عوائل .... عوائل ...... كلمات تزعج الشاب كثيرا

ممنوع

عوائل فقط ..............

اينما تذهب لتريد ان تشتري شيئا او حتى تروح عن نفسك في المنتجعات او الاسواق والمراكز الكبيرة تقفل الابواب في وجهك عندما تشاهد حراس الامن هنا وهناك ..... فتضطر الى ان تعمل اي شئ لكي تدخل الى هذا المكان اما انك تشوف عائلة وتدخل معهم لكن هذا الوضع سئ للغايه .....

وجود هيئة الامر بالمعروف شئ جيد وكافي اذا لماذا نمنع نحن الشباب من الدخول لهذه الاماكن اذا كان قصدهم بسبب مايحصل من الشباب فأنه سيحصل حتى ولو كان المكان جحرا ...

ياليت يحلون هذا الوضع ويكون الدخول مفتوح وايضا هذه ىالاماكن ليست حكرا على احد

مانع
ثق تماماً لو ان الكثير يمتلك مايؤهله الى مثل تلك الاماكن وزيارتها لما كُتبت مثل تلك اليافطات او التوجيهات
وبما أننا نمتلك الحريه الكامله فلندع مثل تلك الاماكن لهم حفاضاً عليهم
إلا أنها وللاسف لاتُطبق على الوجه المطلوب

شكراً لك ولاهنت
اخووك

الأخ مانع ..

يعطيك العافيه على مواضيعك الجذابه ...

عوائل ... عوائل ... عوائل .....

بيني وبينك أحنا يالشباب ... والله ما نضيع وين نروح لو تبي تحت الارض والا على المريخ ...

ما عندنا مشكله في شي ...

لكن هل نتبع كل ممنوع مرغوب ؟؟؟

حتى لو مالنا مصلحه في ذا المكان المخصص للعوائل ...

خصصوه للعوائل سواء المتنزهات أو الاسواق حفاضا على خصوصياتهم ..ومراعاة لهم ..

أنا أو أنت ... لو رحنا منتزه بأهلنا ... وكله شباب يعني مفتوح المجال للشباب ...

بتأخذ راحتك انت وأهلك ..؟؟؟

مستحيل ...

عشان كذا قالوا : عوائل ... عوائل ... عوائل ..

وزي ما فيه أماكن ما يقدرون يروحون لها العوائل _ الثمامه مثلا _ ... والمشاكل اللي فيها أحيانا من بعض الشباب ..


فيه أماكن ممنوع الاقتراب يا شباب ..


وهذا من مصلحتنا ... حتى لو زعلنا وتضجرنا وقلنا ليه ....


تقبل تحياتي ...


صقر صدريد ..

أخووووي مــــأنع 2006
أولا اشكرك جدا جزيل الشكر على هذا الموضوع
ثانيا::: معك حق في كل الكلام اللي قلته والله ازعجونا وسروا علينا .. كل مانبي ندخل مكان قالوا عوائل عوائل ...
ليه وش السبب... بعدين اذا كانوا يقولون عوائل .. ليه اذا جو بنات لحالهم يدخلونهم ....
هل يعني معنى كلمة عائله بنات؟؟؟
وين العدل .. والله ظلم ....
مادري وين يبونا نروح واذا قمنا نفر ذبحونا بالقسايم ...
عشان هذا السبب يبدأ الشاب من وجهة نظري بالانحرافات ويبدأ يفكر كيف يستطيع الدخول لمثل هذي الأماكن...
ويتجه الى المعاكسات..والاشياء هذي عشان يدخل ولا حد يفتح فمه..والله شي يقهر ..
لكن التخلف له دور في هذا الشي...
ولايمكن القول ان هذا الفعل هو من باب الدين...
لكن التخلف هو السبب ...
تحياتي

ردودكم محيره بين مؤيد ومعارض


لكن اقول الجد والصدق انها مجرد كلام حكاية ممنوع الدخول يعني يوقف الصداق على الباب ويقعد يترجا الامن ويشرح ويبرر واللي وده بالغلط قد دخل من زمان ولهم طرقهم
ويعرفون كيف يحتالون
ويمنعونهم علشان العوايل ياخذون راحتهم ؟ طيب اللي داخل مع عايلته وقد تواعد مع كم نفر من اصحابه دخلوا مع عايلاتهم وتركوا العوايل وهم تجمعوا وسووا اللي يبغون

بما ان فيه رجال يدخلون مع الحريم فالمفروض انهم يسمحون للكل ويكثفون الرقابه من رجال الامن والهيئه واللي يقل ادبه يمسكونه الباب سواء ولد والا بنت

اما ممنوع على ناس وناس لا فمالها داعي لان قليل الحيا بيكون قليل حيا بوجود اهله والا بغيابهم .