ماسبب إختيارك لهذا الاسم ؟؟

هلااااااااا وغلااااااااا ومرحبا

بكل من دخل الموضوع

شفته وعجبني يقول ....

كل عضو يكتب ليييش اختار نكه (اسمه المستعار)

يعني بس كذا .. ولا في سالفة
ولا يحس انه يدل عليه ؟؟؟ ... الخ

مثلا ..... أنا .....

اسمي العناااا

اخترته لأنه مرتبط فيني كثير مع الأسف

يعني ماودي اقلبها دراما لكن اخترته لأني احسه

وبعد احب قصيدة العناااا وشهو العناااا من جد مرة تعجبني

يالله أنا قلت و دوووركم تشاركوون

وياليتكم تشاركوني يا أخواني وأخواتي

وتقبلوا مني ... أرق التحاياااا

اختكم العناااا

هههههههه
انا خلافك تماماً وخلاف اسمي المستعار الذي لا ينتمي الي باي صله
لكن قبل ما يقارب اربع سنوات
وعند دخولي الى عالم المنتديات
كان اول منتدى شاركت فيه على
غير درايه مني طلب تسجيلي للنك نيم
ما جاء على بالي
غير جهاز جوالي
كان وقتها بيدي بعد ان انهيت
مكالمه اثناء تسجيلي
حين ذلك وكعادتي لا احب
التسجيل بغير اسم عرفني به
الكل او بمعنى قد سجلته
على الشبكه العنكبوتيه

هذا كل شئ

لك تحياتي

أنا كلي اسم يحكي ماضيه .. أنا كلي جبل اغنمت به العربانِ

اسمي بذا المنتدى اللي اعتبره كما تاج(ن) على راسي اسم جبل من أشهر جبال المنطقة الجنوبيه وأنا أفتخر بالشئ ذا ولو أنا البعض مو عارف ولا داري وش السالفه وش المقصد من ذا الأسم

ولكن المطــلا طالت أعماركم زي ماكتبت لكم من شوي اسم جبل دارت به أقوى المعارك بين الأتراك ورجال بني عمرو عام 1332هـ إذا ماخب ظني وفازوا بها رجالنا وعلى إثرها انسحب الجيش التركي من المنطقة انسحاب كلي لا جزئي .. والمطــلا اسم يدل إلى الشموخ لا الكبرياء اسم يدل على القوه لا التعصب الغجري .. ويتميز هذا الجبل بجمال خضرته وكثرت شجر العرعر به ويتميز إيضاً بالعلو .. حيث يقال أنه ثاني اعلى قمة جبلية بالمنطقة الحنوبية ( عســير ) بعد قمة جبل السودة بأبها الحبيبة .

وحكايت تسميتي بالمطــلا أنه لما سجلت بذا المنتدى كنت أبحث عن اسم يعرفه بني عمرو كاملين اسم يعرفه صغيرهم وكبيرهم .. وكانت مفاجتئ الكبرى أنه عرفت أن فيه بالمنتدى أعضاء ينتمون إلى هذا المنتدى من دول خليجية مجاورة ناهيك عن الأعضاء الذين ينتمون إلى هذا المنتدى من قبائل أخرى .. والشئ ذا مما يزيدني شرفاً فعلاً وأنه اصبح لدينا أصدقاء من دول وجنسيات أخرى وإيضاً لا ننسى أخواننا من القبائل الأخرى ..
وأصالةً عن نفسي ونيابةٍ عن باقي اعضاء منتدى بني عمرو أرحب فيكم وأقول لكم الله يحييكم معنا بمنتدى بني عمرو منتدى الرمز الحضارة .. ولكن الكأس سعووووووووووووودي .. ههههههههه.

