا ضلوا وربي حرمهم
الجيم جانا عاصف واجترفنا=من بعد زين العابدين اكتشفنا
سر الحقائق لين بالعين شفنا=وأهل المناصب غدرهم ما خدمهم
الحاء حروب تقصد أهل العقيدة=من ينتمي للدين تبغى تبيده
والا سواء هذا وش اللي تريده=أخفوا خطرهم خيب الله قيمهم
الخاء خذلنا بعضنا باتفاقي =واكبر مصيبة شامنا والعراقي
بعد المجازر يا عرب ويش باقي=حنا نشاهد والمعادي هزمهم
الدال دم المسلمين الضحايا=في كل يوم له تزيد الرزايا
ذي حالة أراكان فيها حكايا=من جور ما لاقوا تزايد المهم
الذال ذل(ن) عمنا يا خسارة=صرنا نفكر فالوتر والسيجارة
والمسلم اللي دنس النجس عاره=ما همنا ناس بلاهم سمهم
الراء رموز الكفر ثاروا علينا=واحنا على حرب العداء ما قوينا
لنا بهدي المصطفى ما اقتدينا=وأسلافنا بالدين طالوا قممهم
الزاء زمان العدل ولو رجاله=وش عاد غير البهرجة والحثالة
واليوم كل قال حاله لحاله=والناس غيره ما ردع من ظلمهم
السين سار الوضع بالحيل مزري=وإذا نشدنا حاكم قال مدري
والمضطهد دمه على القاع يجري=والناس حوله ما سلم من شتمهم
الشين شور الغرب ما هوب صائب=ياللي خذيتوهم عزاز وحبايب
ما من وراهم غير كل المصائب=الله يقلعهم ومن يحترمهم
الصاد صاب المسلمين انهاري=وأصبح بلانا بين بائع وشاري
ما عاد من يقرأ صحيح البخاري=وأهل النصائح بعضنا ينتقمهم
الضاء ضربنا لك مثل يا مشاكس=يا للي تبي تمشي طريق معاكس
في غير دين الله لا لا تنافس=واحذر تطيع اللي عملهم هدمهم
الطاء طوينا صفحة الجيل الأول=واليأس حول والأمل قد تحول
والفكر من كثر الوساوس تهول=وضيوفنا ما جملوا من عزمهم
الظاء ظهر في مجتمعنا بلاوي=يا الله يا ربي عليك الشكاوي
يا من بتدبيرك تزين الهقاوي =تنصر هل السنة وتكشف غُممهم
العين عمر الظلم ما فاد ظالم=يا كل مظلوم ترى الله عالم
واللي نجى من ظلمة الكفر سالم=والظالمين الله يخيب مهم
الغين غاب النور وأطفوا سراجه=ناس على مبدأ ونهج الخواجة
ضلوا طريق الترمذي وابن ماجه=وإمهم من قدموا في قممهم
الفاء في الدنيا علوم عجيبة=وجنادريتنا من أكبر مصيبة
من ينكر المنكر نجره غصيبة=ونقدس الفساق واللي دعمهم
والقاف قال الله بمحكم كتابه=الواحد اللي ما خسر من لجابه
إن الذي يعصاه يلقى عذابه=وأهل المعاصي رب خلقه شتمهم
والكاف كافي يا خباث الفعائل=با كل من عن هدي لسلام مائل
هذا كتاب الله خير الدلائل=والناس غير افعالهم وش ظلمهم
اللام لو ترجع سنين قديمة =عادت لنا ذيك الخصال الكريمة
والمعتدي نسقيه كاس الهزيمة=وأعلامنا ترفع ويسقط علمهم
الميم مدري يا عرب وش هدفنا=في ديننا بالله لو ما وقفنا
إذا اتفقنا بالسريع اختلفنا=وكبارنا ضلوا وضاعت شيمهم
النون نار الحرب شبت وثارت=وإيران بالتحريش قامت وغارت
بين الطوائف فتنة الشر دارت=والغرب فينا قد تربا صنمهم
الهاء هجرنا القدس بيد المعادي=اللي من أعوام علينا ينادي
ويقول يا حكام كل البلادي=والمشكلة غطا عليهم صممهم
الواو وين اللي يقيم العدالة =ويحكّم المصحف على كل حالة
ينصر اسير من يشوفه رثاله=يا خادم البيتين حرك هممهم
الياء يقول اللي ثمتل بقافه=يا وين عصر الدين عصر الخلافة
راحت معالم ديننا يا حسافة=وأهل الكرم راحوا وولى كرمهم
ألفية ألفتها للعروبة =من قبل هذا الدين يدني غروبه
والشر يتكالب وتكثر لهوبه=واخيارنا يفنوا ونبكي عدمهم
صلاة ربي عد من زار بيته=على النبي اللي حشى ما نسيته
وعلى الصحابة كلهم وآل بيته=اللي من التدليس ربي عصمهم
 

