مجاراة بين الشاعر الرادار وعايض الحارثي ومحاولة نصعيب القوافي

بالنيابة عن الرادار نقلت لكم هذة المجاراة التي وقفت المجاراة بينهم فاريد منكم الحكم على من تتوقعون وقوفه امام الاخر
عايض
روض بها يامن يرد الملازيم=ويقر حالك في سنين عجايف
لابان ضيق في نحور المعازيم=فرد الكرامه ترتبش بالسفايف
ياالعمري ياطنخ الرجال المرازيم=شان الصديق الا عبقها الطرايف
يالله يامنشي وكوم تحازيم=ياراسي شهق العوالي النوايف
ياملهم احمد من فصوح مجازيم=تجبر عزيز القوم وقت النحايف
سارت بي الخطوه على عالي ازيم=تطوي الفيافي صوب جده وطايف
راكب ذلول فوق حدبا التهازيم=مدلوله في دربها ماتلايف
ناطح بها بحر به اللطم تأزيم=ترشف شراب من ظماها تعايف
يوم اقبلت على الورد شد المخازيم=والجم بها قصم حواه القصايف
يامبارك يامشكاي وقت الملازيم=بلغه بان الدهر كله سلايف
مبارك
وصلت بيوتك كل بوها مهازيم=مثل الصويب اللي من القوم خايف
مضمونها مثل الفشق في المحازيم=اللي يشوفة يحسب انه ولايف
فيها شموخ وفيه منها مقازيم=حسب القريحة والهدف والوصايف
ان كان تنحاني علي الملازيم=ماسمعت اذنك يابن الاجواد شايف
لا تحسب ايدينا ضعوف مكازيم=ليد الكريمة ماعليها كلايف
والحمد لله ثابتة بالوازيم=ولايقصرها العميل المزايف
ياكم شمغ ما استوت بالمرازيم=لاهبهبت تكثر عليها الحسايف
يامطوع الشرد بخيط المخازيم=الفاردة يلقا عليها ردايف
مايهمنا هوش الشبول العوازيم=ولا همنا نظر العيون الكفايف
ان كنت شاهر فوق روس الرزازيم=ما يجهلك راعي البلد والمصايف

قصيدة اخرى والمحاولة توقيف القافية :

العذر واجب والليالي مقاتيم=اظنت تعبها بالكدور التعيبه
ياسيد الهقوات وقت التعاتيم=طنبك اصيل مقطبات عصيبه
من جمل ابياته بقيف مياتيم=فالهزل تشكي به جزول حسيبه
ومن حبك الحفره بوضع الرتاتيم=فالحاصل انه يبتشي في الغريبه
الجود فينا ولقبونا المحاتيم=نظفي بزين وخوت بالصحيبه
ولاصلدفت حقر بصوت المشاتيم=نضمد على جرح السنين العطيبه
صلاه ربي يارسول المخاتيم=اعداد وبل ينهمل من سحيبه

مبارك:
لا تكشف صدور الزحول المكاتيم=لعاد مافي الحق شك وريبة
وازبن بروس النايفات الصعاتيم=ولاتراوغ في الدروب الصعيبة
واصنت وفسر مفردات التناتيم=واكتب على اصفاح الوجيه الشحيبة
ما بينت سحم السمات الحلاتيم=اللي تنحت في قشور الصليبة
باصابع فيها وسوم الخواتيم=رسماتها متباعدات وقريبة
مغزا لوايحها يدل المهاتيم=ويضل راعي لوله من نصيبة
لو ما وثايقكم عليها تخاتيم=مصيبة ياكبرها من مصيبة
يا كبتن يلعب وهو خارج التيم=العب على كيفك تلاقي لعيبة
ما تكسف النظرة خشوم رعاتيم=لاكن واجهتك بعزة وطيبة
من قبل ما انقز عليك البساتيم=واخذ على عجف المعاني ضريبة
____*
*بدع مبارك (الرادار)

