مَرْثِيَّةُ الشَّاعِرِ اْلُأسْتَاذْ ( نَاصِرِ الْقَحْطَانِيْ ) فِيْ زَوْجَتِهْ ,

مساء الخير وإن طال البطا يالمنزل المهجور

ترى مـا أبطى بي إلا حـالةٍ مثـلك يقدرهـا

:

إذا عنـدك عتب لا مـانع من معاتب المذكـور

وإذا عـز الرضا تفـداك الأعـذار ومقابرهـا

:

انا اللي جيت لك والريح تعوي والشتاء مسعور

ولا بـه من دفـى والمربعـانيـه بأواخرهـا

:

تغيّـر وانـطبع دربك بلون المسك والكافـور

وهذي رعشـة كفوفي ولا بـه من يدثـّرهـا

:

بـعد ماكنت أجي بابك بدستـور وبلا دستـور

ولا أدري إلا وذيك الدرفه اليمنى على آخرهـا

:

طمـوحي عارضته اللي معاها كل شيء يـبـور

وجا عكسر الطموح أهون علي من عكسر خاطرها

:

سنـة ما أقبل نذير الشيب كانت بأول الطابـور

وكنـت أحلامها ذيـك السنـه وأول سرايرهـا

:

لقت قدامها فوضى وقلب وشـاعر وجمهـور

وجـت ورتبتـني من جديد وصرت شاعرهـا

:

بقيت اسـري لها لا همني وحشه ولا ديجـور

أشيـل أحلامنا تحت النـجوم وهي الي تفسرهـا

:

غلاها كان تحويشة عـمر بشعـور فوق شعـور

إلين أكـتـظـت الأشـواق وألهانـي تكـاثـرهـا

:

ربت ماهي تحت ريشة نعام وفي بلاط قصـور

ولكـن لا تـرف لـه قيمة إلا تحت أوامـرها

:

يحملن أمهات البيض تسع شهور تسع شهـور

على رجـوى بشايرها ولا لاحـت بشايرهـا

:

لو استقصوك عنها ما أنت محتاج لشهادة زور

تحت سقـفـك سحايب ملحها وأمـواج سكرهـا

:

حديقة بيت أهلها سورها العالي حمام السـور

زخارف بابـها شـباك غـرفتـها ستـايـرهـا

:

ورق جدرانها سجـادها تـقسيمة الديكـور

خـزانتـها هـداياها رسايـلها خـواطـرهـا

:

تحفها مزهريتها قصصها شعـرها المكسور

صـورها مكـتبـتها أقـلامها لمة دفـاتـرهـا

:

زمام السيف شـال الليـل حنّـا الكف كحـل الحور

حلقها عطـرها فستانها الأبيض جواهرهـا

:

مرايتها فصوص الساعة البيضاء أم خـمس سيور

خواتمـها قلايـد جيدها نقشـات أساورهـا

:

ملابسـها بروق ألوانهـا دولابها الممطـور

من أزرقها إلى أحمرها إلى أخضرها إلى أصفرها

:

نسانيس الهواء اللي ترتشف يشمومها المنثور

صخيفـات المنـاديل اللي أحتضنت عبايرهـا

:

مصابيـح المكان اللي خـذا منه النهار النـور

سنون أمشاطـها اللي مانست عشرة ظفايرهـا

:

بطاقـاتٍ يطـرزها صغـارٍ يحملـون زهـور

رحيـل الدبلـة اللي ماتهنـت في خناصرهـا

:

زوايـا كـنها بلـور فـي بلـور في بـلـور

مسـا رزنامـة غـاب الحريـر اللي يغيرهـا

:

وش أقـول ليتاماهـا الكثيـر الممتلين كسـور

وانا أشياها تحاصرني وأحسب إني محاصرهـا

:

( بكيت وصارت الدنيا قفص واستوحش العصفور

ضحكت ومـلـّت شبوك القفص من كذب طائرها )

:

عـرفت وشلون الأرض تدور وأيام الزمان تدور

والاعـيان إن صفت كيف ومتى تذبح محاجرها

:

ومتى تصير القبور بيوت وتصير البيوت قبور

وكـيف الذكريات يـذوب ماضيها بحاضرهـا

:

على الله وانت أبيك المتحف اللي للعرب معذور

إلى جتك العيـون وصـدت أبوابك نواظرهـا

:

تمر أجيال وتصـدّر سواليف وتعيش عصـور

وتروي سالفـة عـمري من أولها إلى آخرهـا

قصيدة رائعة واختيار رائع مشكوررة اختي نواااااارة

تقبلي مروري

نوااااارهـ

قصيدة راقيه بها من المعاني الكثير

والكثير من الجمال والروعه

تسسلمين ويسسلم نبعكـ الكريم

ولا تحرمينا جديدكـ وما تجود به ذائقتكـ الخلابه,,

تحياتي لسسسسموكـ,

الاخت نواااره
تشكرين على هذا النقل الجميل

رغم الشاعرية العذبة التي في القصيدة لم اجد عليها لمسة حزن تدل على ان القصيدة رثاء في زوجه كانت تشارك شاعرنا حياته ، فقد اتجه الشاعر الى وصف مقتنيات زوجته اكثر مما ركزعلى صفات الزوجة والاثر الذي تركته في نفسه ، مما جعل ناقلة الموضوع تلون بعض كلمات خجوله في بيت واحد لتبروز تلك الكلمات للقاري مذكرة له بالعنوان ( مرثية ) التي بعد عنها الشاعر كثيرا !!!

شعر عذب يستحق القرأة بعيدا عن كلمة مرثية
عدى منيه
حكيم المنتدى

يعطيك العافيه على النقل الجميل لشاعر جزل وعذب مثل ناصر القحطاني
وبالنسبة لحكيم واعتراضه على عنوان الموضوع فأنا اقول بالعكس هذه مرثية لكن الشاعر له اسلوبه وماكانت تقليديه وهو يرثي الزوجه رثاء العاشق لعشيقته وليس الزوج لزوجته
لذلك كان هذا التعبير الغير مباشر وتظل وجهة نظر ايضاً



واعتقد فيه خطأ في البيت اللي يقول
وجاء عكس الطموح اهون علي من عكس خاطرها ..
والصحيح
وجاء كسر الطموح أهون علي من كسر خاطرها ..

هلا و غلا فيكم جميع منورين اخواني ,,