محاوره لمن يريد الرد

مساكم الله بالخير

أستلموا يالذيابه


سلام الله على ربعي رجال الطيب والناموس
بني عمرو الهول يوم الملاقا نارهم حيـــــه

وصلت المنتدى شاعر ومنهو الشاعر المنحوس
يقابلني ويبشربي معاكم صافي النيــــــــــه


؛؛

أبشر بالسعد يا أزرق العود . والله يسعد ليالينا جميعاً 0

هلا يا مرحبا بك بين ربع لك نظاف نفوس = إذا جاهم نظيف القصد قالوا مرحبا حيه
تشابهم سيوف وإن بدأ الصايح تبيد الرؤس = وأنا منهم ولكن زايد في الرآس جنيه

صح لسانك يبو عزيز

إستلم لا هنت

يدوم إلك البقى يا شاعرٍ وده بقلع ضروس
ولكن يا عميل الخير ما عندك صلاحيـــــــه

شويعر قابله شاعر وشاعر قابله ملحوس
ونعرف نمسك المجنــون ونرده على غيه

هلا ومرحبا بازرق العود

وصح لسانك

والشكر موصول لنجمنا وأستاذنا الكبير أبو محمد

غرمان بن عزيز

وعساكم عالقوه متابعين لكم

الله يسلمك يا أزرق العود ومرحبا بك وأخيراً لقيت واحد يسلينا في هذا القسم الطيب بذكره 0
الله يسلمك ويديمك يا شهيد الحب وعساك تبقى وفالك الطيب 0

عزيز وغاليٍ وأسمك يناسب غالي الملبوس = وعندي يا عزيز القدر مقطوفات شعريه
أنا شاعر ولي خبره على الصخري مع المنكوس = ولاني عجزٍ عن وزن بيتين وقافيه

صح لسان ا ابو محمد وأستلم لاهنت

الغالي شهيد الحب أشكر لك مداخلتك


حصوني ما درت يا صاحبي عن وخزة الدبوس
وأنا شاعر ولي بالعلم تصريحات رسميه

علام الذيب له فتره وهو يمشي معاه تيوس
تنكس حاله المسكين في الروحه وفي الجيه


<>

أزرق العود

كشفت الفكرة اللي شكلها قوس مقابل قوس = وفي المضمون معروفه كتابتها أنجليزية
وذاك الذيب يالصاحب تراه اللي بلع له موس = وضاعت هقوته وتخالطت هذي مع ذيه

علامك يا ولد عمي يدور فبالك الهاجـوس
ونا الي منتقي لك سمان الضان بيديــــه

وتطعني بسكين الغدر وبسمك المدسوس
وسيفي فوق سكينك ولا حن أبسواسيـه

تريث يا وسيع المعرفة لا تطفئ الفانوس = ترى الفانوس بين يديك وأحذر ينطفئ ضيه
ولا تظلم خبير من العرب ما يحمس المحموس = ومقداري ومقدارك رفيع وفيه ماريه

علوم جاتني يا خوك خلت خافقي ملبوس
ولا ادري كيف صحتها ولو كانت حياويه

بوسط الملعبه شافوك جالس معاك جلوس
وفي ذالمنتدى شاعر ولك صوت وشعبيه


<>

أزرق العــــــود

أشهد لله أنها محاورة جديرة بالأهتمام والمتابعة وكلام فوق العادة
أشكر الشاعران على هذه التحف الشعرية الرائعة .. واصلوا وكلنا أذان صاغية
أزرق العود ... غرمان بن عزيز .. فالكم البيض

سلمت يا فصل الخطاب على هذا المرور الطيب من شاعر طيب 0

ترى اللي جاب لك الأخبار شكله واحدٍ دنفوس = يغير واقع الشاعر بمعلومات وهميه
ولو تسأل عنه يا صاحبي تلقاه من الهندوس = غريب الشكل والتفكير واللهجة يمانيه

ترى ما يثبت الشاعر كود الواقع الملـموس
تشوف بعينك الساحه ونا ما شفت بعنيــه

غريبٍ ساكن بديره من امريكا لدار الــروس
ولكن قلبي المهيوم ساكن في السعوديـه

فصل الخطاب

أشكر لك هذا الإطراء وإن شاء الله نكون عند حسن الظن

والشكر موصول للنجم الكبير غرمان بن عزيز

بس وين الجماهير ما اشوف احد شاركنا


<>

أزرق العود

أنا شعري شهاداتي وعندي واقعٍ محسوس = ولكن في البشر تلقى لي أصحاب ومعاديه
ولا لك غير دارك والسعوديه بلد محروس = حرسها الله من فضله وتبقى دار محميه

لا زلت أقول محاورة كبيره
وشاعرين قديرين وسوف تميل الكفه لأحدهما
ونحن متابعين