عز الله انه رجني حبها رج

اسعد الله اوقاتكم بكل خير
اتشرف بطرح هذه القصيدة في هذا المنتدى آمل ان تحوز على رضاكم

يا طير ياللي لك على الحوم منهج = والجو لك من بينه دروب وفجاج
بلغ سلامي لادعج العين في وج = اللي تركني فالهوا ضايعٍ داج
وقلّه ترى لك صاحبٍ منك محرج = احراج ما قبله ولا بعده احراج
قلّه يدور لي من الحب مخرج = ان كان باقي فيه مدخل ومخراج
الى متى وآنا احترق وآتوهج = واصلى لهيب الحب كني على صاج
أعيش في غربه وكربه وفي عج = ويعيش في بسطه وفي فلّة احجاج
ويبطي علّي اسنين ويغيب ويسج = ولا يفتكرني غير لا صار محتاج
لا ضاق صدره جاك عنّه يفرج = ويقول شعرك يطرب ويبهج ابهاج
واقوم اغني له على قافية اج = ويردد أبياتي على قافية آآج
واليا ذكرت انه ماغير ايتهرج = تصبح مواويلي واهازيجي ازعاج
نفسي تقلّي هج عن قربها هج = لانت استرحت ولا كسبت أجر يا حاج
لكنّ عقلي في هواها تبرمج = يسري هواها في عروقي والاوداج
عز الله انه رجني حبها رج = رج العراوي لامشت فوق بطناج
كنت اعتبر نفسي طبيبٍ معالج = واليوم ادور لي من اسبابها علاج
كني لها مدمن وهي لي مروج = لين اتلفت كل الخلايا والانساج
الله خلقها فتنة اعيون وامهج = من يوم مولدها على راسها تاج
لو شفت مبسمها ليا جات تهرج = اتجمعه ياقوت وتفرقه عاج
والرمش جيشً بالقذايف مدجج = يا بخت منهو عن نظر عينها ماج
ولا استرسل الشلال ولا تموج = ماتوصفه صوره ولا هرج هرّاج
شيٍ على طوله وشيٍ مدرّج = ليلٍ على وجهٍ كما البدر وهاج
تجهر عيون اللي عليها تفرّج = هذا وهي من دون حمره ومكياج
أثور وازعل واشجب الحب واحتج = وانظم لها الفرقا طريقه ومنهاج
ولا شفتها حتى اللسان ايتبنج = ويمحى كلام الليل مع صبح الابلاج
واعود انظم في الحلا والتغنج = واحبس بيوتي الاوله وسط الادراج

وسلامتكم
شعر: خالد ال مشرف العمري

ونعم فيك وفي شاعريتك أخي خالد

كلام موزون ومقفى الف شكر لطرحك مثل هذي

الكلمات المتدفقه من وحي شاعريتك العذبه...




تستاهل التقييم والتثبيت

مودتي

اخوي ابو زياد كلامك وتقييمك تاج
على راسي
الف شكر طال عمرك

خالد بن مشرف

صح لسانك وطاب حالك
قصيدة ولى احلى
تجلت بها شاعرية راقية وهمس جميل
تغمره الروعه والحس الدافى النقى .

خالد
تحياتي لك ولابداعك
ونحن بانتظار قادم جميل

oscar
صح بدنك
مرورك هو الاحلى والاروع

تسلم وصح لسانك يا الغالي

تجهر عيـون اللـي عليهـا تفـرّج

هذا وهي مـن دون حمـره ومكيـاج

أثور وازعل واشجب الحـب واحتـج

وانظم لها الفرقـا طريقـه ومنهـاج

ولا شفتهـا حتـى اللسـان ايتبـنـج

ويمحى كلام الليل مع صبح الابـلاج

واعود انظـم فـي الحـلا والتغنـج

واحبس بيوتي الاوله وسـط الادراج

اخوي بن ظافر
يسلم غاليك والله يصح بدنك
تشرفت بمرورك الكريم لا هنت

خالد
أشبعتني شعر هذه الليله بهذه القصيده الرائعه
صح لسانك الف

المهاجر07
الف شكر على المرور الكريم
وعلى ذوقك هذا من طيبك
لا عدمتك

الله الله يا خالد مشرف
صح لسانك ملايين، هذا الشعر، وهذا الشاعر ولا بلاش
مفردات رائعة وقصيدة جزلة وقاف صعب
انا مريت على محاورة في متصفح آخر بهذا القسم وحقيقة وجدت ابيات لهذا الشاعر تجبر من يقراءها ان يقراءها اكثر من مره
ان شاء الله دائما تمتعنا بجديدك
تحياتي وتقديري

اررررررررحب يالخطاف
وصح بدنك ترليون مرورك واشادتك انت والرجال اللي مثلك وشرواك
تاج على راسي ولا الشعر ما نجي الا من بعدك طال عمرك

راائع ياخالد
ابحرت بنا في عالم من العذوبه
وأسترسلت بمشاعر فائقه
دمت كما تُحب ولاعدمناك

إحترامي