ناس هماج الشعر تقدر تحلية=وناس تصدر من الكثيرة قليلة
وناس تحوف الطيب من عند تالية=وناس توشي من الشرارة فتيلة
والليل مظلم مادري عن خوافية=والصدق مايبينة يوم وليلة
ومضمارنا واحد ونعرف مبادية=والخيل تعرف خطوة من صهيلة
والونعم الى جار وقتة نوفية =واللي يتحدا في اللقا ياحليلة
والشعر ما تخفى علية معانية=ولا بعيني حاجة مستحيلة
واللي يبي جرعة علاج بداوية=والى رفض روحة بتبطي عليلة
واللي على درب الجمايل نخاوية=والكفو ماينكر مغازي عميلة
والورد يقطف والزهر من مجانية=واللي تشوفة ياقبيلي حصيلة
ماهمني من ذا وهذا ولا ذية=برق الشتاء ماحد يجهل مخيلة
انا مبارك ماخذ الطيب معطية=توي شواهيق النوايف مسيلة
اسند طريقي والمخالف مدلية=ولا اتسمع من العلوم الهزيلة
شاعر وصدري بيت شعري يكفية=لو كان بيت الشعر خلص مديلة
واللي يعاتبني ولو كنت مغلية=احمله حمله وحمله يشيلة
عرفت ويش قصدك بقاف مسوية=تحسب تراب القاع مثل النثيلة
ماتدري ان قافي بتبطي تمادية =وانك مع اللي نادر وقت جيلة
اسمع كلامي وانتبه لا تعدية=قلب الوفي رب الخلايق كفيلة
مادام بان الشعر من عند راعية=الله يدلة للبيوت الجزيلة
والله على فعل الجمايل يقوية=والله يجنبه النكد في سبيلة
اللي مرسي بيت شعره بما فية=المفردات النادرات الاصيلة
اللي على نهج الشهامة تحادية=واللي على ما في فواده دليلة
مايلحقة فيما يقوله مشارية=واهل الحيل تبطي تحاول تحيلة
هذي شهادة بالحقيقة تفاجية=وايام تسمع عن خبرها القبيلة

رد عايض:
بسم الولي ابدا قيوف تعليه=اسبك نظمها بالسمان الثقيله
واعسف بها طرق يشوف الملا فيه=وانحي بها صوب الرجال الدهيله
لاغطرف الطارف وصاحت نواديه=واقبل على الهيجا طبول وخيله
وازداد فوق العج شعلت مظويه=يوم عبوس مايعرف الذليله
ولاصلدف الغادي بوقت يقويه=واشتاش رجل في الصعاب الطويله
فانتم لها ياكاسبين الصوافيه=يالكبر اللي شبرها كالصقيله
جاني شهاده محرزات تمليه=من شاعر نال الصفات الجزيله
لاينملي من كان للقاف مسجيه=يم الشراف الممتنات السهيله
ياساجع ابيات القصيد المدويه=جنو الثمر يقطف من اعرش نخيله
ولاذعذع الغربي بنسم مهبيه=وانشاع فوق القاف طهر بديله
فاوكد ابياتي بطرق يعليه=وانطحه صوب الكبار الدهيله
____*
*عايض:بع بيتين
الصداقه عند شرواك تشرى ماتباع=عند من يعرف شروط الصداقه والسلوم
والله اني لبذل الجهد حسب المستطاع=في رضى من يكرم الضيف ويسد اللزوم

