ليه أنا في حصار

يا سعّيد اليوم انا بانصاك ياسعّيد
حالة زميلك تبكي وحالك يعيّد
يا حالي اليوم والله مانته بجيّد
يا عين ياليل يا دنيا من انت ِ له

=====================

يابو ريان عذراً والعذر من صديق
ابلشك بالقصايد وانت رجل سديد
لكن انت الوحيد اللي بيفهم لنا
خل باقي العرب فاقول انا وشلنا
ليه انا في حصار وفي مواقف غبينة
والسبب من جماهير ومن جمهرة

يا مرحبا بالذي عنتر وسي السيّد=
وانهو مشى في طريقه يشبه زويّد=
وانهو توقف يبان انه ورا عبيّد =
يا عين يا ليل يا دنيا من انتِ له =
==================
من تمنن بيبقى بالزمن من صديق=
جعل من يفتنك يا شيخ حد وسديد=
هملكم يا صحيبي طاب من هملنا=
من يناوش لنا وش كان ناوشلنا=
من تغيّب علينا وش سببها غبينة=
كل ما جا تجمهر قلت من جمهرة=

أبو ريان ابشر طال عمرك وصلت رسالتك وبإذن الله يكون خير
ملاحظة أشكر لك سرعة الرد وسرعة البديهة فأنا وبكل صدق أحاول في أغلب القصائد أن أموّه عليك وأضيّعك ولكن وفي النهاية أضيع أنا وأشرب المقلب لكن الله يخارجنا هههههههههههههههههههههههههههههههه

وش رايكم لو تستمر محاوره....

يا اثنين ما ادري وش الي بينكم خافي
الجو ماهو.. بمزبوطٍ.. ولا صافي
يالله تكفينا من ذا الحال.. يا كافي
يا ليل يا عين....
==============
اقبل العذر يالصاحب وخلك رقيق
المشاعر تراها مثل طل ونديد
نرمي العلم للشاعر ويرمي لنا
واما حنا وقوف ما انهزم حيلنا
البحر هاج واحذر يا ربان السفينه
يا حليل الذي طامربه...ويبحره

الشاعر الجزل الشيباني أشكرك وصح لسانك وبالنسبة للمحاورة فأتمنى تعذرني ليس لشيء ويشهد الله ولكن لظروف يعلمها بعض الزملاء أمثال أبو ريان وصالح آل سلمان وكذلك وقتي ضيق أتمنى قبول عذري ولك التقدير.

معذور يالغالي ولا فيها شي.........
كان القصد هو مجاراة شاعر كبير مثلك .......
لكن فدا ..........
تحياتي

المشاركة الأصلية كتبت بواسطة الشيباني

معذور يالغالي ولا فيها شي.........
كان القصد هو مجاراة شاعر كبير مثلك .......
لكن فدا ..........
تحياتي

الله يرفع قدرك ويطول بعمرك وتراني إن جاز التعبير شويعر على قد حالي لا أقل ولا أكثر أشكرك من كل قلبي.