أي نوع من الأطفال كنت.. إعترف ... ؟

السلام عليكم ورحمة الله وبركاته


كيف الحال إن شاء بخير



أي نوع من الأطفال كنت ؟؟؟ اعترف ...





لما كنا صغار كانت الدنيا علوم ، لكن لما كنت صغير أي نوع من الأطفال كنت ..



الطفل البريء

في البيت تلاقيه حبوب وطبيعي 100 % ، لكن مع دخوله المدرسة تنمحي شخصيته ، فتكثر الإصابات في وجهه .. لأنه مايدافع عن نفسه .



الطفل العنيد

يطبق نظام البيت بالعكس ، يسوي اللي برأسه ، مايخاف من الماما أو البابا ، لو قلت له هذا خطر لا تقربه عناد فيك يسويه ، ياكثر مايضرب في طفولته ، ومع ذلك عنيد مايغير راية .



الطفل الحنّـان

يستخدم وسيلة الحنة لتلبية رغباته ، له نغمه خاصة في البيت ، تلبى رغباته غصب عنك ، يعانون أهله من الصداع المستمر .



الطفل المادي

هذا الطفل مايرد السلام إلا بفلوس ، تعامله مع أهل البيت مادي بحت ، يستخدمونه لتوصيل طلبات المنزل ، ونقل السوالف وكل شي بحسابه .



الطفل الفتّــان

تلاقي عند هذا النوع جميع أخبار البيت ، يلاقي المتعة في إذلال غيره بالفتنة عليه ، ماله خاتمه ، هذا الطفل حتى لو شريت سكوته بفلوس ، توقع تلقى أخبارك ثاني يوم في الصفحة الرئيسية في الجريدة الرسمية .



الطفل الدلوع

هذا دلوع ماما وبابا ، يكرهونه باقي الأطفال لأنه مرفه وشايف نفسه عليهم ، تلبى رغباته قبل ليطلبها ، شخصيته اتكاليه جداً .



الطفل العله

يزعجك بأسئلته إلي ماتنتهي ، يستفسر من كل شي ، حتى لو عطست ، قالك شلون عطست ، وليش عطست ، وشلون تكونت العطسه ، يحرجك أحياناً ، ويمكن دائماً بأسئلته مره تجاوب عليه ومره تسفهه ، وأكثر الأوقات ماتلقي إجابة لأسئلته لأنك في الحقيقة تجهلها .



الطفل الداج

هذا الطفل مستحيل يجلس في البيت ، يعيش في الشارع أكثر من بيته ، خبره ودليل في كل ممر وطريق ، يعرف طول الشارع بالسنتيمتر ، من الممكن أن يصبح إذا كبر مهندس طرق .



الطفل الملسون

يستانسون أهله على سوالفه ، فصيح جداً ، ويلقط العبارات والمفردات بسرعة مذهله ، يسبب إحراج دائم لأهله ، يمكن يقول كلمة بالغلط للضيوف أو الأقارب ، يتميز أحياناً بقلة الذوق والوقاحة إذا انفعل ، لاينصح باستفزازه أبداً .



الطفل اللزقه

تلقاه مسنتر عند باب البيت ، محد يطلع إلا وهو لأزق معاه ، حتى الضيوف من الممكن تلقاه يلزق فيهم ويطلع معاهم ، ياكثر ماينضرب وخاصه من أخوانه اللي اكبر منه أو أخواته ، لأنه عبارة عن رادار على طلعاتهم ، أحياناً يضطرون يطلعون من شباك البيت للهروب منه ، ولكن للأسف يلاقونه بانتظارهم في السيارة ..ويسألهم ليش تأخروا عليّ .



الطفل الهادي

هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات .



الطفل القوي

أهله دائماً في إحراج ومشاكل مع الناس ، هرمون الأجرام مرتفع بنسبة عالية في جسمه ، في كل جبهة طفل في منطقتهم تلقى له أثر وتوقيع ، يمثل القائد والفتوه ، يهابونه الأطفال ، يتقرب منه الكبار ويتوددون له حفاظاً على سلامة أطفالهم .




الإعتراف بالحق فضيلة اللي يرد لازم يعلمنا أي من أنواع الأطفال كان ودمتم بود

أسيــ الظلام ـــر

انا جمعت مابين الدجه والعله هههههههههههههههههه باختصار ( نــــــــــــــكـــــــبـــــه )

أنـــا جمعت ما بين القوه والدفره يعني دافوووووووور مهايطي

هههههههههههههههههه

يعطيك العافيه

ودمت ذيباااااااااااااااان

م
ه
ن
د

والله ياخوك من يوم دخلت على هالموضوع قلت لازم أرد ..

إما أنا فارهيلك إني كنت طفل معاند وهادئ في نفس الوقت ( يعني الطفل العنيد والطفل الهادئ ).. مع إني نسيت ^^^ واحد بكّاش ^^^

يعطيك العافية .. أسير الظلام ..

والله إني كنت الطفل القوي

والله كنت اروح المدرسه وثوبي ابيض وارجع إلا هو اسود

هههههههههه

مشاكل ومضاربات وربك ستر

انا صراحه ماعشت طفولتي صح


لكن حسب مايروى عني انه في حياة ابوي عليه رحمه الله كنت الطفل الحنان والمادي بنفس الوقت

الطفل الهادي

هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات .


تقريبـــا .. وللحين مااالي صوت ..

تحياااتي ::

ههههههههه ..

العنيد ..

ويا ما تفقع وجهي من امي وابوي ... ويا ما شلوني بشعري ...

لكن استاهل ...


مشكور اسير الظلام ..

تحياتي لك ..

صقر صدريد ..