محاوره ابراهيم الشيخي+ناصرالأحمري

ابراهيم

ناصر الاحمري مشغل قلوب العبادي=عقب ماوجه الرميه لشيخ العشيره

ماحكمنا عليه الا بحبس انفرادي=مثل(علوني)اللي في قناة الجزيره


ناصر

قبل زود الكلام اسمع ترى الجو هادي
والكبيره كبيره والصغيره صغيره

ماظلمنا هل الشاشات واهل الروادي
وانت فكر في احكامك تراها خطيره


ابراهيم

ليتك ابعدت مابين الصقر والحنادي=مير من عادتك ترمي بليّا ذخيره

مابناخذ عن الموضوع موقف حيادي=ما لعوج الرقاب الا السيوف الشطيره


ناصر

هيه يامحمد الصحاف وين انت غادي
البلا في القياده والبلا في الحظيره

ماقدحته قدحته ياولد من زنادي
يوم غيري بوقت الوقع سلّف بعيره

ابراهيم

انت مالك ومال الناس يامن تنادي=لاتلقّف وترجع فوق راسك مغيره

لاتصبّح بوادي ثم تمسي بوادي=لين تاخذ من اللي درّسك حسن سيره


ناصر
مابقى الا تخاشرني بشربي وزادي
لا تحامي عن اللي صوبنا شب كيره

ابن عامر سبيعي كان جار المهادي
استفد من تجاربنا تراها كثيره


ابراهيم

كل ماصاح صايح قلت حان الجهادي=مير اظنك ضرير العين واعمى البصيره

كلنا شعب واحد في ربوع البلادي=مير وش علم بن برمان :ماطار طيره

ناصر


مارجيت العطا من قاصرين الايادي
نحمد الله كسبت الطيب في كل ديره

لكن ابو خليل المنصري ويش فادي
لايقرّب حيود ولا يقود المسيره


ابراهيم
=""]
انت عندك طموح تنال منصب قيادي=مير فاتت عليك الاوله والاخيره

عقب ماجتني الدنيا بما في مرادي=خاب ثم خاب من طاع النفوس الشريره


ناصر
المسامه لكم وانا خذيت الشدادي
قسمة اخوان لاتزعل ويدّك قصيره

الدوادي لها ناسٍ تحوك الدوادي
والزكاة طلعت لهل النفوس الفقيره


ابراهيم

مالمثلك حسوفه يابعير العرادي=مايساوي في الميزان حبة مضيره

عندنا خير ياصحاب الزكي والفوادي=والزكي للذي مايملك الاحصيره

ناصر

عندكم خير بس الجمر بعده رمادي
تعرف الورد لكن ماعرفت لعبيره

رحت والا غديت الامر يارجل عادي
قاضي المحكمه يحكم ولاهو وزيره

كلك ذوق،،،،،،

ابراهيم الشيخي مبدع 0
ناصر الاحمري مبدع 0 ولا يستهان به 0
(((( شكرا لك على انتقاء هذه المحاوره)))

يعطيك العافية يآ الغالبي على الطرح وونعم والله في كلآ الشآعرين .,’

نسيم الذوق والروعة في مرورك

تحياااتي لك

ابوكمال مرورك الأبداع يالغالي

تحيااتي لك

الجنرال يعافيك ربي يالغالي

ولاعليك زود وتحياااتي لك