معـــاني اسماء البنات حسب علم النفس!!!

السلام عليكم
يالله كل وحده تدور على اسمها
وعلى فكرة الصفات بعضها مكررة والعتب على هالعالم مش انا


ابتسام : رزينه .. و ثقيله .. و خدومه .. بس عقدتها انها شينه.

أمل : طيبة قلب .. و تفكر ألف مره قبل ماتقرر بشي.

أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.

أسماء : هاديه و علطول ساكته .. و مخلصه .. بس غامضه.

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

بدور : مثل اسمها حلوه و مزيونه و خجوله .. بس ياويلك منها اذا سويت فيها شي.

بشرى : تحب تثبت نفسها .. ذكيه .. تحب الناس .. غامضه .

بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .

بسمه (عرفتوها) : انسانه ذكيه..ودمها خفيف.. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..

تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.

تغريد: طيبه و محبوبه من الجميع .. بس فيها عرق سوداني .. يعني عجازه.

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

حصه : قوية شخصيه .. محبوبه .. بس للأسف مالها حظ .. دايم مقروده.

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه,دانا : أهلها يموتون فيها .. دلوعه .. و حلوه ولسانها طويل تعلقه على كتفها..

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..



رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

رانيا : دلوعه .. ويعتمد عليها .. بس مشكلتها انها ثقيلة دم..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى (ممثله) : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن: حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

منال : هاديه .. و حلوه . ودلوعه .. وواثقه من نفسها .. بس انها مغروره .

مريم : طيبه و على نياتها .. عاطفيه .. و مندفعه .. تحب الحش.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره ,نورا: شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش .
مها : شخصيه قويه .. محبوبه .. و تحب الناس .. مطيعه .. و عنيده.

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

وفاء : شاطره و ذكيه .. بس ياويل اللي هي تحط عينها عليه.

ياسمين : قلبها طيب .. خدومه .. مزيونه .. لكنها متهوره.

يسرى (ممثله) : شخصيه قويه .. تحب تثبت ذاتها .. و تحب المظاهر...



منقول
اتمنى انه يعجبكم

حلو نقلك الله يسعدك
بس غلا...ي ماله معنى في علم النفس !!!!!!!!!

ويسعد ايامك يارب

بس اعتقد ان غلا...ي اسم مستعار والا؟

كله من علم النفس

اعتقد ان مثل هذه المعاني للأسماء
مجرد خزعبلات لا علاقة لها بالواقع
ويقدر اي شخص يقيس على هذه
الأسماء مع من حوله.


يعني عند الزواج مثلا الواحد يختار الشريك المناسب
عن طريق الاسم؟

والله اذا كذا فيه اسماء معينه بتصير مرغوبة اكثر لصفات
اسمها , وكل الناس تسمي عليها!!!!

وفيه اسماء ياعيني مافيه احد بيقرب عليهم
وبيطفشون اهاليهم!!!!

اسم ( أسماء ) مثلا صفاتها هادئه وعلى طول ساكته حسب علم النفس
عندنا وحده اسمها اسماء وصياحها يسمعونه من آخر الحارة؟؟؟

الله يمنعنا من علم النفس

كله علم نفس مثل ماقلت بس والله بعضها صحيحه ومو كل الصفات لازم تكون موجوده في الشخص

وبعدين يقولون لك لكل من اسمه نصيب يعني انه الاسامي فعلا لها معاني وصفات

بس الظاهر معنى اسمك ماعجبك او الاسم الي كنت تحبه خيب املك

تحياتي

صدقتي اختي اتوقع ان هذا الموضوع صحيح شكرا على النقل

هلا فيك اسيرة الفرح وهو تقريبا صحيح فيه اشياء كثيره منه واقعيه وانتي جربي وقيسيه على الي تعرفينهم

تحياتي لك

جربته على نفسي وضبط

الموضوع صحيح 100%
وكله من علم النفس

تقولين بعضها صحيحه مو كلها
طيب اللي صحيح مثلا نوف كل اللي
اسمهم نوف او معضمهم لهم نفس الصفات
مستحيل

الاسامي فعلا لها معاني وصفات
كيف تصير اسماء اذا مالها معنى
بس بدون علم نفس


مها : مطيعه وعنيده بالله كيف ؟فهموني!
كله من علم النفس

مستعار أوكيه بس دوري له معنى
ياناس خلونا ندخل في علم النفس ذا شوي
كل موضوع والثاني ماهو صحيح هذا فيه وذاك جاب لنا

فالك طيب

دانه,دانا : أهلها يموتون فيها .. دلوعه .. و حلوه ولسانها طويل تعلقه على كتفها

اسمي المستعار الدانه اشوا انه ماهو اسمي الحقيقي

اسمي ماهو موجود شكله سقط سهوا والا لانه غير متداول بكثره ؟

اهلين وسهلين
الي مالقى اسمه يعذرني والي يبي يعرف معنى اسمه من عيوني ادور ولو حصلتها ماتغلى عليكم والي مو مصدق او ماعجبته بعض المعاني لايعاتبني مو انا الي كتبها هذولا علماء وناس فاهمين ومايكتبون ولا يجيبون شي من فراغ واذا ماصدقت مع الناس الي تعرفهم فهي صدقت مع كثييييييييير غيرهم وانا وحده منهم واسيرة الفرح وحده منهم ومطيعه وعنيده الي سألت كيف تجي لا تجي عادي لانه مو معنى عنيده انها ماتطيع بس عنيده في ارائها في افكارها في قراراتها بس لو طلب منها شي وقتها تكون مطيعه

وجهة نظر وانت بعد كان لك وجهة نظر والكل له وجهة نظر بس في الاخير اختلاف الرأي لايفسد للود قضيه

وتحياااتي

يعطيك العافيه..
مجهود أكثر من رائع..

هلا فيك صبي ال صدريد ومشكور على مرورك

انا احتج ليه ما وجدت اسم بنتي الامورة

ابحثيلي عنه


ربـــــــــــى