مـن تـصـويـري - بـئـر قـديـمـة فـي قـريتي الـحـبـيـبـة

المكينة التي عليها السطل مكينة العائلة ... الله يعيدها من ايام ،
كنت في قمة السعادة اذا نادوني اشغل المكينة ، تقول اشغل قمر صناعي

إنه بيّن حتى السير طار يابو سعد من كُثر ما تهرف بذا المكينة
تصوير جميل ولك تقديري ..
..

المشاركة الأصلية كتبت بواسطة أبو ريان

إنه بيّن حتى السير طار يابو سعد من كُثر ما تهرف بذا المكينة
تصوير جميل ولك تقديري ..
..

ما هو من الهريف ، الله يهرف براس العدو هههههه ،
السبب حرص جداني على السير لا يخرب ، شالوه عشان الاجيال القادمة ههههههه

هياط الطيبين ..يعنني مااحد قدي هههههههههههههههههه
تسلم يمناك ابوسعد
لكن وش هي قطع القماش ذي كلها..

المشاركة الأصلية كتبت بواسطة تَرَاتِيِــــلٌ‏

هياط الطيبين ..يعنني مااحد قدي هههههههههههههههههه
تسلم يمناك ابوسعد
لكن وش هي قطع القماش ذي كلها..

الله يسامحك هههههه ... زمان اول كان جيلنا ينقصة وسائل الاتصال المتنوعة عشان يهايط ، فكان الواحد ينزل الوادي من بعد العصر يهايط حتى يكث ذا في راسه و بعدها يرجع البيت على صفقه المغرب و يتعشاء هذا اذا لقي عشاء وبعدها يرقد ههههه ... بالنسبة للقماش فهو لتغطية المكاين عشان المطر و الغبار ... تراتيل يبغالك دورة في حوق السفول و حلب الهويش ، عشان يطلع الهياط اللي في راسك هههههههههه

ابو سعد وخاصة اذا كان اللعب حامي وانت رأس الحربة كيف لك معزهم اذا نادوك تشغل ؟ هههههههههه

صورة جميلة لماضي قريب جميل .

شكرا لك .

المشاركة الأصلية كتبت بواسطة ابوفهد العمري

ابو سعد وخاصة اذا كان اللعب حامي وانت رأس الحربة كيف لك معزهم اذا نادوك تشغل ؟ هههههههههه

صورة جميلة لماضي قريب جميل .

شكرا لك .

الحل يا ابو فهد يوم للكورة و يوم للمكينة هههههه

العفو يا ابو فهد ...

يعطيك العافية

ولكن ما اخس منها في البرد ما تقوم على سنع

تحيتي لك

المشاركة الأصلية كتبت بواسطة سد الوادي

يعطيك العافية

ولكن ما اخس منها في البرد ما تقوم على سنع

تحيتي لك

الله يعافيك ...

صادق يا سد الوادي ... ما تشتغل المكينة الا عاد ظهري مفكك ،
و لكن كله يهون من اجل الهياط ههههههه

اجل مالحقت على هياط المواطير
ونزول البير من دون حبل
هههههههههههه

مسكينه ياذا البير كم عاد عليها من المكاين
وانا اقول مذا انتشف الماء

المشاركة الأصلية كتبت بواسطة المسكت

اجل مالحقت على هياط المواطير
ونزول البير من دون حبل
هههههههههههه

مسكينه ياذا البير كم عاد عليها من المكاين
وانا اقول مذا انتشف الماء

حياك الله يا المسكت ... على طاري نزول الأبيار ، كانو زمان يخوفوننا من الاقتراب من الأبيار او النزول فيها ، يقولون بتسحبكم حبال العنزه ؟!!! ... بالنسبة للمواطير ، لكل جيل هياطه الخاص ... أما كثرة المكاين على البير ، فكان المطر ما ينقطع و كان فيه خير فوق الارض و تحت الارض ، اما اليوم الله يرحمنا برحمته ... تحياتي لك

رااااااااااااائع جدا ..

يعطيك العافيه اخوي ..

تقييم + لايك + خمس نجوم

هههههههههههه
والله من جد نظرت المسكت في محلها
وش ذا أربع مكاين هذا يدل على
الحب زمان
مايمدي هذي تطفاء الا اشتغلت الثانيه