مبارك:
الله يكفينا من اللي من المهجاع فاع=والله يكفينا من اللي يدور للخصوم
شاعر قادم على ساحة الملقا شجاع=من رجال في الملازيم شيخان وقروم
مثل سيل منحدر تصطفق فيه الرصاع=لادقل من وادي مال ميراده عقوم
يحسب انه شابع يوم من حوله جياع=مادرا انه من مناهيلنا باقي محروم
مير لا وقفت له بالكلام الصدق طاع=والهدف قدام عينة وكل الرمي زوم
كل ما مدت يمينة بمد يرد صاع=لين يفطر مع هل المعرفة والا يصوم
والحقيقة واضحة ماتستر بالقناع=لازم تمشي عليها مفاهيم العموم
والعرب لامانع ان عندها حب اطلاع=مير ماتصلح شهادات من غير الختوم
انت في برد الشتاء يوم حر الصيف لاع=تتقي من الشمس لكن تصلاك السموم
ما تناظر منبر فية صوت الحق ذاع=تتكي وتقوم لاكن يمكن ماتقوم
صح لو غصت البحر تدري إن للبحر قاع=وصح لامديت نظرك تشوف اعلى الرجوم
لكن العب راس حربة وانا لك في الدفاع =وان تعاودت الخطا يمكن العب في الهجوم
والله ان الشعر ماينعسف لك بالذراع=شد حيلك وانت باقي بميقاف القدوم
السفينة ما يوجه بها غير الشراع=والبحر مايشتكي من البواخر ذي تعوم
والصداقة ذخر والمعرفة قبل الوداع=والعلوم تبين واللي على الخاطر حلوم
لو يجي بيني وبينك في المعنى نزاع=ما على وجه الحقيقة من العقال لوم
ولا يطارد حاجته في الخلا غير السباع=ولا يغرد في الفضاء كل من يقدر يحوم
قلتها واقولها كل وقت وكل ساع=واثق دام المقابل مواثيقة علوم
ماتغير وجهة الشخص كثرة الاستماع=ولاتغيره التماني ولا كثر الهموم
ولاتفرح لقمة الخبز من كانوا شباع=ولا توقف كلمة الغدر رجال عزوم
والدروب اتضيق وارض الله الباقي وساع=والنتائج تختلف من رقوم الى رقوم
والسديسة تختلف عن الثنية والرباع=والهزيلة مالها عندنا في السوق سوم
والمثايل قلتها وادري الدنيا متاع=ياحليل اللي رحل ما معة منها قسوم

عايض:
شرقنا يبكي الم من فروقات وصراع=يامتي ياشرق تبقي على هذي الغموم
المداوي ماتداوي وصفته كل الوجاع=ومن شكا جور الدهر فالجور عمره مايدوم
ياوجود وجد من كان يحديه الضياع=وجد خيال المعارك يوم يبحث للسهوم
يابن فاهد طال ليلك ونور الفجر شاع=ساق ليله سوق جو به الوكري يحوم
الصوافي صافيه والوقت مشروبه قراع=والليالي تبتشي بالضد بخصوم ولطوم
ياقيوفي طرزي متن به البيض النصاع=واحبكي سبك المعاني من قيوف ومن نظوم
من بقى بالقاع خله يخيل بالرفاع=دام نثل الترب يمسك يدينه والقدوم
ومن يزييف بالخمييس وفقشات اليراع=فينتبه فالليل هوله تضويه النجوم
___*
مبارك:
دلبحت صفر المناوي واغسقت بيض الصدور=واعتقت شرف النوايا من نوت زحلاقها
عقب ما دمت ذخيرة حقنها بين السطور=امنتها كف طيب تحتسي لإطلاقها
عايض:
يازمان قل نفعه وزاد الجرح غور=لملم الحال نفسه واعتنق باعناقها
لو تصافق بحر واشتد موجه يثور=والدنايا دنيه عند تواقها
____*
عايض:
حار نظمك وانا اطرد شاردات القصيد=في فيافي القيوف اللي تعنابها
السماين ثمينه مثل سبك الحديد=ومثل ضنو المثايل يوم نقوابها
شد حيلك حليلك عصف نزل عتيد=وقت لمع الهنايد بكف حرابها
شبت النار في كف المتين الشديد=ونجم جود المعاني طاح مشهابها
يوم خيل الجزايل فوق متن صليد=من صهيله تبارت وطير اسرابها
قاس شلاحط دره بين جفن العميد=قوس مطر يهلهل طمس أترابها
يامبارك قيوف بالقصايد تحيد=يوم طمس النفيس بلمع مذهابها
خاظت اللي توالد نقو مثل فريد=فانجبت من بنات الفكر مسلابها