فهذا سبب تسميت نفسي بذا الأسم ..
ولا أنا معروف ومشهور بمنتديات ثانية وفي كثير من الشات والمواقع الأخرى وبالماسنجر بعد وعند أصحابي وزملائي باسم
العـــــــــــــــــــــــــــذب
حتى الإيميل تبعي بذا الأسم وموجود بملفي الشخصي

وهذا كل شئ وكلي آسف على الإطالة عليكم
ودمتم سالمين

واااااااو

دايم مواضيعك تهبل العنااا
مثلك


تيب
بالنسبه لي
تبعا اسمي منى ودااايم من وانا نونو (بيبي) خخخخ
يدلعوني مناوي + نونه
فكرت ادخل باسم نونه
لكن قلت مناااوي هو الاكثر

بس يعني انا احب الدلع
لماتقولون مناوي
يعني دلع منى

تسلمين العنااا على الموضوع الرووعه

منـــ اوش ــاوي

المسكت

يعطيك العفية

و1000

شكر

على

المرور

واسمك

تصدق

إنه

لايق

عليك

*

*

*

من جد وكثير بالمنتدى بعد بس ابي اشوف ردودهم اول
مشكور اخوي على حضورك
كلك ذوووووق

وتقبل مني ... أرق التحاياااا

العناااا

انا بصراحه في ثالث ثانوي وبالتحديد
بعد اختبارات الوزاره كنت مهموم شوي وهذيك
الايام نزل شريط محمد عبده شعبيات 7
شريته واول اغنيه سمعتها ساااايق الخير
يابعد عمري يا سايق الخير ويابعد عمري من قالها
ويا بعد عمري يا من غناها
اخذت الاسم ذا صراحه عن اقتناع وايضا لحبي الشديد
وتقديري لشخصيه الامير الشاعر خالد الفيصل الله يطول عمره
حتى انها وصلت لدرجه اني سويته على قزاز الجيب عندي
اسم سايق الخير وسيفين ونخله
واذكر موقف في شارع التحليه اني قاطع اشاره والدوريه وراي
ويقول وقف ياراعي الجيب ولما وقفت ونزلت قال
عطني الرخصه والاستماره يا سايق الخير s0)
صراحه انه انتفخ راسي خخخخخخ
اسف على الطاله
تحياتي لك

بصراحة موضوع روعة.
اما بالنسبة لي فانا دخلت المنتدى وكان في بالي ثلاثة اسماء:
(الولهـــــــــــان).
(العــــــــ شق ــــــــا).
(المغــــــــــرم).

وفي الاخير رسيت على بر واخترت (الولهان)لانه اعجبني اكثر شئ.
واحس ان فيه صلة قريبة مني.
واشكرك على الموضوع يا (العنااااااا).

اما بانسبه لي انا
لاني ام فهد دخلت بهالاسم
يعني مو مستعار حقيقي
تحيااااااااتي

موضوع جميل ومنه نتعرف على شخصية بعض

الاعضاء من أسمائهم ...

الحب الحب : اسم يعني لي الكثير والكثير وسبب إختياري له

هو إنعدام الحب في هذا الزمان . وأنه ليس هناك من يستحق

أن تحبه . فأحببت أن أحب الحب نفسه ومن هنا إخترت هذا

الاسم الحب الحب

مشكوره العناا على هذا الموضوع الجميل ولكي مني التحيه

ايه دخلتيني يالعنااا بسالفه طويله عريضه
انا ما خليت شات ولا خليت نك نيم من ست اسنين تقريبا وا نا كل يوم اختار اسم غير اللي قبله
والمشكله في التغيير اني كل ما اخش شات والا موقع الاقي خلق الله مسجلين فيه
بصراحه تعبت وبيني وبينك صارت مشاكل كثيره وانتحال للشخصيه ومنهم من اتهمني باني متعمد تقليده لاني خاش بنفس اسمه
مره سميت نفسي الكيكامي على وزن العصامي
ومعناها كيك + امي = كيكامي
يعني كلام فاضي
وبالاخير فكرت وعصرت الحرووف الهجائيه وقلت لازن اخترع اسمم ويكون انشاااء الله اي اسم
المهم طحت بالسيكا ميكا وعزمت عليه
وتفاجئت بالاخير ان السيكا تعتبر احدى الفنون الشعبيه لدى اهل مكه
وميكا مسكين يمكن يطلع من ضحايا فيتنام والله العالم



على كل حال الف شكر خيتي
ودمتي ذخرا لهذا الصرح

لا حلوه من ضحايا فيتنام ههههههه وشوه يابه السعودية وله طلب يدفنوه في السعودية ههههههههه

الحب ليش كذا الحب موجود اكيد وما دمت انت قادر تعطيه اكيد راح تحصله ..

