من بادي الوقت

من بادي الوقت هذا طبع الأيامي *** عذبات الأيام ما تمدي لياليها

حلوّ الليالي توارى مثل الأحلامي *** مخطور عني عجاج الوقت يخفيها

أسري مع الهاجس اللي ما بعد نامي *** وأصور الماضي لنفسي وأسليها

أخالف العمر أراجع سالف أعوامي *** وأنوِخ ركاب فكري عند داعيها

تدفى على جال ضوّه بارد عظامي *** والما يسوق بمعاليقي و يرويها

إلا صفى لك زمانك عل يا ضامي *** إشرب قبل لا يحوس الطين صافيها

الوقت لو زان لك ياصاح ما دامي *** يا سرع ما تعترض دربك بلاويها

حتى وليفك ولو هيَّم بك هيامي *** سيّور الأيام تجنح به عواديها
صح لسانك يا خالد الفيصل قصيدة روعة ومشاعر غالية د_زكريا

سلملي عليه لو بعد ريته

صح لسانك يا خالد الفيصل قصيدة روعة ومشاعر غالية

تراني شفته اليوم الصبح وقال لي سلملي على ريانة العود بعد ما خلصت العمليات بعيد عنك عملية فتح دماغ د_زكريا طبيب دماغ وأعصاب

كل الاحترام والتقدير لك يا سفير ولكل من يقدر الكلمة الجميلة والمشاعر النبيلة التي لا تغضب وجه الله د_زكريا