|
|
|
#1
03-02-2003, 12:59 AM
|
||||||||
|
||||||||
دلع لولد عمها
دلع لولد عمها ........
السلام عليكم جالس في المجلس اتقهوى مع عمي وماعندي من الشيطان طاري قال عمي : منتهي كم لك ساكن عندي في البيت ماكل شارب نايم بلاش قلت : ليش انا ولد اخوك شعرة في لحيتك ياعمي قال : لا.. هين.. الشعرة ذي بانتفها ان ماسمعت كلامي هالحين اسمع ياقوبائي بناتي الثنتين دلع وهيله كبار هالحين والبنات اللي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي دلع يالله افرح ياقوبائي قلت : وش افرح دلع توها ظاهرتن من شهار ياجودها ان جلست شهرين عندنا في البيت ثمن ترد المستشفى دلع خبله ياعمي وفوق ذا شينه والله مافيها من الزين غير اسمها اصبر ياعمي الصبر زين وانشاءالله يجي خبل ويعرس على بنتك وترى ياعمي اسم دلع حركه تمويه وبيجيب لك زباين وان كانك تبيني افرح زوجني هيله ياعمي ايه هيله اغدي قهوه انا عاد انا من الوناسه نسيت عمري وانبطح على الأرض متشقق ماوعيت الا بطوفرية القهوة تلعب على غاربي قال: قم بس لاتبطح عندي ماعندي خبل الا انت بياخذ دلع اسمع عاد دلع انا باحل فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من دلع قلت : كيف اعرس وانا ماعندي فلوس اجيب مهر ولاعندي بيت ولا سياره كابرس ؟ قال : حكم الزير على الخنزير وانا عمك مهر دلع ريال واحد والبيت باسكنك عندي الدور الثاني فاضي وابشر بالسياره وبالخير والعرس خلاص الأسبوع الجاي وعرسنا تراه سكتم بكتم قلت : ياعمي هذي اول مره انا اعرس ماعندي خبره ويوم جيت اعرس اخذ خبله قال : لاتخاف دلع عندها خبره قد اعرست على ثلاثة رجاجيل قبلك بس انت خذ اجازه من شغلك واطلع من المجلس وادرعم على العمل ابي استأذن من المدير استعد للعرس وعرفت من سكرتير المدير ان مديرنا غايب له يومين امه متوفيه لاحول ولا قوة الا بالله وش ذا الفال الشين هذا من اوله وادرعم لبيت المدير وادخل عليه في المجلس والقى المدير مع ابوه وقبل ماعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب وهو اللي يطمر ابو المدير من مكانه ويقول : بعدي والله يالسنافي اشهد انك رجال وهو اللي ينبص خشمه وانا اللي احبه ويجلسني جنبه قلت للمدير : انا جايك ابي اجازه شهر ابعرس الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم قال ابو المدير : رح ياولدي قوبائي لك بدل الشهر شهرين وهو اللي ينبص خشمه فوق وانا القطه واحبه واجي طالع الا ابو المدير يناديني وهو اللي ينبص خشمه يبيني احبه ( مادري انا اتفل عليه ابلشني هو مع خشمه ) المراد تزوجت دلع ودخلنا بيتنا الجديد عش الزوجيه وادخل الغرفه واطفي اللمبه واقرب جنب دلع وانا اقول دلع شوفي ساعتي تراها ماتولع في الليل ماعويت الا بالأبجوره نازله على جبهتي شفت اللي يولع من جد نور احمر مافتحت الا وانا في المستشفى وسبع غرز في جبهتي وزارني عمي وقال : ياقوبائي البنت اكيد مستحيه منك لازم تاخذون على بعض روحوا تمشوا مثلا ودها حديقة الحيوانات قلت : فكره حلوه ايش رايك تكلم اهل الحديقة يجون ياخذونها قال : الظاهر اني باكلمهم ياخذونك انت وياها .. قم بس اوصلك البيت ويوصلني عمي البيت وافتح الباب بشويش وانا خايف وادخل راسي اويق اثر دلع متوزيه ورى الباب وهي اللي تجرني بشوشتي لين المطبخ تبيني اكل من غدا مسويته تحتفل بخروجي من المستشفى واجلس وانا منطم وهي جالسه قدامي ومتربعه على الصحن واناظر في الاكل ماعرفت وشو اكل معفوس لاوحاطه في وسطه شمعه وانا انفح الشمعه لين طفت وامد يدي على صحن المعفوسه