سعيد بن ذياب

السلام عليكم ورحمة الله وبركاتة
اسعد الله اوقاتكم بالمسرات
..
قصيده مدح في الشاعر سعيد بن ذياب العمري



الشاعر / سلطان العمري


على كثر الوجيه وما عرفنا من لحى وأشناب

. . . . . . على كثر الرجال وكثر ماشفنا وخاوينا


ولاجت للصحيح انك لحالك ياسعيد ذياب

. . . . . . وتاجٍ فوق روس بني عمر طاريه يغنينا


وانا شاعر ولي وجهة نظر ومخالبن وانياب

. . . . . . وانا الغطاس وانت البحر والربان والمينا


سلام الله على شاعر وطن يحسب له الف حساب

. . . . . . وشاعر تفتخر فيه اللأئمه والسلاطينا


تعلمنا الوفا والمرجله من عادنا طلاب
. . . . . . 
على ايديه الكريمه والشهايد في مخابينا


وحبيناه لانه من رجاجيلٍ تفك رقاب

. . . . . . وأبوه ذياب ضلعن مثل ضلع الطور في سينا


وليده بالحرام إنك وليده ياسعيد ذياب

. . . . . . شهادة خالد الفيصل تكفيك وتكفينا


جمعت البدر ونزار وخلف هذال والسياب
. . . . . . 
على خالد وبن خلدون والرازي وبن سينا


جمعت المجد حتى صرت من فوق السحاب سحاب

. . . . . . بمجداً فوق مجد اجدادك الغر الميامينا


انا التلميذ والغاوي وانا الحاضر وانا الي غاب

. . . . . . وقفينا.. وكان الرد عادتنا.. وردينا


وفا ولا غلا ولا ولا والا شعور اعجاب
. . . . . . 
بشاعر من عَلِيّة قوم وأكبر من قوافينا
اليه مع التحيه.. والقصيده مالها اسباب
. . . . . . 
يجملها بياض وجيهنا وفعول أيادينا






سلامتك والله يصح لسان قايلها
ويستاهل شاعرنا القدير كل طيب


المصدر اخوكم : سامي العمري

بيض الله وجهك وصح لسان الشاعر ويستاهل بن ذياب .

سلامتك والله يصح لسان قايلها
ويستاهل شاعرنا القدير كل طيب


شكرأً .... سامي

سلطان شاعر بارع ولا زال يظلم نفسه ..
سعيد بن ذياب يستحق القصيدة والله يوفقهم الاثنين ..
شكراً لك سامي ولك تقديري ..

الف شكر الله يعطيك العافية على هذا النقل الموفق

ويستاهل الشاعر سعيد كل غالية

رائع

من الشاعر .. وبن ذياب يستاهل كل خير
علم في رأسه نار

تقديري لك على هذا النقل الرائع ويستحق كل من يستاهل التقدير والاحترام مثل هذا المديح وزود

تحيتي للجميع

مدح راائع وبن ذياب بلا شك يستحق
شكراً لك وللشاعر سلطان وصح الله لسانه

لاهنت يالغلا ولاعدمناك

آلسحر يكمن بين ..آحروفك والاحسـآس يعلووو..سطوورك ومشـآعر تهمس بكل..صدق انت دهن عود تعطــــر الآرجآء بعطرها دمت/= بتـــآآآلق وبخير ودآآآم قلمك ينبض ويترف جمالاااآ وشوقــآآ تحيـــآآتي لك ولقلمك وآبدآآآعك الذي لآيتوقف

يستاهل سعيد بن ذياب
وصح لســان سلطان وسلمت يداكـ لولا الامل

تقديري