مبارك:
زام ظنك وحظك في خيالك سعيد=والخطايا تبين بصدر من صابها
والله اني خفرتك ما نويتك بكيد=والزعوم الردية ما احسب احسابها
وانت علتك فيما شفت وسط الوريد=والبشر تمنتي والموت برقابها
ياولد من نعزة خل نظرك بعيد=دام سحم القوافي مقفل بابها
جنو سود المذاري تحتلي للمريد=والفتن بايرة وتجور بأصحابها
هيه ياما نصحتك فكري انك سديد=مير عندك عزوم زمت بأسبابها
والحقيقة تبين بصفح وجه جديد=وكلمة الحق مابيخيب طلابها
والله ما اشرب مع اللي يشربون الربيد=والعدود الرهية ادل مشرابها
ياعميل يهابد في روابعه قيد=الجمال اتهادر بازغ نابها
والصقور اتعلا لانوت للمصيد=وانت نفشت ريشك تو مخلابها
اعتبرها رسالة بيد ساعي بريد=تنقل اخبار مخفية لمن جابها
___*
بدع الرادار بتحدي وتعقيد القافية:

يا بحر موجك ليا ما صفق موج الخليج=صارت امواج المحيطات في مد وجزر
لكن اركد وانتبه لا اصطفق موجه تهيج=ولاتحسب إنه الى ما صفق موجة غزر
حد مال الصوت في جانب الشاطي لجيج=ما يغير مقصد المستمع صوت حزر
انشد اللي حيك الثوب عن خيط النسيج=وانتبه من نظرة اللي يناظر ويخزر
خل مكة تبتهج في رجاء صوت الحجيج=وانت يامن تسمع الصوت شرفها وزر
لاتمادى في السمادير وانت امرك مريج=احتسي واحط الأهداف في موقف عزر
واقطف اسمان المحاريف من زوج بهيج=ما على نفس ابن ادم من الأخرى وزر
خلها تفوح المعاني بمنتوج الأريج=لايتصاعد في معاليبها نطق هزر
والختام ان قلت لي ياقبيل العرف جيج=ما بتخفى كلمة الحق عن شيخ وبزر
المواني والفضاء ضاقت بحرب الخليج=والبحر موجة تصافق وغطا ع الجزر
عايض :لن يرد الشاعر لعدم القدرة وحاولة استخدام اسلوب ثاني لكي ينتصر وبدع
عايض:
أرزاق تقسم صاحب الرزق بالرزق=ازرقبها الرزاق للخلق بارزاق
زرق مع زقم تقازم مع الفرق=عقب السقوم اشتق منها تفلاق
لولا زهيق الشفق ينتاب لي الرفق=والعفق في بعض التراميق سباق
حق المحق بحق يشتاح بالسبق=والطوق طوق طود بالرفق وازلاق
فيه الرمق يرميه كما رميق الخلق=واشتد جرمه واندفق دفق ملاق
دق الخطر دقه تلامع به البرق=وانظاح فيلق جند فلقه تفلاق
مانيب باللي يطفق الشوق والنطق=وأطرق به القوه تطارق بترياق
ملفاه سيل يندفق سيحته غدق=وانقاه نقو النق لاصار لافراق

