مجاراة قديمة بين المهاجر وغرمان بن عزيز

السلام عليكم ورحمة الله
حبيت اتذكر معكم شيء من القديم قبل حوالي 4 سنوات من الان
نزلت قصيده هنا غزليه وقام الشاعر غرمان بن عزيز بمجاراتها واستمرت المجاراه بيني وبينه
وهذي القصيده والمجاراه مني ومنه .

البداية ..


المهاجر

الدلع راكب عليها ياجمااااعـه=والدلع وشهو مصيره بدونهـا
والله إني فارس وكلي شجاعه=مير لاشفت الدلـع ياعونهـاا
أرتجف واضيع لاشفت المياعه=لبـا والله نظـرةٍ لعيونـهـااا
هي دواي وعلة القلب وطمااعه=وان بغت كل العرب يفدونهـاا
الدلع فيها طبيعـي بأقتناعـه=وشعرهاا شلال فوق متونهـاااا
والكلام ان قالته يحلا سماعـه=ياحلاهـاا ياعـرب ولحونهـاا
عنتر اللي سببت عبله ضياااعه=لو درى عنها غدى مجنونهـاا

رد غرمان بن عزيز

يالمهاجر خابرك راعي طواعـه=لا تغيرهـا وتـوقـف دونـهـا
وأخبر الفارس يكون عنده مناعه=ما تصيده مـن كثـر ماعونهـا
أسأل البحّار كم لفلـف شراعـه=وأسأل السـواق كـم طبولنهـا
لو يكون الوقت ساعه بعد ساعه=لا تفوتـك سـاعـة يعنونـهـا
وأنتبه للعمر لو حآن أنقطاعـه=مـا تفيـد المسبحـه وقرونهـا
الهوى والحب مع راعي البضاعه=مـا يوردهـا مـع سعدونـهـا
قالها اللي عارفٍ سيف البراعـه=والقصيـده أهلهـا يقرونـهـا

رد المهاجر

ياهلا بك والأسد نعرف طباعـه=والغزل فالشعر ضمـن فنونهـا
وأنت ياغرمان تنصح في الإذاعه=والنصيحة ماعرفـت اشلونهـا
ماني اللي يمشي دروب الصياعه=لا ولا جيت القـرى وحصونهـا
اطلب الله والنبي حـق اتباعـه=عهد اخذته والعهـود اصونهـا
عند ربعي موقفي فوق ارتفاعـه=وربعي ابدا مارضيـت بهونهـا
من تعدى شبر قصينـا ذراعـه=والعداا حناا لهـااا طاعونهـااا
قالها اللي مايبي حق ورباعـه=والاوادم يحسنـون ظنونـهـاا

رد غرمان بن عزيز

الأسد معروف تعرفـه السباعـه=والسبـاع أسودهـا يحمونـهـا
والسيوف أنواع كلٍ لـه صناعـه=والنوافع مـا أختلـف معجونهـا
وأعرف الخيّال وأقيـس إرتباعـه=وأعرف اللي من العرب دندونهـا
وأنا من طبعي أحافظ على الوداعه=مـا تغيرنـي الحيـاة وشونهـا
وأحمد الله ما خلقني في مجاعـه=عندنا الخيـرات مـن مخزونهـا
من يجي بالصاع ما نجحده صاعه=نكرمه والنفس مـن مضمونهـا
قالها اللي ما بعد مخلـوق لاعـه=عاقـل والعيـن تحمـي نونهـا

أخيراً رد المهاجر

من يجي بالطيب ماخاب أنطباعه=والعيـون ونونهـاا عربونهـااا
والأسد معروف في وقت اندفاعه=والصقور الغيم بين حضونهـاا
اعرف الضرغام وشلون ابتلاعه=واضرب الاهداف لو يخطونهـاا
اللقب ماني بجي دون انتزاعـه=والبيوت اللي حماها اركونهـاا
الوغى نغويه لو حان اندلاعـه=وخيرنا للناس مالـي بطونهـااا
الفريق اليا هجم قـواا دفااعـه=والهزيمـة ليتهـم يرضونهـاا
قالها اللي عمٌر العـز بقلاعـه=انتهى يـوم ابتـدوا يبنونهـاا


