الرجل نعرف هيبته من وقاره ...

بسم الله الرحمن الرحيم ....
السلام عليكم ورحمة الله وبركاته ....
اول مره اكتب نبطي وانشالله تنال استحسانكم وتقبلوها مني .......
يقووووووووول ....::
الى متى والغبن سيد انطباعي
والى متى انضر في كياني صغاره
مع ان صيتي فالمطاليق شاعي
واعرف طريق الحق واعرف مساره
والى الغرور املك جميع المساعي
و لا الكبر شاطي ودوني بحاره
ولان عندي من جميع الدواعي
رفضت اعدي من طريق الحقاره
ما دامني للعز والطيب ساعي
بوصل علا العليا وابنفض غباره
وبوصل المقصد ووطن متاعي
وابني دول بالشعر واانشي حضاره
وش لون بعدي غارقٍ بارتياعي
مع اني امشي في طريق الضفاره
يا سعيد والله ما لعلتك داعي
واعرف ترا زود المغمّه خساره
واسمع كلامي وافطنه وانت واعي
الرجل نعرف هيبته من وقاره
للذود وانا خوك ذايد وراعي
والخوف لا يمكن يخاوي جساره
وان كان ما اتجرعت سم الافاعي
ما تصال العليا بحبكة شطاره
والصاحب الونعم ترا ما يباعي
يطول شبرك مثل طولة شباره
وانتبه واحذر لنيب السباعي
لا اتخاوي اسباع اختبت في مغاره
يوم ان انا لو شبت وان طال باعي
ببقى خوي احمد وببقى جواره
بسري بحر خوّتْه وافرد شراعي
وانا معه في سلْم ولا بغاره
وياللي تعنى وانتبه باستماعي
هاكم من الخافق صريح العباره
ان كان ماتجرعت سم الافاعي
ما تصال العليا بحبكة شطاره

قصيدة وقافيه رائعه بروعة شاعريتك


مثل ماقـلت : الصاحب الونعم ترا ما يباعي.


والخاتمه : ان كان ماتجرعت سم الافاعي
.......... ما تصال العليا بحبكة شطاره ؟؟؟


تسلم على الطرح وتسلم يمينك..



مودتي

اشكرك على هذا المرور الراقي والمميز ...
والله يسلمك يرفع قدرك ولا يهينك ..

عزالله إنك شاعر أينما حَلَ قصيدك وكان ..
عرفناك بميدان العرضة فكنت مبدعاً ومميّزاً ورائع الحضور ..
وهنا بالنبط أبدعت بهذه الرائعة وقدمت قصيدة جزلة وذائقتها جميلة ..
صح لسانك وطاب حالك ولك تقديري ..

المشاركة الأصلية كتبت بواسطة أبو ريان

عزالله إنك شاعر أينما حَلَ قصيدك وكان ..
عرفناك بميدان العرضة فكنت مبدعاً ومميّزاً ورائع الحضور ..
وهنا بالنبط أبدعت بهذه الرائعة وقدمت قصيدة جزلة وذائقتها جميلة ..
صح لسانك وطاب حالك ولك تقديري ..

الله لا يهنك يابو ريان ...
والله العضيم انها شهاده على صدري وافتخربها في كل ميدان وكل محفل ...
صح بدنك يالغالي ...

تبارك الرحمن الله يعطيك العافية وصح لسانك

يوم ان انا لو شبت وان طال باعي
ببقى خوي احمد وببقى جواره
بسري بحر خوّتْه وافرد شراعي
وانا معه في سلْم ولا بغاره
وياللي تعنى وانتبه باستماعي
هاكم من الخافق صريح العباره
ان كان ماتجرعت سم الافاعي
ما تصال العليا بحبكة شطاره

المشاركة الأصلية كتبت بواسطة بن ظافر

تبارك الرحمن الله يعطيك العافية وصح لسانك

يوم ان انا لو شبت وان طال باعي
ببقى خوي احمد وببقى جواره
بسري بحر خوّتْه وافرد شراعي
وانا معه في سلْم ولا بغاره
وياللي تعنى وانتبه باستماعي
هاكم من الخافق صريح العباره
ان كان ماتجرعت سم الافاعي
ما تصال العليا بحبكة شطاره

الله يعافيك ويصح بدنك ...
مشكور على هالمرور الراقي ...