مبارك:رد بثقة
اقبل ولفق بالقوافي بلا حق=تلقا موفقها على الصدق مشتاق
وافلق توافق من شفق للقمر شق=يصفق شفقها شرق وتفوق بإشراق
والبق طوابقها ونق الطبق نق=والسوق يلقا من تسوق بالاطباق
واقن المدق ودق ملقى الحلق دق=واطلق ذلوق تلبق الساق بالساق
لا تشنق المطلق فتقتل مشنق=وتقفل اقفال ولا تغلق انفاق
ولاتقلق بقاف منمق منسق=يقفاه من طوق المعاليق بلاق
وارفق ولاتصفق فتبلق وتصفق=ويعق قيفان المطاليق من باق
واقفل قوافي القاف بالقاف الأبلق=متقصد شقف الحدق فوق الأوراق

عايض:بدع

سلام يامن يعسف الشعر وانظومه=بالشاعر اللي وضع للشعر تذكار
تسليم اصفى من المعصور واطعومه=وازكى من الورد والنرجس والازهار
مني انا راس طيب العرف واقدومه=ببنى شموخ تعلت في سنا الدار
من غب نفسه في الهوجاس واغمومه=فالشاهد انه وقع في فخ واوكار
ياحسوت القاف يافنه وهندومه=يانجمت تعتليها الجن والزار
انا اشهد ان المعاني دوم مكلومه=في حنجر اللي تباها الكبر باغرار
مانيب من يتبع القفاي واعلومه=واسند طريق الشبا بالعزم والنار
نفسي حشيمه وعز العز محشومه=ودرب الذرابه يخفت الذل والعار
لامن سطا لي في الناموس مجمومه=احشيم بعيد البشر والرفق والجار
ابي بيوت ثلاث في الدين مخطومه=محبوكه تتعظ بالحزن واعبار
مبارك:رد
يامرحبا يازميل بان بعزومة=من روس ساس الكرم والطيب والكار
ترحيبة من صميم القلب مختومة=اعداد ماهنتلت من المزن الامطار
يا الوافي اللي بشعره زام في قومه=الآن غطا زعوم اصغار وكبار
وانا ايده في علوم الطيب ما الومه=لكن ودي يتجنب بعض الأخطار
والله يقدية درب العز ويدومه=والله عليم بما تخفية الأسرار
ان كان وده يشتت نظرة خصومة=يمرح مع أهل الوفاء في كل الأقطار
وإن كان نفسه بحب الدار ملزومة=عز الله انه وفي مخلص بار
والصقر معروف من هده ومن حومه=يشفي عيون البشر في الجو لا طار
والعالم اللي من الهقوات محرومة=ما فادها من صدوف الوقت الأشعار
اعيونهم مثل عين الباز والبومة=ما تلفت الا قفاها وتحت ويسار
وختامها من يعرف الطيب ويسومه=عز الله انه يوخر للعرب ثار

انقطعت المجاراة بين الشاعرين للأبد

هذا هو الشعر بمعناه الحقيقي

صح الله لسان العمري والحارثي

قصائــد قمة فالروعه والقوة والتمكن

وشعراء كبار ومبدعين

تقبل أطيب التحايا

والشعرأ يهيمون في كل وادي ويتبعهم الغاووووووووووووووووووووووووووووووووووووووووووون

رووووووووووووووووووعه

والله شعراء كباااااااااااااااااار ... ويا ليت ما تنقطع المحاوره لكي تتحفونا بمثل هذه الدرر

تحياتي والله

إبداع
يعطيك الف عافيه ولاعدمناك والله

إحترامي

صح الله لسانك يا الرادار شاعر متمكن واتوقع شعرك جن مع احترامي لك

دخت وانا اقرا ..

الشاعر مبارك والشاعر عائض صح لسانكما وبيض الله وجيهكم على هذه القصايد الممتعه التي قل ما نسمع بها في هذه الايام شعار جزلين وكبار ولكن عندي تعليق على بعض ما ذكرت وبعد الاتصال على الشاعر عائض وعندما ذكرت انت ان الشاعر عائض اعجز في الرد فهذا غير صحيح ورد الشاعر ولا يعجزه شي والحقيقه اشاد بك ولم ينقص من شاعريتك ووضح بانك شاعر فحل ويستمتع بالمراسلات الشعريه معك
تحياتي وان اشاء الله احصل على رد وافيد الجميع به

