أبيات أعجبتني 00 كل واحد يشـارك

هذي قصيدة قريتها لشاعرة نجاح المساعيد

فعلا رائعة

تقول ..

رغم إعلاني لتركك والتزامي في قراري = كان قلبي يندفع لك خلسة مني يجيك
لك يزف احلام عذرى طار في طي السواري= ثم رجع لاقصى ضلوعي ينتحب مصدوم فيك
اعترف لك رغم كل العزم بالنفس انكساري = واعترف لك اني اقرب من رمش عينك إليك

الزين ما ودك تحطه مع الشين=الشين ودك دووم يجلس لحاله

ياحبيبي علامك كنك اليوم مليت = والسبب في شكوكي حالتك يا حياتي
إن تكلم لغيري قال أنا بس تسليت = وإن سألته علامك يسكت وأبدى أحاتي

إنطفي الضي بعيوني في غيابك يا نهاري = كيف ابصر حب ثاني دام عيني تحتريك

أنا وش لي بها الدنيا مدام الحب ماهو فيـه = تعبت أمشي وأنا أدور حبيب ٍ يحفظ أسراري
أنا طالبك يابنتٍ أخذتـي قلبـي لـي رديـه = وأنا باعيش وحداني مدامٍ ذي هي أقـداري

سو اللي براسك ولا تذكر اسباب = لا صرت بايعني توكل على الله
ما بيني وبينك مشارية وعتاب = شف دربك اللي جيت منه تدله
ما راح تغلبني لو الحب غلاب = من حضرتك عشان قلبي تذله

حبيبي منشغل عني محيرني ترى ياناس = أنا مالي أحد غيره وهوجالس ولا همه
أنا مدري علامه صار كل ماكلمه ينحاس = مطنشني مزعلني وأنا ما أقدر على ظلمة
ياليت يرجع زمان أول حسين الخد هو مياس = وكل ما أحسه يوحشني أقرب له أنا أظمه

تصدق ليلة البارح لفى بك حلمـي القاسـي=وشفت الوجه ذاك اللي عرفته من تلك السنين
اشوفك جالس بجنبي وانا سويـت متناسـي=واشوفك قمت تتأسف تظم ايدينـي الثنتيـن
واشوفك قلت يا فلان تقبل صادق احساسـي=طلبتك تقبل اعذاري طلبتك لا تقـول بعديـن
انا فزيت بي لوعه وطار النوم مـن راسـي=وقمت ابكي على حلم ٍ يذكرني هوى المقفيـن
انا عانيت من حلمي كثير ودقـت اجراسـي=حلوم الليل خلتني مشـرد منطـوي مسكيـن
جذور الحب في قلبي عجز عن قطعها السكين=الى منه بدا يقطـع اشوفـه ينكسـر ثنتيـن
حلوم الليل والفرقا تصـور هجـرك القاسـي=مع شخص ٍ بعد يذكر غرامك من تلك السنين

حلفت لبني بقلبي قصر في حبك=وحلفت لهدم بنايه يوم هديتك

يحسبني يوم سلم ما سمعته = سامعة بس اتغلى عليه
قلت ابثقل بس ثقلي ما ستطعته = وابتسمت وجيت لمعانق ايديه
يحسب اني يوم ما رديت بعته = ما درا اني بكل عمري مشتريه
والصراحة يوم سلم ما سمعته = كنت افكر كيف انا اسلم عليه

ياجارت الورد وش باقي من افواحك=كل الورود إذبلت وانتي بريحتها

خذها صريحه يارفيق الكآبه=خذها صريحه من خفوق كويته
فرقاك عيد..ياهلا يامرحبا به=لو يذكرك قلبي بكفّي لويته
يا معذبي حزن الفراق أحتفا به=قلب من طعونك نساك ونسيته
قلب نسى ذاته وماضي عذابه=ياما عطاك من الوفا ماعطيته
مبطي تقول الوصل عمرك حيا به=واليوم هجرك دون وصلك نويته
انت السراب اللي وعدني سرابه=عذب القراح بسكـّـتك مالقيته
اسم أحفظه قبل أعرف الكتابه=باكتبه وأثريني نسيت ومحيته
ودّع بامان الله.. مابه غرابه=أسمك نسيته ما اذكر اني قريته
لا عاد تحلم في جميل السحابه=يالحزن لو دمعي رخيص بكيته
بيني وبينك فرق مابه تشابه=فرق الثرى عن نجمك اللي سريته
هذا السؤال اللي قتلني جوابه=عجزت ادوّر له عن جواب ولقيته

السلام عليكم

مشاركة جميلة اخي الكريم ( سعيد العمري )
واحب اشارككم لتكون اول مشاركة مني في منتداكم الجميل
واتمنى رضاكم عنا.

[list]

[/list]

ولكم اجمل تحية ....

***التاج***

ياحبيب الروح عني لاتروح = شور لاتترك حبيبك نور عينك
المحبه ماتجي في كل روح = ترجمانه دمعة بينى وبينك

من يوم فرقانا الى يومنا اليوم=مافات يوم إلا وهي مشغلتني
إليا غفيت اشوفها في حلى النوم=وإليا صحيت إبكل الافكار جتني