رااائع

والصاحب الونعم ترا ما يباعي
يطول شبرك مثل طولة شباره
وهنا اروع
رعاااك الله
ولاعدمنااااك

سهم المنتدى
بلا شك
تملك شاعرية قوية ومفرده ممتعة
لا زلت تحتاج الى الانتباه للوزن في القصائد النبطية
اما المعنى فتبارك الله متمكن
والقصيدة التي بين ايدينا انطلاقة نحوالقمة
على القوة يا صبي بني التيم
!!!
كان عندي اسئلة كثيرة عن القصيدة
منها الاسم هل هو اسمك ام اسم شخص اخر تحب توجه له القصيدة
واصل وبالتوفيق
!!!
مودتي
حكيم المنتدى

المسكت.....
الروعه مرورك بارك الله فيك ....
حكيم المنتدى اشكرك على هذا اللقب الجميل (((سهم المنتدى،))....
لكن لو تعلمني بالببت اللي فيه خلل فالوزن اكون لك.من الشاكرين..
اما الاسماء طال عمرك فيه اسمين فالقصيده هي سعيد واحمد ....
اما سعيد فهو صبي بني التيم يخاطب نغسه فالقصيده.....اما احمد فهو اوفى صديق لي والله يوفقه ويسدد خطاه...ولا يهون من يقرا...

ناشب لنا في ميدان العرضة واحصلك هنا كمان
على العموم بيض الله وجهك قصيدة جميلة ورائعة جدا وانت شاعر جاي ماشي طبلووونه
وعلى قولتك

مع ان صيتي فالمطاليق شاعي
واعرف طريق الحق واعرف مساره

لكن لازم ننشب لك شوي ونذوقك سم الافاعي
ان كان ماتجرعت سم الافاعي
ما تصال العليا بحبكة شطاره

التيـاتــع


لو كان يبن التيم منك اقتناعي
سويت بسمك دولة في مغاره
وخليت من فالارض تهوى اتباعي
وحنيت لك روس التياتع صقاره
تستاهل انك من تمنى ضياعي
بين المدام وبين طيب الزقاره
اجلس وغني مع ذياب وضباعي
والستر دايم والاماني نعاره
تذكر زمان كان فيه الرباعي
ماكان فيه الكل شاني حقاره
اليوم يبن التيم راعي ماراعي
عند الوجيه السود وين البشاره


مـقـــاديـر

الشيباني
.....ابيض وجه .....باقي ودك تجرعنا على اللي قد سويته ههههههههههههههههههههههههههه.
مقادير ...
على هونك على هونك هههههههههههههههههههههههههه...وللمعلوميه ترا ما اشرب سقاير هههههههههههههههههههههههههههههههههههههههههههههههههه هههههههههههههههه...
اشكرك على هذه الابيات الملغمه وفيه بعض الابيات ما فهمتها لكن فدا رجوووولك ....
ممكن تشرحين البيت ذا ؟؟؟؟؟::
اليوم يابن التيم راعي مراعي
عند الوجيه السود وين البشاره.

المشاركة الأصلية كتبت بواسطة صبي بني التيم

الشيباني
.....ابيض وجه .....باقي ودك تجرعنا على اللي قد سويته ههههههههههههههههههههههههههه.
مقادير ...
على هونك على هونك هههههههههههههههههههههههههه...وللمعلوميه ترا ما اشرب سقاير هههههههههههههههههههههههههههههههههههههههههههههههههه هههههههههههههههه...
اشكرك على هذه الابيات الملغمه وفيه بعض الابيات ما فهمتها لكن فدا رجوووولك ....
ممكن تشرحين البيت ذا ؟؟؟؟؟::
اليوم يابن التيم راعي مراعي
عند الوجيه السود وين البشاره.

التيـاتــع




ماكـان لي فـالشــر قـبلك مسـاعي
وماعـاد لي بعــدك بيــان العبـاره
ان كنت متوهم خطاء في سماعي
وان كـنت مـتــاكـد ولـو بالاشـاره
فانا معـك ياصحب الـولـف نـاعي
ضـايع دليـل وخـاســرآ بالـتجـاره
مـاجـيت يبـن التيـم ادور نــزاعي
الله كــريـم ومنــك مــالـي امـاره




اخوي العزيز
صبي بني التيم الموقر
السلام عليكم ورحمة الله وبركاته
واسعد الله جميع اوقاتكم
بكل خيـــــــر
عند حضور الشعر ينمع الكلام
وانت شاعر راعي مشاعر
عليك اكتشاف المضمون
وتقدير الهدف
وعلى فكرة القصيدة برمتها
ماكانت الا تقدير لك
ليس فيها تهجم ولا فيها عناد
تبقاء مجاراة لقصيدتك
بطعم ولون مختلف
والقصد منها الاستمتاع والفايدة
وعــفـــــاك



مـقـــاديـر

هههههههههههههههههه...
اشكرك ثم اشكرك على هذه المجاراه المفيده والمسليه والملغمه في نفس الوقت ...
انا تراني ضعيف في مجال النضم والنبط فلا تحرجني الله يسعدك ....
احترامي وتقديري لك من مر وعلق ..