(خلصينا الوفا جاوبي على سؤال العنا لا تتفلسفين الحين) هههههههه

لا بس حبيت اعلق صح بقول المطلا اسم حلو بعد وخاصة الحين لمه عرفت انه يحمل اسم جبل ...

عموما بس حبيت اقول لكم كلكم عاشت الاسامي والخيره فيما اختارها الله

عموما نرجع لمحور حديثنا

وهو ليش اخترت نك الوفا اسم عشان اكتب تحته؟؟؟

انا بصراحة اقول اني اتمني ها الصفة تكون موجوده ما راح اقول انها معدومه بس اتمنا انها تكون موجوده وايد بين الناس

عموما انا حبيته وحسيته قريب مني وخترته وحبيته وقدمته على نفسي ههههههههه

اخيرا يا العنا دومج توهجينا باسئلتج لكن يالله معليه على الله


تحياتي لج العنااااا

[align=center] السلام عليكم ورحمة الله وبركاته

أنا إسمي أكيد غريب على أكثر الي موجودين في المنتدى

وخاصة اللي من خارج المنطقة..

لكن أنا أخترت هذا الإسم بدون تردد ...

لإعتزازي جدااااا بهذا اللقب ..


وطبعااا ( الله يرحم جدي الفجيه )..

والذي سمي بذلك لأنه ..

صاحب العلم الشرعي والفقهي ...

في زمن كان الجهل منتشر بين الناس ...

فحبيت أخبر الناس أن الفجيه توفي .. ولكن خيرة لازال يعيش

الناس ..

والذي بكل فخر هو السبب بعد الله في إن شاء أكثر من 3

مدارس في المنطقة...

لتقيره للعلم وحبه للخير ..

وفي هذا الموقف لا يسعني إلا أن أقول رحمك الله يا أبى عبد

الله على كل ما قدمت ...

[/align]

أختي العناااا

.. سلام الله عليكم
موضوعك حماسي ورائع جداً ..
بس للأسف ماعندي شيء أقوله عن سبب اختياري لذا
الأسم .. !!
اخترته هيك .. من دون سبب يذكر.. !!
ويمكن لأني اشبهه بعض الشيء..مادري!!

* أخوي المطلا .. يسعد ايامك ممنونة لك جداً لهذا التوضيح ..
اسمك كان معقدني كثير..ولدرجة إني سألت الوالد عنه وقال لي نفس المعلومات إللي ذكرتها..
والله يحق لك أن تفخر بذلك .. أخي

*أخوي ولد الفجيه..
تصدق منول ودي أسألك عن السبب في أختيارك لهذا الأسم .. بس قلت اركدي يامال اللقافة!!
بس والنعم فيك ... ياووووولد الفجيه

وتحياتي للجميع

الكيكامي
السيكا تعتبر احدى الفنون الشعبيه
وميكا مسكين
السيكاميكا
ياخي ركز ؟
ده ما بيجمعش خالص
العنااا
لازم الاحراجات !

كاتب الرسالة الأصلية )OPEN~M!ND(

[grade="8B0000 FFFFFF B22222 FFFFFF 8B0000"]*أخوي ولد الفجيعة ..
تصدق منول ودي أسألك عن السبب في أختيارك لهذا الأسم .. بس قلت اركدي يامال اللقافة!!

تحياتي لك ابن مايند ..

لكن اسمي ولد الفجيه ..

موش ولد الفجيعة ..

ههههههههههه