واكل لقمه ماقويت ابلعها وقلت وعععععععع وهي اللي توقف وتدور علي دورتين تختلني وانا مسوي نفسي ثقل يعني انها ماهمتني وهي تجي من ورى ظهري وتهجم علي وتنزل راسي تحت وترعصني وسط صحن المعفوسه وتحوس خشتي ثمن فكتني وارفع راسي توني راد النفس وهي اللي ترجفني برجلها ويصمخ راسي بالجدار اشوى ان الجدار كان موجود والا كان ماردني الا اقصى البيت وتاخذ الأكل وتذبه من الدريشه على القطاوه !! مساكين القطاوه وش ذنبهم ياكلونه انا بصراحه زعلت ماعاد قويت اصبر كل يوم انطق كل يوم مستشفى لازم اخذ حقي وانا ادخل الحمام واعبي البانيو (المغطس) مويه واتوزى ورىالباب واحتريها لين دخلت الحمام وانا اللي ادفها بقوه على البانيو ويصمخ راسها بالجدار وتطيح في وسط المويه دايخه وغرقت في البانيو واناظر في المويه واشوفها تنقص ..تنقص..تنقص.. الخبله شربت المويه اللي في البانيو لا وبعد مافتحت عيونها راحت المطبخ وشربت كاس مويه وتدخل الغرفه ولا كنه صار شي !! قلت ايه هين يالخبله والله ماخلي حقي وادخل المطبخ واطبخ لها شوربه واحط فيها سم فيران جيت اوديه لها قلت: مسكينه الشوربه حاره خلني ابردها اخاف تلسعها وش اسوي بنت عمي قلبي عليها والظفر مايطلع من اللحم وابرد لها الشوربه واوديها لها كاعتذار على اللي سويته وبنت الحلال الخبله ماكسحتني خذت الباديه مني بس يوم شافت ان الشوربه بارده وهي اللي تخبطها على جبهتي على نفس الجرح وعلى المستشفى وتزيد الغرز من سبع الى تسع وشهرين وحنا على هالحال خبط وخبيط وانا مغير رايح جاي على المستشفى حتى من كثر ماروح المستشفى كاتبين على باب وحده من الغرف,,, غرفه القوبائي,,, جزاهم الله الف خير انا ماعاد قويت احتمل راسي غدى كله شقوق صاير منخل وانزل تحت على عمي واذب عليه مفاتيح السياره واقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك وورقة طلاق دلع بتجيك اليوم وانحاش من المجلس واطلع للشقه واقعد اضف في غريضاتي واسمع جرس الباب يرن وانزل ابي افتح والقى عمي معه الخبله مزيونه عند الباب قلت : ادري ياعمي باطلع من شقتك اليوم قال : لا تطلع انثبر في الشقه وخذ مفتاح سيارتك بتحتاجها بعدين !!! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! توصل عيالك دلع................ انشاءاالله تعجبكم
آخر تعديل القوبائي يوم
03-02-2003 في 01:17 AM.
|
|
03-02-2003, 02:43 PM
|
#4 | |
|
عين على بني عمرو
|
كلك وفاء قوقو
ودلوعه انسانه فاهمه انت ما فهمت يكفي انها زودت ذوقك وقالت ان دل على شي فانما يدل على ذوقك فكن عالياً بذوقك كما ارادت لك اشكرك على القصه تحياتي لك ويعطيك العافيه المسكت |
|
|
|
|
03-02-2003, 03:30 PM
|
#5 | |
|
الله اكبر حلوه حركة الابجوره ........
اعطيت المتزوجات خبره........ الله يعين الرجال من اليوم ورايح....... تحياتي |
|
جمرة غضى
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيده من بنت يوم عرفت ان ولد عمها تزوج ... مؤثررره | عَزْززْفَ الهُدُووْوءْ | عطر الكلمات | 10 | 02-01-2011 01:39 AM |
| مصافحة أولى | هند آل فاضل | رياض الصالحين | 4 | 12-31-2010 07:35 AM |
| فتاة تعرض نفسها على الكام وشاهدها ابن عمها | روح القصيد | منتدى القصص والروايات | 6 | 12-08-2009 12:30 PM |
| ((((قصة بنت مع ولد عمها .عالماسنجر.. اللي ما يدخل يفوته نص عمرررره)))) | جنان الحسيكي | منتدى القصص والروايات | 9 | 05-24-2009 05:42 AM |
| مولد قصيدة | شاعرشهران | عطر الكلمات | 2 | 02-15-2006 11:13 AM |
العرض المتطور