وسلامتكم جميعاااا وصح لسان شاعرنا المبدع غرمان بن عزيز
ولاهنتم

المهاجر


بيض الله وجهك انت وبن عزيز

وعلا شانكم

فعلا شاعران راقيان

وفالكم الطيب

كل الود لك يا غالي واشكر لك تواجدك وطرحك هذه القصيده هنا


تحياتي,,

عمري ولا احد قدي
بارك الله فيك ولا هنت على حظورك
شاكر ومقدر

والله منت هين يا المهاجر ابداع وشاعر معنى ولا يهون غرمان عزيز
اتحفتنا بهذه القوافي المميزه لك وافر العطاء ومزيد من الشعر والتألق

المشاركة الأصلية كتبت بواسطة هدف عمري

والله منت هين يا المهاجر ابداع وشاعر معنى ولا يهون غرمان عزيز
اتحفتنا بهذه القوافي المميزه لك وافر العطاء ومزيد من الشعر والتألق

المفاجآت كثيره في هذه الحياه يابو خالد .. قد تكون هذه إحداها بالنسبة لك
سعيد بوجودك في متصفحى وهذه مجرد محاولات بالنسبة لي وغرمان بن عزيز شاعر كبير نفتخر فيه
بارك الله فيك

المهاجر..بيض الله وجهك انت وبن عزيز الله يعطيكم العافية وصحت السنتكم

المشاركة الأصلية كتبت بواسطة بن ظافر

المهاجر..بيض الله وجهك انت وبن عزيز الله يعطيكم العافية وصحت السنتكم

بن ظافر شاكر حظورك واسعدتني بتواجدك
بارك الله فيك وصح بدنك

ماشاالله تبارك الرحمن ..

الله لا يضركم .. صح منطوقك يالمهاجر و صح منطوق بن عزيز ..

لا هنتو

المشاركة الأصلية كتبت بواسطة نواااااره

ماشاالله تبارك الرحمن ..

الله لا يضركم .. صح منطوقك يالمهاجر و صح منطوق بن عزيز ..

لا هنتو

صح بدنك اختي نواره
وشاكر حظورك وتواجدك الكريم
بارك الله فيك

بيض الله وجيهكم مجاراة ممتازة صح الله السنتكم

المشاركة الأصلية كتبت بواسطة الرادار

بيض الله وجيهكم مجاراة ممتازة صح الله السنتكم

ووجهك ابيض
سعيد بحظورك شاعرنا المميز
وصح بدنك
بارك الله فيك

راااااااائعه

المشاركة الأصلية كتبت بواسطة أرجوكـ اعفينيـ

راااااااائعه

الرائع تواجدك لاعدمتك
بارك الله فيك

المهاجر وبن عزيز ..
بيض الله وجيهكم وبصراحة قمة بكل شيئ ..
إذا أعتبرنا بن عزيز شاعر عرضه معروف ..
فمن جهتي مضطلع بقوة على شاعرية المهاجر فهو يمتلك كل المقومات الشعرية الرائعة ..
وسبق أن تعاملت مع قصائده قراءةً واستمتاعاً منذ وقت طويل وللحق فهو شاعر وحامل للواء الشعر
بكل جودة وشهادتي فيه مجروحة ولكن هذه الحقيقة والله العالم بذلك ..
كل التقدير ..

المشاركة الأصلية كتبت بواسطة ابو ريان

المهاجر وبن عزيز ..
بيض الله وجيهكم وبصراحة قمة بكل شيئ ..
إذا أعتبرنا بن عزيز شاعر عرضه معروف ..
فمن جهتي مضطلع بقوة على شاعرية المهاجر فهو يمتلك كل المقومات الشعرية الرائعة ..
وسبق أن تعاملت مع قصائده قراءةً واستمتاعاً منذ وقت طويل وللحق فهو شاعر وحامل للواء الشعر
بكل جودة وشهادتي فيه مجروحة ولكن هذه الحقيقة والله العالم بذلك ..
كل التقدير ..

حياك الله يا ابو ريان
انا افتخر بهذه الشهادة من شخص اكن له مشاعر حب واحترام كشخصك الكريم
وبصراحه انا لست محترف شعر لكن عندي محاولات وشطحات ولعل هذه احداها
وغرمان بن عزيز شاعر كبير تشرفت بمصاحفة حروفه آنذاك
تكفيني هذه الشهادة منك

بارك الله فيك