|
|
|
#1
10-18-2002, 05:14 PM
|
||||||||
|
||||||||
قصة دلع
:D
صرات القصة قبل سنتين تقريباّ جدتي مازالت قويه يعطيها العافية وتحب تخبز على الحطب جاء يوم من الايام وقالت لنا وش رايكم اليوم اسوي لكم خبز على الصاج رقش مع الشاي في الليل طبعاّ ومع ريح البرك والريحان ومع الجو العليل قلتلها انا رايحه اساعدك واجرب إذا كنت اعرف اخبز على الصاج ولا رايحه الحقها خبزت التنور الاهل كلهم في الحوش سمارين ومع صوت البزران والسوالف والضحك شايله الصاج بأمن الله بحطه على الارض انقلب الاهو على اصبعي واصرخ صرخه لدرجه سمعونا الجيران مش من بعد البيوت جو عيال العم وجو اخواني وعيال الخوال طبعاّ تخيلو شكلي الدموع اربع اربع وشحاطه في رجلي والثانيه مدري وين راحت لبسوني العبايه مقلوبه صلحولي البرقع اعوج طبعاّ الشعر مبين وفوق اللعوزه هذي السياره زحمه خمسة انفار ورى وواحد معايه قدام مع المصاب وصلنا المستشفى طبعاّ الشعب دخلو المستشفى قبل المصاب جابولي سيارة على قولت المصري حولان حتى في الكلام المهم كشفو على هالاصبع سولي إشاعة طبعاّ كتبو الوالد تعهد انه ماحد صدمني ولا ضربني (ماعاد ناقص الاهي) رحنا جهت الصيدلي نصرف الفيفادول طبعاّ ماعندنا الا هو لكل الامراض الى فيه واحد من اخر الممر بصوت عالي سليمه مافيهاش حاجه طبعاّ جاء على بالي انه وحده اسمها سليمه ....طلعت اصبعي سليمه طبعاّ مابقى احد في المستشفى ماسمع خبر سلامة اصبعي والكل يطالع عند رجلي زي ماقلتلكم رجل بشحاطه ورجل بدون طلعنا السياره وبدت الزحمة مره ثانية وصلنا بسلام الى بيت الجده لقينا مجمعه الشعب السعودي عشان اصبعي يتحمدولي بالسلامه اصبع مو لعبة جاء الفجر البعض نايم والاخر يحش في هالاصبع والجده تفتح لغنمها عشان ترعى انا طبعاّ اكره الخروفات كثثثثثثثثثثثثثثثثثثثثير تمنيت يوم الطيحه اني اسرح بالغنم الجدة طبعاّ حاجزه خروف عشان سلامة اصبعي على الغداء وعازمه الجيران والاهل .... الاولاد حقدو عليه خرووووووووووووف عشان اصبع وهذي قصة اصبعي بعيد عنكم ومعليش الكلام بالعامي اختكم المصابه دلع  
|
|
10-18-2002, 07:04 PM
|
#2 | |
|
الحمد لله على السلامة 000
اشوا ان جدتي ما درت ولا كانت عنتنا الى عندكم :D المهم الخروف بقي منه شي ولا التهموه الجماعة واكيد بعد الأكل ماقالوا كثر الله خيرك ياجدة دلع :D اكيد قالوا يا لله في كسر اصبع ثانية 
|
|
|
|
|
10-18-2002, 07:13 PM
|
#3 | |
|
اهلين اخوي علي الله يسلمك جت سليمه الحمد لله بس انقشع الظفر من مكانه
وجلست شهرين بدون ظفر اما الجماعة فقالو كثر الله خيرك يام عبدالرحمن بس كيف قلتو وعسى ماريها انسان يوم انفلت ذيه على رابها حلووووووووووووووه رابها يعطيك العافية على مرورك اخوي اختكم دلع |
|
|
التعديل الأخير تم بواسطة دلع ; 10-18-2002 الساعة 11:37 PM
|
|
10-19-2002, 02:49 AM
|
#5 | |
|
عين على بني عمرو
|
هلا وغلا
دلع وخارجه من الشر وانا ماهمني والله الا العمليه السبب في ذا كله ما اكتملت اللي هي خبزه الصاج بس نصيحه لاعاد تروحين لجدتك عند الصاج ولا تروحين(( بالخروووفات)) للأنه يمكن تنطحك وتكسر رقبتك مو تقص اصبعك بس ملاحضه غنم جدتها كلها نعاج والدليل خروفات تأنيث خروف المسكتa) |
|
|
|
|
10-19-2002, 03:26 AM
|
#6 | |
|
اهلين اخوي ساهر الليل ومشكور ويعطيك العافيه على مرورك
