جديد شاعر بللحمر/// ناصرالأحـمري

نص كوب

البحَـر والسفينه والهـوى والشـراع
راضيً ومْغصوبه . راضيً ومْغصـوب
الرضـا بالمفـارق والرضـا بالـوداع
والغصيبه على جوب المسافـات جـوب
أضبط النفس يالربـان عـن الإندفـاع
المقادي تحـدك حـدّ وأنـت مْحسـوب
آمرك من ولاة الآمـر وأمـره مطـاع
زان فال الصدوق وشان فـال الكـذوب
لا تمنـى شـف مهنّـا تمنـى وضـاع
لا خذاها ركوب ولا خذاهـا حلـوب !
المنـاوي مهـاوي يـا طويـل الـذراع
بين حكم المباح وبيـن حكـم الوجـوب
والمشاعر عطاشـى والجـوارح جيـاع
واللقـا توبـةٍ تمسـح جميـع الذنـوب
بس ياسعود تدري وش يحوس النخـاع
غير لِمّ الرمـاده مـن نحـور الهبـوب
طيحة الفـارس الخيّـال ذرب الطبـاع
من على مهرته يوم أستـوت للركـوب
بعد مسرى الكحيله مـا يفـض النـزاع
لا هبوب الشمـال ولا هبـوب الجنـوب
خـذ يبـو مـدّ مجانـاً ثمانيـن صـاع
عن ندايا الضروب وعن ضحايا الحروب
شـارب المستحيـل ولحيـة المستطـاع
مالها عندي إلاّ الموس من كـل صـوب
دام راسي بخيرً مـن بـلاوي الصـداع
ودامني ياسعود آجيـد قـرع الخطـوب
قام حظي وفي العليا شـرى لـي وبـاع
ومومـنٍ بالنجـاح وكافـرٍ بالرسـوب
في طرف صدري آضم الصدور الوساع
ومن طرف ثوبي أكسي كلّ رجال ثـوب
وآتعشـى ثنـيـه وآتـغـدى ربــاع
والبحر مايجي في خاطري نصّ كوب !
ماني أرقـب نتايـج موتمـر وإجتمـاع
يا نظام الحكومه يـا عظـام الشعـوب
إسرحي يا سبـاع وعـوّدي يـا سبـاع
في بياض الوجيه وفـي سـواد القلـوب
كلمـة الحـق والله مـا عليهـا قـنـاع
والمقاديـر تمضـي غالـبٍ ومْغلـوب
قبل ما تشـرب الخمـره بنـي قينقـاع
وبعد مازانت السمره بشاطـي الغـروب
هكذا الوقت دايـم فـي طمـان ورفـاع
صار ماكان فوق الروس تحت الكعـوب
وأنت يا سعود لو تشكـي ولـه وإلتيـاع
قلت ليه الشكيّـا كـلّ ديـس مْحلـوب
إلتياعـك مكعّـب ثلـج سِخّـن ومـاع
والوله في النهايه فـصّ ملـح ويـذوب
تدري إن الضوامـر يسبقـون الشبـاع
وإن خصر الغنوج يشلّ صـدر اللعـوب
قل لخط الهجـوم وقـل لخـط الدفـاع
إن خط الوسط يجمـع جميـع الـدروب
خل فرحة لقانـا فـي سنيـن الضيـاع
تنحسب جرح ثاني بعد ليلـة هـروب

الغالبي


يعطيك الف عافيه ع نقل هذه الرائعه الى هنا

دمت في حفظ من الرحمن

صح لسانه صبي غالب

على القصيدة الرائعة

وهو من أشهر وأبرز شعراء قبيلة بني ثعلبة من بللحمر

ولا هنت يا الغالبي على الطرح

راائع
وناصر شاعر جزل
شكراً لك الف ولاعدمنااك

إحترامي

يعافيك ربي يالغالي ومشكور
تحيااااتي لك

مشكورابووسيم والشاعر ناصر الاحمري أصلعي وليس ثعلبي ومعلوماتك غيردقيقه
تحياااتي لك

المسكت مشكور على تشريفك يالغالي

تحياااااتي لك