موقف طريف ومضحك .... شاركونا

طبعاً معروف عني اني انسان مهمها اسكن في منطقه ما أعرف وصفها وانسى خطوطها

المهم

سافرت من الرياض الى بلاد بني عمرو عن طريق السياره لقضاء الاجازه ( بالوصف )
بعد ما شديت العفش وانا راجع لوحدي من الطائف الى الرياض ( بالوصف ) اسرع ولاكن بحضر خوف من القسايم والله سلمني منها وانا عند الجسر المعلق دق علي اخوي كان عارف اني اجهل الخطوط .

قالي : وين وصلت ؟
قلت : عند الجسر المعلق .
قال : الحمدله على السلامه وصلت الرياض ؟
قلت : قلت عرفت اني وصلت من الجسر .
قال: اجل امش سيده الين تشوف الفيصليه والمملكه على يدك اليمين بعدها تدل .
قلت : طبعا ابي اروح الروضه مشيت سيده الين شفت الفيصليه والمملكه عرفت اني ذيبان دليت البيت والضاهر مع مسكت الخط مادريت عن نفسي الا وانوار الرياض اختفت والمباني راحت والشارع مظلم واناظر اللوحه قدامي مكتوب ( شقراء ) قلت والله الدليله وادور اقرب مخرج مالقيت الا بعد مامسحت الخط ديورت ورجعت واتلها الا قدامي نقطة تفتيش وقفوني
قالوا: عندك سرعه .
قلت : والله محافظ على السرعه من الطايف الين هنا يوم وصلت تبون تعطوني قسيمه ؟
قالوا : انت من وين جاي ؟
قلت : من الطايف .
قالوا : واللي يجي من الطايف يجي من شقراء .
قلت لهم السالفه قعدوا يضحكون وخلوني اروح .
دق علي اخوي .
قال: وشفيك تأخرت والله لونك تشيك على مناطق المملكه .
قلت : توني مشيك على شقراء . قام يضحك علي .

ووصلت البيت والحمدلله ( بالوصف )


تقبلوا تحياتي ..... نريد مواقفكم اعزائي .

ــــــــــــــــــــــــــــــــــــــــــــــــــ ــــــ
انتظر التنفيذ ياصدام

ههههههههههههههههههههههههههههههههه

حلوة أخوي توني مشيك على شقرااااااااااااااااااااء

تسلم أخوي شانق صدام وفيه موقف لكن بكتبه شوي بعدين


تحياتي وتقديري لك


أخووووووووووك العاااااااااااقل

شكراً اخوي العاقل
وننتظر موقفك

الله يعطيك العافيه

من غير ما اشرح بالتفصيل

من جده إلى أبها...12 ساعه ومع الساحل

اذكر....و إحنا طالعين من العقبه حقت ابها .....تفاجئت ولوحدى
بقبب فى راس العقبه تابعه لفندق فى الباحه

كنا نوقف نعبى بنزين و نشترى خرابيط....بس
والباقى دعس.


...حركنا من جده بعد صلاة الفجر مباشره
و صلينا الظهر مع العصر فى مسجد صدريد...(وقت العصر)

ووصلنا ابها بعد ما غربت....وإلى معى تنفخوا و تكسؤت ظهورهم<<<<كنت ابى اقول تكسرت
بس هذى ابلغ>>>


كانت هذى الرحله فى 1995 ...معايه واحد غامدى و جيزانى وحضرى
كلهم ونعم...وكل واحد منهم شاف ديرته بعينه المجرده......على طريق ابها.!!

يعطيك العافيه على المشاركه

( 12 ) ساعه والله لونكم دواسر شادينها ووالله اللي قعدوبها اللي معك

شكلم بيتوبون الركوب معك مره ثانيه

ههههههههههههههههههههههههههه

ههههههههههه شانق صدام هلا فيك
انا اقلك قبل كم سنة بالرياض كنت مع شباب
بشقة في صلاح الدين وطالعين يلعبون كورة
مدري وين ...
المهم واحد قال باروح اسكان الوزارات اخذ ملابسي
الرياضية واثره ما يدل شي
المهم حرك قال والله ان تروح معي قلت تم وكانت
الساعة 8 مساء
حركنا المكان قريب تقاطع الملك عبد العزيز ورحنا
عشر دقايق وهو ماخذ ملابسة
وحنا راجعين مدرين كيف دخل من تحت جسر المهم
ضاع صلاح الدين
اقله يابو صقر ليموزين ونريح اعمارنا ...قال والله
ما ناخذ خلنا نتعلم
وعلى ذا الحال ونعبي بنزين وامش وعبي وامش
وعبي وامش ..
قسم بالله ما وصلنا الا الساعة 3 فجرا بليموزين وقد
ناموا الشباب

الطريف انها قابلتنا ورب الكعبه لوحة مكتوب عليها
الرياض 26 كيلو او قريب منها ...........تحياتي

هههههههههههههههههههههههههههههههههه

يعطيك العافيه عذب السجايا والله موقف حلوا

شكلكم سيرتوا على الخرج

وخويك هذا نصيحه اسحب عليه هههههههههه

شانق صدام

اضحك الله سنك

والله اني ضحك من قلبي

على موقفك و ردودك على الاخوان

عندي قصة لاحد الاخوان

الرجال كان جاي من مكة وكانت ذيك الايام قبل الحج بفترة وجيزة جداً المهم ان الرجال يسمع من الناس ان طريق السيل افضل من طريق الهدى المهم الرجال ناوي يروح الرياض وناوي يجي عن طريق السيل الكبير لكن مع اللخبطة والدوخة ما درى الا وهو في عقبة الهدى قال كويس نكمل طريقنا للرياض طلع الرجال من الطايف متجه للرياض وهو في طريقه طالع من الطايف وجد لوحة مكتوب عليها السيل الكبير والظاهر انها باقي ماسكه معه خش طريق السيل ودخل في زحمة الحجاج ولا درى الا وهو في السيل الكبير ونيته كانت للرياض

لكن المسكة عيت

والسلام ختام

رفيـــــــــع الشــــــــــــــــان

واللــــــــــه المستــــــــــعان

هههههههههههههههههههههههه

والله ضحكت من يوم ما سمعت الساله

وخويك شكله خوي عذب السجايا

ويعطيك العافيه

ــــــــــــــــــــــــــــــــــــــــــــــــــ ـــــــــــــــــ

انتظر التنفيذ ياصدام