حياك الله اخوي المسكت وابشرك حولنا من صاج الحطب الى صاج الفرن(تيفال) اما الخروفات فهي يابتكون خرفان او بتكون نعوج ................... ومشكور على مرورك اختكم دلع :D :D
|
|
|
|
|
10-19-2002, 02:04 PM
|
#7 | |
 
|
شكرا اخت دلع والحمد لله على سلامة اصبعك
اقول يومها مسوين زحمه ورجه (بس اي مستشفى هههههههه) حلوه شحاطه ووحده بدون اقول سويت حادث وما عيد لي ابوي انا الي شكلي بحقد عليك من جد اصبع وسليمه وذبيحه شئ طيب المره الجايه الله لايقدر( وبعيد الشر عنك وعن جميع الاعضاء كلهم ) لو طيحتي كم رح تذبحين ههههههههههههههههههههههههههههه . اقول جدتك لوقلت لها اني صدمت وش بتسوي بتذبح لي ولا بتخليني ارعى الغنم هههههههههههههههههههههههههههههههههههههههههه :D  :D
|
|
يكفيك ان شفتها من غير ميعاد ***** يكفيك شمك من بعيد لعطرها
|
|
10-19-2002, 03:14 PM
|
#8 | |
|
غير مسجل
|
الف الحمد لله على السلامه
والعتب على النظر .. او مره اشوف الموضوع . المفروض انا الو المهنين ... ولكن اولا واخيراً الف الحمد لله على السلامه اعط الخبز خبازه دلوعه .. تحياتي المليحي |
|
|
|
|
10-19-2002, 04:19 PM
|
#9 | |
|
اهلين اخوي المهلهل ويعطيك العافية على مرورك ليش ما استاهل ذبيحة لسلامة اصبعي هذي اصبع مش لعبه وبعدين يحقلي بما اني دلوعة العايله ومافيه وحده ثانيه تنافسني على المنصب لامن شرق ولا من غرب والحمد لله على السلامة من الحادث وشكلها جت بسيطة عشان كذا ما ذبحلك ابوك بالنسبه ليه مادور على اصبعي الاجدتي وذبحتلي ويوم قلطة العايله قالتلهم (هيا تفضلو على الغداء بمناسبة سلامة ...... الاسم الي تدلعني اياه جدتي ودي انها تخليني بلا دلع:D
) ومشكور على مرورك حياك الله اخوي المليحي والله يسلمك .... اماسالفة الخبز فانا وحده احب اجرب مواهبي .....لين يزبط معي الي في راسي يعني وحده تمشي الي في راسها ....واشكرك على مرورك اخوي المليحي اختكم دلع
|
|
|
|
|
10-19-2002, 11:25 PM
|
#10 | |
|
هاهاهاهاهاهاهاهاهاهاهاهاهاهاها
اقول عسى الصاج سلم لجدتك يعني ما كفى كسرتي الصاج ( الميرفه) ولحقـتي بـ خااااااااااااااروف . الحمد لله على السلامه ، وما تشوفين شر. |
|
|
|
|
10-20-2002, 12:25 AM
|
#12 | |
|
هلا وغلا دلع .
بالنسبة لسؤالك عن ( الميرفه ) هذا إسم الدلع للصاج :D وإذا ما عرفتي المعنى يمكنك الإتصال بصديق : طبعاً راح تكون جدتك . يالله لاتفوتي الفرصه ،،، .....والله معك ..... |
|
|
|
|
10-20-2002, 06:19 PM
|
#14 | |
|
اهلين اخوي سعيد وحياك الله
مشكور على مرورك ويعطيك العافيه اما لو كنا ساكنين في الديرة كان الحين في خبر كان وربك ستر في الشرقية كمان مانسلم يعني على البحر لابد مايكون هناك احد عيال الشرقية زارعله غرجة كوكا على الساحل وكم من رجل انجرحت طبعاّ مش انا الحمد لله انا مواقفي دايماّ في البر يعني مره كنت انا وفاذر نلعب طقه وهو يلحقني انغرز مسمار في رجلي والمشكلة كان قدامي مغروز في لوح بس العتب على النظر عيون ما منها فايد في بعض الاحيان والله يسلمكم انشاء الله من الحول هذا (طبعاّ كلي مواقف على بعضي) اختكم دلع |
|
|
|
|
10-20-2002, 09:09 PM
|
#15 | |
|
عين على بني عمرو
|
هلا وغلا
دلوعه والله انا اشوف ان حياتك كلها مأسي ثاني مره لاشفتي المطب هدي السرعه شوي ولا ما تابعين برنامج (( سلامتك سلامتك نود لك سلامتك)) الله يحفضك اخوكم المسكت |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور