دنيا رديه مابها حد ماخان حتى التراب اللي عشقته دفني

لوخسـرتك ماخسرت العمر والدنيا متاع
وأدري إني لوخسرتك ماخسرت إلا القليل

بس فكر زين.. تعرف من خسر فينا وضاع
وتعرف انك لوتلف الأرض...وتدور بديل

والله ان تبطي ..ولو لفيت كل البقاع
ولوتسوي وش تسوي ما أنت لاقي لي مثيل

وين تلقى مثل شخصي شخص وطباعي طباع
ووين تلقى مثل قلبي قلب.. أومثلي خليل.

البشر واحد نعم لكن فرق الأنطباع.
يجعلك يمي تميل.. ويم غيري ماتميل

يارفيقي إنتبه ..! وأحسن إلي الأستماع
للمواقف دور في كشف المزيف والأصيل

وأنت ماقصرت فيني موقفك جدا شجاع
طعنتك بالظهر فعلا كانت إثبات ودليل

بيض الله وجهك اللي ساتره تحت القناع
ورايتك بيضا معاي وياعسى عمرك طويل

يعني أعطيك الثقه وتردها بلوي الذراع
ياخي ماشالله عليك ابدعت في رد الجميل.

مدري كيف اشكرك؟؟ مدري كيف أرد الصاع صاع؟
كنت احسب إنك عزيزالنفس تطلع لي ذليل

كم وأنا عيت أصدق فيك قدر المستطاع
من غبائي كنت أسكت وأعذرك وأثر الحصيل ؟

جرح قلب.. ميزته في كل يوم الإتساع
ودمع عين ينهمر من ضيقتي.. في كل ليل

والله إني كنت أحبك حب وأتبعك إتباع
كنت لجل أرضي غرورك بس أسوي المستحيل

كنت أعمى فيك لالا كنت ميت للنخاع

يجبر الإنسان أحيانا..يفكر بالرحيل

صدمتي فيك إنت.خلتني أفكر بإقتناع
كيف أنا بفتك من جرحك ودوشة
<<قال وقيل>>

صرت سيره في حلوق الناس وتالي هالضياع
أنتحر!!معقول؟؟يالله وش هذاالغليل؟

رحمتك يارب لامن ضاقت امنحني الوساع
إنت حسبي في الزمان الجاير ونعم الوكيل

لاغدى<مستقبلي والماضي> أطراف النزاع
وصفحة الماضي سواد وشئ من هذا القبيل

فلازم أنسى لجل أنهي بداخلي هذا الصراع
ولازم أتقوى.. عشان أحقق النصر الجليل

وطالما إن الهجوم أفضل وسيله للدفاع
مستحيل أرضخ لو إن الحمل ياربعي ثقيل

والبخيل اللي نساني وإشترى فيني وباع
يروح بسلامته والله بجرحي كفيل

وإن سأل عني وجاكم بعد إنقطاع
علموه إني نسيته بس أنا ماني بخيل

طالما كان السبب في قوتي قبل الوداع
بلغوه أقل شئ بخالص الشكر الجزيل

مما راق لي

اختيار موفق بارك الله فيك لا خــلات ولا عــدم
ولازم أتقوى.. عشـــــان أحقق النصر الجليل...
وطالما إن الهجوم أفضل وسيله
للدفاع...
مستحيل أرضخ لو إن الحمل ياربعي ثقيل...
والبخيل اللي نساني وإشترى فيني وباع...
يروح بسلامته والله بجرحي كفيل...
وإن سأل عني وجاكم بعـــــــد إنقطاع...
علموه إني نسيته بس أنا ماني
بخيل...
طالما كان السبب في قوتي قبل
الوداع...
بلغوه أقل شئ بخالص الشكر
الجزيل

إختيار رائع.." تسلم الأيادي...

رائعه لشاعر راائع
على ما اعتقد الشاعر محمد الشهري
شكراً لك ويعطيك العافيه

إحترامي

بن ظافر
عذبة الروح
المسكت
شاكره لكم ردكم الذي انار متصفحي
يعطيكم العافيه ولاهنتو
تحياتي