بسم الله ما شاء الله ..
ألّفت فأبدعت يا أبا علي وفقك الله ..
نعم الفكرة جميلة وقد نراها سهلة من حيث أن الشاعر أصبح أمام بدايات معروفة له ..
فهو سيبدأ بالحروف الأبجدية مرتبة ومن ثم يواصل العزف على أوتارها ونوع فكرته ..
ولكن التميّز يظهر والشاعرية تجهر والإبداع يُبهر عندما تُصاغ القصيدة بملكة شاعر مميّز مثلك ..
قصيدة تُسجل بماء الذهب فعلاً وتستحق الأولوية بشكل كبير جداً ..
ألفية عربية مبكية جداً وكفى ..
حفظك الله من كل سوء وأشكر لك هذا الإبداع وهذا التواصل الذي نتشرف به كثيراً ..
تقديري ..

| محمد بن لقفص .. يِ شآعر الأبجدية ، تسلسل عنيف جداً من الأحداث تبدأ من الخارج الى الداخل بتماسك شديد مما جعلها كُتلة شعرية ثقيلة الوزن ومن العَيار [ المُميت ] ! شِعر يستحق الإحتفآء .. بكل طريقه وَ طريقتي : هي تخليد إسمك في ذاكرتي للأبد .. لقلمك التحآيا

لاغرابه في تميزك ,, لطالما كانت الابجديات تأتيك طواعيه
وتستسلم ,, لمعانقة رأس قلمك المخملي,,
لاجديدأخي الفاضل ,,, سوى المزيد من التفرد بالعذوبه والشفافيه المرهفه
التي لاتكون الأ معك ,,,
عافاك المولى ورعاك
كن بخير وسلام
متأإآبعة بأعجابــــ ....

بيض الله وجهك أيها العملاااااااق الفريد

وصح الله منطوقك

تبارك الرحمن الله يعطيك العافية الله يوفقك وصح الله لسانك.. ويكفي

الـيــاء يــقــول الــلــي ثـمـتــل بـقـافــه
يا وين عصر الدين عصـر الخلافـة
راحـــت مـعـالـم ديـنـنــا يــــا حـسـافــة
وأهــل الـكــرم راحـــوا وولـــى كـرمـهـم
ألــــفــــيــــة ألـــفـــتـــهــــا لـــلـــعـــروبــــة
مـن قبـل هــذا الـديـن يـدنـي غـروبـه
والــشـــر يـتـكـالــب وتـكــثــر لـهــوبــه
واخـيـارنــا يـفـنــوا ونـبـكــي عـدمــهــم
صــــلاة ربــــي عــــد مــــن زار بـيـتــه
علـى النبـي اللـي حشـى مـا نسيتـه
وعـلــى الصـحـابـة كـلـهـم وآل بـيـتـه
اللـي مــن التدلـيـس ربــي عصمـهـم
 

المشاركة الأصلية كتبت بواسطة أبو ريان

بسم الله ما شاء الله ..
ألّفت فأبدعت يا أبا علي وفقك الله ..
نعم الفكرة جميلة وقد نراها سهلة من حيث أن الشاعر أصبح أمام بدايات معروفة له ..
فهو سيبدأ بالحروف الأبجدية مرتبة ومن ثم يواصل العزف على أوتارها ونوع فكرته ..
ولكن التميّز يظهر والشاعرية تجهر والإبداع يُبهر عندما تُصاغ القصيدة بملكة شاعر مميّز مثلك ..
قصيدة تُسجل بماء الذهب فعلاً وتستحق الأولوية بشكل كبير جداً ..
ألفية عربية مبكية جداً وكفى ..
حفظك الله من كل سوء وأشكر لك هذا الإبداع وهذا التواصل الذي نتشرف به كثيراً ..
تقديري ..

اشكرك اخي الغالي ابو ريان على هذا المرور الذي اضاء متصفحي
و على هذا الثناء الذي زادني شرفا وزاد مشاركتي جمال وشموخا
دمت صديق فاضل وحبيب غالي ومثقفا نسعد بكتاباته وتعليقاته

المشاركة الأصلية كتبت بواسطة تلآآآهيف العمري

الشاعرة الرائعة تلاهيف
مرورك هو وسام تتقلده مشركتي
وتعليقك شهادة يفخر بها شعري
واعجابك بمشاركتي تكرما من شخصك الراقي
بارك الله فيك ورفع قدرك وشرح صدرك أمين
دمتي ودام تواجدك أختي الغالية
شكرااااااااااااااااااااااااااااااااااااااااااااااا ااااا لك

صح لسانك يابوعلي
هذه القصيده تحمل عدة مواضيع مختلفه ومترابطه على طريقتك الخاصه
يعجبني دائما ماتكتبه ياشعرنا الكريم
رفع الله قدرك