الرادار


يعطيـك العافيه ع هذا النقل الرائع

تسسلم يمينكـ

سهم المنايا انتبه لنفسك الشاعر يعرفك بالصوت والصورة ولا يمكن يوضح

ليس الذكي بسيدٍ في قومة ===وانما سيد القوم المتغابي

اخواني الاعزاء اخيرا حصلت على رد الشاعر عائض الحارثي على قصيده مبارك العمري
بدع الشاعر مبارك فاهد العمري
يا بحر موجك ليا ما صفق موج الخليج=صارت امواج المحيطات في مد وجزر
لكن اركد وانتبه لا اصطفق موجه تهيج=ولاتحسب إنه الى ما صفق موجة غزر
حد مال الصوت في جانب الشاطي لجيج=ما يغير مقصد المستمع صوت حزر
انشد اللي حيك الثوب عن خيط النسيج=وانتبه من نظرة اللي يناظر ويخزر
خل مكة تبتهج في رجاء صوت الحجيج=وانت يامن تسمع الصوت شرفها وزر
لاتمادى في السمادير وانت امرك مريج=احتسي واحط الأهداف في موقف عزر
واقطف اسمان المحاريف من زوج بهيج=ما على نفس ابن ادم من الأخرى وزر
خلها تفوح المعاني بمنتوج الأريج=لايتصاعد في معاليبها نطق هزر
والختام ان قلت لي ياقبيل العرف جيج=ما بتخفى كلمة الحق عن شيخ وبزر
المواني والفضاء ضاقت بحرب الخليج=والبحر موجة تصافق وغطا ع الجزر
رد الشاعر عائض حمود الحارثي

يا وساع السما ياعمـــق بحر لجيج**** يا قـــدور عقـور وقت غوث البزر
الرياح العتيه ريحها كالهجـــــــــيج**** وما ينال المطالب من كساه االهزر
احبك القاف دام البحر للموج هيج**** وارصع الماس في مكنون من غزر
يا مبارك تمهل دام للـــــشعر غيج ****القصايد نبـــــعها مـــــن بحور ازر
حــي بيت لفاني من عجوله خليج ****سابق البرق لا من لاح وسط الجزر
واكتسته النظايم مثل فوج الحجيج ****لارفــــــــع يــدته يطلبه محي الوزر
السهايل صعايب عند رجل مليج ****والصعب كالسهل عند الي كساه الفزر
صاح هملول باشا من صقيع هجيج**** فصـــاح شلاحاط دره فوق متن العزر
من وثق مربطه عزاه وقت النتيج**** والــــعلوم الوفيه مايجـــــــيها الحزر

اخوي الردار اشكرك على هذا الابيات الشيقه ولكن في ابيات ما ضفتها للشاعرممكن سقطت منك سهو
فالقصيده الاولى ابيات حصلت عليها من قبل الشاعر ولا ضفتها انت
يابن عمر يا طنخ الرجال المرازيم شان الصديق الا عبقها الطرايف
يا الله يا منشي وكوم محازيم يا خالق خلقك بمي النطايف
يا ملهم احمد من فصوح مجازيم تجبر عزيز القوم وقت النحايف
مايحقر الكبار كود المقازيم والبيت ما يستره غير السقايف

سهم المنايا جميع الأبيات موجودة ولكن اي تعديل بعد الأرسال لا يعتمد ومشكلة الشاعر نفسة ولن يدون عندي الأ الموجود الأضافات تخص الشاعر نفسة

ابداع شعري
لله درهما من شاعرين ونتمنى ان نرى لهم المزيد على هذا الصرح الشامخ

الله يعطيكم العافية جميع والاكن نطمع في الاحلى دايمنا ونتمنا منكم التركيز اكثر واستخدام الكلمات الواضحة للقاري من حيث المعنا والتوضيف ولكم مني جزيل الشكر