جمانه طفلتي..

قصه حقيقيه صارت ف السعوديه .. بنت عمرها 15 سنه زوجوها اهلها من واحد كبير ف السسن مره ومتزوج وحده يحبها بس م تجيب عيال قال بتزوج وحده ثانيه بس ابغاها تجيب عيال وناخذهم انا وياك قالت زوجته اوك .. وتزوج هه البنت الي عمرها 15 سنه وكان م يجيها ابد بس حاطها بشقه صغيره مره وجابت ولدها الاول وهي ف غرفة الولاده ياخذ الولد ويوديه ل حرمته الاول حتى م يخلي امه تشوفه المهم مرت السنين وهي ولاعمرها شافته وجابت الثاني ونفس الحركه سواها .. كانت متعذبه مره تاركها به الشقه لا يطل عليها ولاشي وحارمها من عيالها م يدرون انها امهم يحسبون الحرمه الاول امهم لانهم اول م يفتحون عيونهم م يشوفون غير حرمت ابوهم وحتى اسمائهم حرمت ابوهم الي تسميهم كانت البنت الي عمرها 15 سنه تحلم من صغرها باولاد وحاطه لهم اسماء وامنيات وتمنت تجيها بنت وتسميها جمانه لانها كانت
مره تحب هه الاسم .. واخر شي حملت ببنت ولما ولدتها خلااها معاها شهر م تدري هي وش المشكله بس كان مشغول وم اخذ البنت بدري مثل اخوانها من غرفت العمليات الام تعلقت ف البنت لانها تعودت عليها خلاها عندها شهر وسمتها هي من نفسها جمانه مثل م تمنت بعدين جا واخذها .. انقهرت وماتت الامم بكي ع بنتها كانت تتمنى بس يتركلها هه البنت لانها تعلقت فيها وهه البنت مالها الا امها الاولاد بيكبرون واخرتهم مع ابوهم بس البنت مالها الا امهاا انقهرت الامم كثثير وبكيتت على البنت أكثرر من أخوانها وبعدها كتبت قصيده طلعت كل القهر وكل الي بقلبها فيها وراحت تبي تزور الحرم عشان تدعي ربهها بنتها تعيش حياه سعيده وم تنسى امهاا .. وهي راجعه من الطريق صارلها حادث وماتت .. ولما فتشوا البيت بعد موتها عشان يشيلوا الملابس لقيو القصيده المكتوبه وانتشرت ولحنها سلوم السلوم ..





لاحول ولاقوة الا بالله
معقولة فيه ناس بهالقسوة اللي تقطع القلب
حسبها الله على من ظلمها
وعساها الجنة
ابيات مؤلمة جداً وتدل على الظلم في مجتمعاتنا
الخليجية
احساس بمعاناتها وقهرها انتابني هذه اللحظة
مما جعلني ادعي على من ظلمها

شكرًا لك بحجم ماشعرت فيه من ألم

الله يرحمها ..
قصص تزويج صغيرات السن لأكبر منهم في السن موجوده
ومع الأسف متاجره من بعض الأباء حسبي الله ونعم الوكيل ..!
الله المستعان

لاحول ولاقوة الا بالله
عند الله تجتمع الخصوم
حسبها الله وكفى ..

شكراً لك الريم

ليش كذا ؟
يعني الزوجة الثانية مجرد أداة تفريخ ولاّ كيف ؟
أين قرارها بعد المولود الأول أين أهلها ؟
أسئلة كثيرة تدور حول هذه القصة الغريبة جداً ..
القصيدة مؤثرة جداً ونسأل الله أن يغفر لها وأن يرفع الظلم في هذه الدنيا عن كل مظلوم ..
تقديري ..

سؤال هل يعقل ان اهلها ما يدرون عنها من يوم زوجوها وانها تحمل وتلد ولا يدرون .؟؟

انا اعتقد ان القصة من واقع الخيال .
اما ان كانت حقيقة فالله المستعان .

شكرا لك .