جمر الغضى

 
ونة تالي الليل ونيتها =حيرت من سمع حين جريتها
بعدها دمعة العين هليتها=والبشر ما دروا ويش سر الونين
ونة جات من داخل محترق=حرها عن ونين البشر تفترق
لو يجون المطافي بكل الفرق=ما يداوون قلب جريح حزين
هيه ياللي تقولوا وش هي أسبابها=خلوا النفس تصبر على مابها
والخوافي بقلبي وأنا أدرابها=واللواهيب بوجيه هلها تبين
القضية تحفظت عن شرحها=لكن الحين لابد من طرحها
القلوب التي زايد جرحها=كيف يهنا لها العيش يا مسلمين
خلوا المبتلى يا بشر لو بكا=واتركوا علة اللي سكت ما شكا
دام قلبه لكل الظروف أرتكا=قولوا الله على هالمأسي يعين
علته ضامته والزمان أقشرا=والأماني بدت تنثني للورا
والمدى طال والحال ذاك أنبرا=والشدايد لها في سجله سنين
حالته لو شكاها تهد الجبل=وانت ياللي تلوم المعنا خبل
قفلت قبل عينيه كل السبل=وانثنى حائر الفكرمثل السجين
الأماني قضت والزمان انقضى=والذي مؤمن يمتثل بالرضى
لو كواء داخله حر جمر الغضى=لا يبيّن خوافيه للشامتين
قل ما تلتقي داخل مستريح=كم ترى واحد من حياته جريح
دنيتك ما تجي دوم هبات ريح=حالها ينقلب عن يسار ويمين
وأنت لابد تصبر على كل حال=لو تشوف إن بختك تلعوز ومال
لا تشكا وتنحاس يابن الحلال=واعلم إن التدابير حين وحين

الله يعطيك العافية وصح لسانك ومافيها خيرة وربي

قـــل مــــا تـلـتـقـي داخــــل مـسـتـريـح
كــم تــرى واحــد مــن حيـاتـه جـريـح
دنيـتـك مــا تـجـي دوم هـبــات ريـــح
حالـهـا ينقـلـب عــن يـسـار ويـمـيـن
وأنـت لابــد تصـبـر عـلـى كــل حــال
لـو تشـوف إن بختـك تلعـوز ومــال
لا تشـكـا وتـنـحـاس يـابــن الـحــلال
واعـلــم إن التـدابـيـر حــيــن وحــيــن

جعلك ماتشكي غالي
بجد محترف قصيد ومهما عبرنا من إعجاب لهذه الابيات وكاتبها فلن نوفيهم
لك منا دعوة بظاهر الغيب ان يوفقك ماحييت ويوفق لك

الشاعر المميّز والرائع طرحاً في تنوّعه وجماله ..
أبدعت كعادتك بجمال حرفك ونموذجيتك إحساسك ..
قصيدة وافية وجزلة ولله درك ..
غلف القصيدة نوع من الحزن ورسم الهم وبعض النصح بكيفية البعد عنه ..
أرى كأنها من من صديق لصاحب شكوى حتى وإن كانت من القلب للقلب ذاته ..
صح لسانك وطاب حالك ولك تقديري ..

حروفك تحمل التميّز وهنا بين حنايا حروفك يتأجج ابـداعك وتتـوهج أبجديتك نوراً براقاً اعجبتني كثيرا كلماتك التي تلامس الابداع احسـاس يــفوق واقــع الحياة اقـدم لك احترامي لقلمك المميز الذي يرسم لنا دائماً اروع الكلمات سلمت يمناك ودمت على الابـداع لروحك انفاس الورد

جمرة غضى ...!!


أبو علي
صح لسانك

شاعر رائع وراقي وحزين .. في هذه القصيدة !!

لك تقديري

المشاركة الأصلية كتبت بواسطة بن ظافر

الله يعطيك العافية وصح لسانك ومافيها خيرة وربي

قـــل مــــا تـلـتـقـي داخــــل مـسـتـريـح
كــم تــرى واحــد مــن حيـاتـه جـريـح
دنيـتـك مــا تـجـي دوم هـبــات ريـــح
حالـهـا ينقـلـب عــن يـسـار ويـمـيـن
وأنـت لابــد تصـبـر عـلـى كــل حــال
لـو تشـوف إن بختـك تلعـوز ومــال
لا تشـكـا وتـنـحـاس يـابــن الـحــلال

واعـلــم إن التـدابـيـر حــيــن وحــيــن

أشكرك أخي الغالي على مرورك وحضورك
دمت بكل سعادة وسرور بارك الله فيك أخي الغالي

صح لســانكـ

دوم مبدع ومتألق يا فريد القصيد
والجزل لا يستغرب من مثلكـ شاعرنا

تقديري

إحساس عذب ومشاعر باذخة الجمال بعزفك
أبدعت وأمتعت
صح لسانك ملايين ي شاعرنا
لاهنت